టాక్సిక్

కన్నడ ఇండస్ట్రీలో స్టార్ గా రాణిస్తున్న యష్ ఒకే ఒక్క సినిమాతో టాలీవుడ్ లోనూ ఫ్యాన్ ఫాలోయింగ్ పెంచుకున్నాడు. అదే కేజీఎఫ్. ప్రశాంత్ నీల్ దర్శకత్వంలో తెరకెక్కిన ఈ సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. పాన్ ఇండియా మూవీగా రిలీజ్ అయిన కేజీఎఫ్, కేజీఎఫ్ 2 సినిమాలు భారీ విజయాలను అందుకున్నాయి. ఇక ఇప్పుడు యష్ మరో యాక్షన్ ఎంటర్టైనర్ తో ప్రేక్షకుల ముందుకు రానున్నాడు. అదే ‘టాక్సిక్: ఎ ఫెయిరీ టేల్ ఫర్ గ్రోన్-అప్స్. మలయాళ దర్శకురాలు గీతూ మోహన్ దాస్ తెరకెక్కిస్తోన్న ఈ మూవీపై భారీ అంచనాలు ఉన్నాయి. ఇటీవల విడుదలైన టీజర్‌ యూట్యూబ్ లో సెన్సేషన్ అయ్యింది. మాస్ యాక్షన్ నేపథ్యంలో ఈ చిత్రం థియేటర్లలో విధ్వంసం సృష్టించనుందని తెలుస్తోంది. ఈ సినిమాలో కియార అద్వాని, నయనతార, రుక్మిణి వసంత్ హీరోయిన్లుగా నటిస్తున్న సంగతి తెలిసిందే. ఈమూవీలో యష్ డ్యూయల్ రోల్ లో కనిపించనున్నాడు. టాక్సిక్ సినిమా మార్చ్ 19న ప్రేక్షకుల ముందుకు రానుంది.