నటనకు గుడ్ బై అంటున్న మెగా హీరోయిన్..

మెగా ఫ్యామిలీలో ఆమె అంటే తెలియని వారుండరు. ఒక మనసు సినిమాతో వెండితెరపై అడుగుపెట్టిన ఆమె.. ఇప్పుడు సినిమాలకు గుడ్ బై చెబుతోందంటూ వార్తలు వినిపిస్తున్నాయి. ఇంతకీ ఆమె ఎవరు అనుకుంటున్నారా..? తానే మెగా బ్రదర్ నాగబాబు కూతురు నిహారిక. తొలి చిత్రంతోనే సక్సెస్ అందుకోలేక పోయినా.. నిరాశతో వెనుదిరగలేదు. ఆ తర్వాత హ్యాపీ వెడ్డింగ్ అనే చిత్రంలో నటించింది నిహారిక. ఆ చిత్రం కూడా బాక్సాఫీస్ వద్ద బోల్తా కొట్టింది. ఇక తాజాగా విడుద‌లైన సూర్య‌కాంతం చిత్రం కూడా నిహారికకి స‌క్సెస్‌ని అందించ‌లేకపోయింది. ఈ నేప‌థ్యంలో నిహారిక సంచ‌ల‌న నిర్ణ‌యం తీసుకున్న‌ట్టు సమాచారం. న‌ట‌నకి గుడ్‌బై చెప్పి నిర్మాతగా మంచి సినిమాలు చేయాల‌ని నిహారిక భావిస్తుంద‌ట‌. ఇప్పటికే త‌న సొంత బేన‌ర్ పింక్ ఎలిఫెంట్ పిక్చ‌ర్స్ బేన‌ర్‌పై నిహారిక ప‌లు వెబ్ సిరీస్‌లు చేశారు. ఇదే బేన‌ర్‌పై సినిమాలు కూడా చేయాల‌ని ఈ మెగా హీరోయిన్ అనుకుంటున్న‌ట్టు తెలుస్తోంది. తన తొలి సినిమా మెగా హీరోతోనే ఉంటుంద‌ని ఇండ‌స్ట్రీలో ఓ టాక్ వినిపిస్తుంది.