రాహుల్ సిప్లిగంజ్ ‘సైకో వర్మ’ సాంగ్ వైరల్

కరోనాకాలంలో రామ్ గోపాల్ వర్మ సినిమాల పరంపర ఓ రేంజ్ లో సాగుతోంది. ఒక పక్క సినిమా మీద సినిమా చేస్తూ ఆర్జీవీ బిజీగా ఉంటే, అతనిపై సెటైరికల్ సినిమాలు కూడా అంతే రేంజ్ లో ఒకదాని వెనుక ఒకటి తెరకెక్కుతున్నాయి. ఆ కోవలోకి చెందినదే ‘సైకో వర్మ’ ట్యాగ్ లైన్ ‘వీడు తేడా’. ఈ సినిమాని నట్టి కుమార్ నిర్మిస్తున్నారు. ఈ మూవీలో ఓ పాటకు సంబంధించిన ప్రోమో ఇప్పుడు నెట్టింట్లో వైరల్ అవుతోంది. ఈ పాటను రాహుల్ సిప్లిగంజ్ పాడుతూ ఉన్న ఓ గ్లింప్స్ లాంటిది కూడా వదిలారు. అది ప్రస్తుతం తెగ హల్చల్ చేస్తోంది. ‘పిచ్చోడి చేతిలో రాయి.. పిచ్చోడి చేతిలో రాయి.. ఈ సైకో వర్మ నే మన భాయ్’ అంటూ రాహుల్ ఆలపించిన పాట ఆకట్టుకునేలా ఉంది. పూర్తి పాటను సెప్టెంబర్ 1 ఉదయం 9 గంటల 10 నిమిషాలకు రిలీజ్ చేయబోతోన్నట్టు ప్రకటించారు. ఇప్పటికే ఆర్జీవీ చేష్టలకు వ్యతిరేకంగా సినిమాలు రాబోతోన్నాయని పలువురు ప్రకటించిన సంగతి తెలిసిందే అందులో ఆర్జీవీ (రోజూ గిల్లే వాడు) ఆర్జీవీ (రాంగ్ గోపాల్ వర్మ), ఆర్జీవీ ( రాడ్ గోపాల్ వర్మ).. ఇలా అనేక యాంగిల్స్ లో వర్మ మీద మూవీస్ రాబోతోన్నాయి. ఇప్పటికే ‘పరాన్న జీవి’ అనే సెటైరికల్ సినిమా ప్రేక్షకుల ముందుకు కూడా వచ్చేసింది.