MS Dhoni Retirement: మహేంద్రుడి రివార్డులు.. అవార్డులు..

MS Dhoni Retirement: మిస్టర్ కూల్ మహేంద్ర సింగ్ ధోని కొద్దిసేపటి క్రితమే తన రిటైర్మెంట్‌ను ప్రకటించాడు. 16 ఏళ్ల సుదీర్ఘ కెరీర్‌లో ధోని భారత్ జట్టుకు ఎన్నో అద్భుతమైన, చిరస్మరణీయమైన విజయాలు అందించాడు. 2007లో రాహుల్ ద్రావిడ్ తర్వాత ధోని భారత్ జట్టు పగ్గాలు చేపట్టాడు. మైదానంలో తన దూకుడైన ఆటతీరుతో ప్రత్యర్ధులను బెంబేలెత్తించడమే కాకుండా వికెట్ల వెనుక తన వ్యూహాలు అమోఘం అని చెప్పాలి. భారత్ జట్టుకు విజయవంతమైన కెప్టెన్‌గా ఎదిగిన ధోని.. ఎంతోమంది ఆటగాళ్ళకు, కెప్టెన్లకు ఫేవరెట్ పర్సన్. ఇక ఈ లెజెండరీ ప్లేయర్ సాధించిన రివార్డులు.. అవార్డులు గురించి తెలుసుకుందాం.

ధోనికి వచ్చిన అవార్డులు..

• 2009. 2010, 2013 సంవత్సరాల్లో ఐసీసీ వరల్డ్ టెస్ట్ టీంలో చోటు..
• 2006,2008, 2009, 2010, 2011, 2012, 2013, 2014లో ఐసీసీ వన్డే టీంలో చోటు..
• 2008, 09లో ఐసీసీ వన్డే ప్లేయర్ ఆఫ్ ది ఇయర్ అవార్డులు..
• 2006లో ఎంటీవీ యూత్ ఐకాన్ అవార్డు
• 2007-08లో రాజీవ్ గాంధీ ఖేల్ రత్న అవార్డు
• 2009లో పద్మశ్రీ అవార్డు
• 2011లో లెఫ్టినెంట్ కల్నల్ హోదా
• 2018లో పద్మభూషణ్ అవార్డు

ధోని కెప్టెన్సీలో భారత్‌ జట్టుకు అద్భుత విజయాలు..

1. 2013లో టెస్టు సిరీస్‌లో ఆస్ట్రేలియాను వైట్ వాష్ చేసిన భారత్
2. అన్ని ఐసీసీ ట్రోఫీలు గెలిచినా కెప్టెన్ గా ధోని రికార్డు
3. 2007లో టీ20 వరల్డ్ కప్
4. 2011లో వన్డే వరల్డ్ కప్
5. టెస్టుల్లో నెంబర్ వన్ స్థానానికి భారత్‌ను చేర్చాడు ధోని
6. అన్ని ఐసీసీ టోర్నమెంట్లలో భారత్ ను విజేతగా నిలిపి విజయవంతమైన కెప్టెన్ గా నిలిచాడు ధోని

Also Read: అంతర్జాతీయ క్రికెట్‌కు సురేష్ రైనా గుడ్ బై..