సింహం ఎముకల అక్రమ రవాణా… ఎందుకంటే?

సుమారు 342 కిలోల సింహాల ఎముకలను సౌతాఫ్రికా పోలీసులు సీజ్‌ చేశారు. జోహాన్నస్‌బర్గ్‌ ఎయిర్‌పోర్ట్‌లో వాటిని స్వాధీనం చేసుకున్నారు. ఆసియా దేశాల్లో మృగరాజుల ఎముకలకు భారీ డిమాండ్‌ ఉంది. మొత్తం 12 బాక్సుల్లో.. అల్యూమినియం ఫాయిల్‌లో సింహం ఎముకలను చుట్టి మలేషియాకు తరలిస్తున్నట్టు గుర్తించారు.వాటిని తరలిస్తున్న ముగ్గురు వ్యక్తులను అరెస్ట్ చేశారు. ఇందులో ఒకరు జింబాంబ్వేకి చెందిన వ్యక్తి కాగా.. మరో ఇద్దరు విదేశీయులు ఉన్నారు. పెంపుడు సింహాల ఎముకల తరలింపుకు చట్టబద్దత ఉన్నప్పటికీ.. దానికి కూడా […]

సింహం ఎముకల అక్రమ రవాణా... ఎందుకంటే?
Follow us

| Edited By:

Updated on: Oct 04, 2019 | 10:57 PM

సుమారు 342 కిలోల సింహాల ఎముకలను సౌతాఫ్రికా పోలీసులు సీజ్‌ చేశారు. జోహాన్నస్‌బర్గ్‌ ఎయిర్‌పోర్ట్‌లో వాటిని స్వాధీనం చేసుకున్నారు. ఆసియా దేశాల్లో మృగరాజుల ఎముకలకు భారీ డిమాండ్‌ ఉంది. మొత్తం 12 బాక్సుల్లో.. అల్యూమినియం ఫాయిల్‌లో సింహం ఎముకలను చుట్టి మలేషియాకు తరలిస్తున్నట్టు గుర్తించారు.వాటిని తరలిస్తున్న ముగ్గురు వ్యక్తులను అరెస్ట్ చేశారు. ఇందులో ఒకరు జింబాంబ్వేకి చెందిన వ్యక్తి కాగా.. మరో ఇద్దరు విదేశీయులు ఉన్నారు. పెంపుడు సింహాల ఎముకల తరలింపుకు చట్టబద్దత ఉన్నప్పటికీ.. దానికి కూడా కొన్ని ప్రత్యేక అనుమతులు తప్పనిసరి అని జోహెన్నెస్‌బర్గ్ కస్టమ్స్ అధికారులు తెలిపారు. కాగా, దక్షిణాఫ్రికాలో 11వేలకు పైగా సింహాలు ఉన్నాయి. ఇందులో 3వేల సింహాలు మాత్రమే జాతీయ పార్కుల్లో ఉన్నాయి. గతంలో సింగపూర్ ఎయిర్ లైన్స్ మాత్రమే దక్షిణాఫ్రికా నుంచి సింహాల ఎముకలను ఆసియా దేశాలకు తరలించేది. అయితే ఆ తర్వాత కాలంలో సింహాల ఎముకల రవాణాను సింగపూర్ ఎయిర్‌లైన్స్ రద్దు చేసుకుంది. అయితే సింహం ఎముకలను పలు ఔషధాల తయారీల్లోనూ, బంగారు ఆభరణాల తయారీలోనూ వాడుతారు. దీంతో సింహం ఎముకలకు అనూహ్యంగా డిమాండ్ పెరిగిపోయింది.