మరో రికార్డు దిశగా మేఘా.. ఈసారి ఏంటంటే ?

తెలంగాణ రాష్ట్రానికి వరప్రదాయిని కాళేశ్వరం ప్రాజెక్టును రికార్డు సమయంలో పూర్తి చేసిన మేఘా ఇంజనీరింగ్ కంపెనీ మరో రికార్డు సృష్టించేందుకు వేగంగా అడుగులు వేస్తోంది. ఏపీ ప్రభుత్వం ప్రతిష్టాత్మకంగా చేపట్టిన రివర్స్ టెండరింగ్ ప్రక్రియలో పోలవరం నిర్మాణ పనులను చేజిక్కించుకున్న మేఘా ఇంజీనీరింగ్ సంస్థ.. పనుల్లో దూకుడు ప్రదర్శిప్తోంది. పోలవరం నిర్మాణ పనులు వేగం పెంచేందుకు సిద్ధమయింది మేఘా కంపెనీ. ఇందుకోసం ప్రాజెక్ట్ ప్రాంతంలో నిల్వ నీటిని వేగంగా తొలగిస్తున్నారు మేఘా సిబ్బంది. దాంతో స్పిల్‌వే తోపాటు […]

Rajesh Sharma | Edited By: Pardhasaradhi Peri|
Updated on: Nov 06, 2019 | 3:51 PM

తెలంగాణ రాష్ట్రానికి వరప్రదాయిని కాళేశ్వరం ప్రాజెక్టును రికార్డు సమయంలో పూర్తి చేసిన మేఘా ఇంజనీరింగ్ కంపెనీ మరో రికార్డు సృష్టించేందుకు వేగంగా అడుగులు వేస్తోంది. ఏపీ ప్రభుత్వం ప్రతిష్టాత్మకంగా చేపట్టిన రివర్స్ టెండరింగ్ ప్రక్రియలో పోలవరం నిర్మాణ పనులను చేజిక్కించుకున్న మేఘా ఇంజీనీరింగ్ సంస్థ.. పనుల్లో దూకుడు ప్రదర్శిప్తోంది.

పోలవరం నిర్మాణ పనులు వేగం పెంచేందుకు సిద్ధమయింది మేఘా కంపెనీ. ఇందుకోసం ప్రాజెక్ట్ ప్రాంతంలో నిల్వ నీటిని వేగంగా తొలగిస్తున్నారు మేఘా సిబ్బంది. దాంతో స్పిల్‌వే తోపాటు ఇతర నిర్మాణ ప్రాంతాల్లో క్రమక్రమంగా నిల్వ నీరు తగ్గిపోతోంది. నీటి నిల్వలను త్వరగా తొలగించేందుకు ప్రత్యేక నిఫుణులను రంగంలోకి దింపారు.

కాళేశ్వరం ప్రాజెక్టును రికార్డు సమయంలో నిర్మించిన మేఘా ఇంజనీరింగ్ సంస్థ అక్కడ పని చేసిన ఇంజినీరింగ్ ఎక్స్‌పర్ట్స్‌ని పోలవరం పిలిచింది. దాంతో కొన్ని ప్రత్యేక బ‌ందాలు పోలవరం చేరుకున్నాయి. మరోవైపు కొన్ని చోట్ల నిర్మాణ పనులకు అడ్డంకిగా మారిన నీటి నిల్వలను యుద్దప్రాతిపదికన తొలగించేందుకు భారీ మోటార్లను వినియోగిస్తున్నారు.

అయితే.. ఇటీవలి వర్షాలకు కట్ట తెగిపోవడంతో… ఎత్తిపోసిన నీరు తిరిగి స్పిల్‌వేలోకి చేరుకుంటుంది. దాంతో ఆ నీటిని మళ్ళించేందుకు ప్రత్యేక చర్యలు ప్రారంభించారు. స్పిల్ వేలో వున్న మట్టిని తొలగించడం ద్వారా నీరు అక్కడి నుంచి తరలి వెళ్ళిపోయేందుకు ఏర్పాట్లు చేస్తున్నారు. ఇందుకోసం భారీ క్రేన్లను వినియోగిస్తోంది మేఘా ఇంజనీరింగ్ సంస్థ.