కాల్‌సెంటర్‌ ఉద్యోగికి రూ.3.5 కోట్ల జరిమానా!

ప్రస్తుతం పంజాబ్‌లోని కాల్ సెంటర్‌లో పనిచేస్తున్న మధ్యప్రదేశ్‌లోని భింద్ జిల్లాకు చెందిన ఒక వ్యక్తికి రూ .3.49 కోట్ల జరిమానా చెల్లించాలని ఆదాయపు పన్ను శాఖ నోటీసు వచ్చింది. 2011-12లో తన పాన్ నంబర్ మీద రూ .132 కోట్ల లావాదేవీలు జరిగినట్టు అందుకుగాను .3.49 కోట్ల జరిమానా చెల్లించాలని ఆ నోటీసు సారాంశం.

లూధియానాలోని బిజినెస్ ప్రాసెస్ అవుట్‌సోర్సింగ్ (బిపిఓ) కంపెనీలో అసిస్టెంట్ మేనేజర్‌గా పనిచేస్తున్న రవి గుప్తా మాట్లాడుతూ, తన శాశ్వత ఖాతా సంఖ్య (పాన్) ఉపయోగించి, కొంతమంది మోసగాళ్ళు బ్యాంకు ఖాతా తెరిచి ఉండవచ్చని ఆయన పేర్కొన్నారు, కాని దాని గురించి తన దగ్గర ఎలాంటి ఆధారాలు లేవని తెలిపారు. 2011-12లో ఇండోర్‌లోని బిపిఓలో పనిచేశానని, వార్షిక వేతనం రూ .60,000 అని మిస్టర్ గుప్తా చెప్పారు.

“గ్వాలియర్ లోని ఐ-టి కార్యాలయం డిసెంబర్ 17 (2019) న నాకు నోటీసు జారీ చేసింది, ఇందులో జనవరి 17 లోగా రూ .3.49 కోట్ల జరిమానా చెల్లించాలని కోరింది. ఈ నోటీసు నాకు షాక్ ఇచ్చింది” అని గుప్తా గురువారం చెప్పారు. సదరు లావాదేవీల గురించి తనకు తెలియదని గ్వాలియర్‌లోని ఆదాయపు పన్ను అధికారులతో తాను ఈ విషయాన్ని లేవనెత్తినప్పటికీ, వారు సహాయం చేయడానికి సిద్ధంగా లేరని ఆయన అన్నారు.

అయితే తన సొంత “దర్యాప్తు” ను ప్రారంభించిన రవి గుప్తా, తన పాన్ నంబర్ సహాయంతో బ్యాంకులో అకౌంట్ ఓపెన్ చేసి.. 132 కోట్ల రూపాయల లావాదేవీలను సూరత్‌కు చెందిన వజ్రాల సంస్థ నిర్వహించిందని, అనేక లావాదేవీల తర్వాత బోగస్ బ్యాంక్ ఖాతా మూసివేయబడిందని తెలుసుకున్నారు. ఈ కేసులో ఇంతవరకు పోలీసులకు ఎందుకు ఫిర్యాదు చేయలేదని అడిగినప్పుడు, గ్వాలియర్, లుధియానాలోని పోలీసులు ముంబైలోని తమ సహచరులను సంప్రదించమని కోరినట్లు గుప్తా చెప్పారు. “అయితే నా పాన్ ఉపయోగించి బ్యాంక్ ఖాతా తెరిచిన మోసగాళ్ళు నాకు హాని కలిగించవచ్చని నేను ముంబై వెళ్ళడానికి భయపడ్డాను” అని అతను చెప్పాడు.