Skin Care Tips : మెరిసే చర్మం కోసం వేప ఫేస్ ప్యాక్..! ఎలాగో తెలుసుకోండి..

Skin Care Tips : వర్షాకాలంలో చర్మ సమస్యలతో అందరూ ఇబ్బంది పడుతుంటారు. ఈ సీజన్‌లో మొటిమలు సాధారణం. అనేక రకాల బ్యూటీ ప్రొడక్స్‌ మార్కెట్‌లోకి

Neem Face Pack

uppula Raju | Edited By: Rajeev Rayala|
Updated on: Jul 25, 2021 | 5:00 PM

Skin Care Tips : వర్షాకాలంలో చర్మ సమస్యలతో అందరూ ఇబ్బంది పడుతుంటారు. ఈ సీజన్‌లో మొటిమలు సాధారణం. అనేక రకాల బ్యూటీ ప్రొడక్స్‌ మార్కెట్‌లోకి వస్తాయి. అవి వాడిన తరువాత కూడా మంచి ఫలితాలు రాకపోతే ఇంటి చిట్కాలు ప్రారంభించవచ్చు. మొటిమల సమస్య నుంచి బయటపడటానికి మీరు వేపను ఉపయోగించవచ్చు. వేప ఒక ఔషధంగా మాత్రమే కాకుండా చర్మ సమస్యలను కూడా తొలగిస్తుంది. సహజమైన గ్లో విషయానికి వస్తే, వేప కంటే ఉత్తమమైనది మరొకటి లేదు. ఇది చర్మాన్ని యవ్వనంగా ఉంచడమే కాకుండా మొటిమలు, మచ్చలను తొలగిస్తుంది. చర్మాన్ని శుభ్రపరచడానికి మీరు వేప ఆకులను ఉపయోగించవచ్చు. మీరు దీన్ని ఫేస్ ప్యాక్‌గా చేసుకొని వాడుకోవచ్చు. ఇది కాకుండా చర్మంలో పేరుకుపోయిన ధూళిని శుభ్రపరచడంలో ఇది సహాయపడుతుంది. వేప ఫేస్ ప్యాక్ ఎలా తయారు చేయాలో ఇప్పుడు తెలుసుకుందాం.

1. తేనె, వేప ఫేస్ ప్యాక్

10 వేప ఆకులు 2 స్పూన్ల తేనె చిటికెడు దాల్చిన చెక్క పొడి

మీరు 10 నుంచి 12 వేప ఆకులను రుబ్బుకుని పేస్ట్‌లా తయారు చేసుకోవాలి. ఇందులో తేనె, దాల్చినచెక్క పౌడర్‌ కలపాలి. మీకు మొటిమల సమస్య ఉంటే ఈ మిశ్రమాన్ని ముఖం పై 10 నిమిషాలు అప్లై చేసి ఆరిన తరువాత చల్లటి నీటితో కడగాలి. తరువాత ముఖంపై మాయిశ్చరైజర్ రాయాలి.

2. వేప, ముల్తానీ మట్టి పేస్ట్

15 వేప ఆకులు 2 టేబుల్ స్పూన్ల రోజ్ వాటర్ 2 స్పూన్ ముల్తానీ మట్టి

మొదట మీరు వేప ఆకులను రుబ్బుకొని పేస్ట్ సిద్ధం చేసుకోవాలి. అందులో రోజ్ వాటర్ కలపాలి. తరువాత 2 టేబుల్ స్పూన్ల ముల్తానీ మట్టి వేసి మందపాటి పేస్ట్ సిద్ధం చేసుకోవాలి. ఈ మిశ్రమాన్ని మీ ముఖం, మెడపై అప్లై చేసి 15 నుంచి 20 నిమిషాలు అలాగే ఉంచాలి. ఆరిన తర్వాత చల్లటి నీటితో కడిగి ఆపై రోజ్‌వాటర్‌ ముఖంపై అప్లై చేయాలి.