తొలి రోజు షూటింగ్‌లో నాగ్..

టాలీవుడ్ కింగ్ అక్కినేని నాగార్జున తొలి రోజు షూటింగ్‌లో పాల్గొన్నారు. కరోనా కారణంగా దాదాపు 5 నెలలపాటు షూటింగ్‌లు నిలచిపోవడంతో  ఇంటికే పరమితమయ్యారు. అయితే సడలింపులు రావడంతో తన పనిలో వేగం పెంచారు. ఒకే రోజు వేగంగా రెండు పనులు పూర్తి చేస్తున్నారు. ఓ వైపు బిగ్ బాస్ షూటింగ్ చేస్తూనే మరో వైపు సినిమా షూటింగ్‌లో పాల్గొన్నారు.

లాక్ డౌన్ మార్గ‌ద‌ర్శ‌కాలు పాటిస్తూ షూటింగ్ లో పాల్గొంటున్నాడు. యాక్ష‌న్ థ్రిల్ల‌ర్ మూవీ విల్డ్ డాగ్ షూట్‌ను (సోమవారం)ఈ రోజు మొదలు పెట్టారు. సెప్టెంబ‌ర్ 6 నుంచి బిగ్ బాస్ తో ఓ వైపు ప్రేక్షకుల‌ను అల‌రిస్తూనే.. మ‌రోవైపు విల్డ్ డాగ్ షూటింగ్ తో బిజీ అవుతున్నారు.

ఉద‌యం పూట విల్డ్ డాగ్ షూట్‌..సాయంత్రం బిగ్ బాస్ షూట్ లో పాల్గొనేలా ప్లాన్ చేసుకున్నారు‌. విల్డ్ డాగ్ షూటింగ్ ఇప్పటికే 3 రోజుల పాటు హైద‌రాబాద్ లో జ‌రిగింది. నాగార్జున లేని కొన్ని సీన్ల‌ను చిత్రీక‌రించారు. హైద‌రాబాద్ చుట్ట‌ప‌క్క‌ల ప్రాంతాల్లో చేజింగ్ సీక్వెన్స్ ను తీశారు. ఇలా తన షూటింగ్‌తో దూసుకుపోతున్నారు.