Toxic Movie: యశ్ ‘టాక్సిక్’ సినిమాకు మహేష్ బాబు కుమారుడి రేటింగ్.. ఇదెవ్వరూ ఊహించలేదుగా

కన్నడ స్టార్ యశ్ నటించిన లేటెస్ట్ సినిమా టాక్సిక్. ఆగస్టు 26న విడుదలైన ఈ సినిమాకు మొదటి షో నుంచే మిక్స్ డ్ టాక్ వచ్చింది. అయినా మొదటి రోజు ఈ పాన్ ఇండియా సినిమాకు భారీగా కలెక్షన్లు వచ్చాయి. కానీ ఆ తర్వాత వసూళ్లు భారీగా పడిపోయాయి.

Toxic Movie, Mahesh Babu

Basha Shek |
Updated on: Sep 01, 2026 | 9:49 PM

కేజీఎఫ్ 2 లాంటి బ్లాక్ బస్టర్ తర్వాత రాకింగ్ స్టార్ యశ్ నటించిన సినిమా ‘టాక్సిక్’. మలయాళ దర్శకురాలు గీతూ మోహన్ దాస్ తెరకెక్కించిన ఈ గ్యాంగ్ స్టర్ యాక్షన్ డ్రామా ఆగస్టు 26న ప్రపంచ వ్యాప్తంగా విడుదలైంది. అయితే భారీ అంచనాలతో ప్రేక్షకుల ముందుకు వచ్చిన ఈ సినిమాకు మొదటి షో నుంచే నెగెటివ్ టాక్ వచ్చింది. సినిమాలో యాక్షన్ సీన్లు, బోల్డ్ సన్నివేశాలు తప్పితే ఆకట్టుకునే కంటెంట్ లేదని రివ్యూయర్లు తేల్చేశారు. దీంతో మొదటి రోజు భారీ కలెక్షన్లు సాధించిన టాక్సిక్ మూవీ రెండో రోజు నుంచి ఎదురీదడం ప్రారంభించింది. ఈ సంగతి పక్కన పెడితే.. సూపర్ స్టార్ మహేష్ బాబు తనయుడు గౌతమ్ ఘట్టమనేని టాక్సిక్ సినిమాకు రేటింగ్ ఇచ్చాడన్నది ఇప్పుడు టాలీవుడ్ లో హాట్ టాపిక్ గా మారింది. లెటర్‌ బాక్స్ డీ అనే ఖాతాలో పలు సినిమాలకు రేటింగ్ ఇచ్చాడు గౌతమ్. తెలుగుతో పాటు తమిళం, కన్నడ, హిందీ, మలయాళం భాషా సినిమాలకు కూడా గౌతమ్ రేటింగ్ ఇచ్చాడు. అందులో తన తండ్రి మహేష్ బాబు నటించిన సినిమాలు కూడా ఉండడం గమనార్హం. మహేష్ బాబు నటించిన ‘పోకిరి’, ‘1: నేనొక్కడినే’ సినిమాలకు గౌతమ్ 5 స్టార్ రేటింగ్ ఇచ్చాడు. అదే సమయంలో ‘నిజం’, ‘వంశీ’ చిత్రాలకు 2 స్టార్ రేటింగ్ ఇవ్వగా.. ‘బ్రహ్మోత్సవం’ చిత్రానికి కేవలం ఒక్క స్టార్ మాత్రమే ఇచ్చాడు. అలాగే లేటెస్ట్ బ్లాక్ బస్టర్ రవితేజ ఇరుముడి సినిమాకు 3 రేటింగ్ ఇచ్చాడీ స్టార్ కిడ్. ఇదే క్రమంలో యశ్ నటించిన టాక్సిక్ మూవీకి ఏకంగా 0.5 రేటింగ్ ఇచ్చాడు గౌతమ్. ఇప్పుడిదే విషయం టాలీవుడ్, శాండల్ వుడ్ లో చర్చనీయాంశంగా మారింది.

కాగా ఈ లెటర్‌ బాక్స్ డీ ప్రొఫైల్‌లో దాదాపు 400కు పైగా సినిమాలకు రేటింగ్స్ ఇచ్చాడు గౌతమ్. హాలీవుడ్ రీసెంట్ బ్లాక్ బస్టర్స్ ‘ది ఒడిస్సీ’, ‘స్పైడర్-మ్యాన్: బ్రాండ్ న్యూ డే’ సినిమాలకు 4.5 స్టార్ ఇచ్చాడు గౌతమ్. ఇక ‘షోలే’, ‘ప్రాజెక్ట్ హెయిల్ మేరీ’, ‘నైవ్స్ అవుట్’, ‘జెర్సీ’ చిత్రాలకు 5 స్టార్ రేటింగ్ ఇవ్వగా బాలీవుడ్ ఆల్ టైమ్ బ్లాక్ బస్టర్స్ ధురందర్-1కి 4 స్టార్, ధురందర్- 2కి 3 స్టార్ ఇచ్చాడు. ఇక లోకేష్ కనగరాజ్ ‘డీసీ’కి 4 స్టార్ రేటింగ్ ఇవ్వగా, ‘టాక్సిక్’ లాగే ‘లైగర్’కు కూడా 0.5 స్టార్ ఇచ్చాడు. ప్రభాస్ ‘కల్కి 2898 ఏడీకి 2.5 స్టార్ రేటింగ్స్ ఇచ్చాడు. అలాగే బాహుబలి 2 కు 5, పెళ్లి చూపులు, సీతారామం సినిమాలకు 4.5, ఈగ మూవీకి 4 స్టార్ రేటింగ్ ఇచ్చాడు. ప్రస్తుతం గౌతమ్ రేటింగ్ విషయం నెట్టింట వైరల్ గా మారింది.

ఇవి కూడా చదవండి