Cracked Heels: కాళ్ల పగుళ్లు వేధిస్తున్నాయా? ఈ 5 సింపుల్ టిప్స్ పాటిస్తే మీ పాదాలు పట్టులా మెరిసిపోవడం ఖాయం!
చాలా మంది ముఖ సౌందర్యానికి ఇచ్చే ప్రాధాన్యత పాదాలకు ఇవ్వరు. దీనివల్ల కాలంతో సంబంధం లేకుండా మడమల పగుళ్ల సమస్య వేధిస్తుంటుంది. కొందరికైతే ఈ పగుళ్లు ఎక్కువై రక్తం కారడం, నడవలేకపోవడం వంటి తీవ్రమైన నొప్పులు వస్తుంటాయి. అయితే బ్యూటీ పార్లర్లకు వెళ్లి వేల రూపాయలు ఖర్చు పెట్టాల్సిన పని లేకుండా, కేవలం మన ఇంట్లో ఉండే వస్తువులతోనే పగిలిన మడమలను నయం చేసుకోవచ్చు. మడమలను పట్టులా మృదువుగా మార్చే ఆ 5 సులువైన చిట్కాలు ఏంటో ఇప్పుడు చూద్దాం.
Updated on: May 21, 2026 | 4:41 PM
పాదాల పరిశుభ్రతపై సరైన శ్రద్ధ పెట్టకపోవడం, చర్మం పొడిబారడం వల్ల మడమల పగుళ్ల సమస్య వస్తుంది. చాలా మంది పగుళ్లు వచ్చినప్పుడు ఆ చర్మాన్ని చేతులతో లాగేస్తుంటారు. అలా చేయడం వల్ల ఇన్ఫెక్షన్లు వచ్చే ప్రమాదం ఉంది. ఈ సమస్యకు చెక్ పెట్టి పాదాలను అందంగా, మృదువుగా మార్చుకోవడానికి నిపుణులు కొన్ని సింపుల్ హోమ్ రెమెడీస్ సూచిస్తున్నారు.
1. డెడ్ స్కిన్ సాఫ్ట్ గా మార్చండి: మడమలపై పేరుకుపోయిన మృతకణాలను నేరుగా తొలగించడానికి ప్రయత్నిస్తే చర్మం ఊడివచ్చి గాయాలవుతాయి. అందుకే ముందుగా ఒక టబ్ లో గోరువెచ్చని నీటిని తీసుకుని, అందులో కొద్దిగా ఉప్పు లేదా షాంపూ వేసి కలపాలి. ఈ నీటిలో పాదాలను 10 నుండి 15 నిమిషాల పాటు నానబెట్టాలి. ఇలా చేయడం వల్ల మడమలపై ఉన్న గట్టి చర్మం మెత్తబడుతుంది.
2. స్క్రబ్బర్ ఉపయోగించండి: మడమల చర్మం మెత్తబడిన తర్వాత, ఒక మంచి ఫుట్ స్క్రబ్బర్ (ప్యుమిస్ స్టోన్ లేదా బ్రష్) సహాయంతో మడమలపై తేలికగా రుద్దాలి. ఇలా చేయడం వల్ల నొప్పి లేకుండానే పాదాలపై ఉన్న డ్యామేజ్ అయిన చర్మం, మృతకణాలు సులభంగా తొలగిపోతాయి.
3. మాయిశ్చరైజర్ రాయడం మర్చిపోవద్దు: చర్మం పొడిబారడం వల్లే పగుళ్లు మరింత ఎక్కువవుతాయి. కాబట్టి పాదాలను ఎల్లప్పుడూ మాయిశ్చరైజ్డ్ గా ఉంచుకోవాలి. ప్రతిరోజూ స్నానం చేసిన తర్వాత మరియు రాత్రి పడుకునే ముందు పాదాలకు మంచి థిక్ క్రీమ్ లేదా పెట్రోలియం జెల్లీని రాయాలి. క్రీమ్ పరుపుకు అంటకుండా ఉండటానికి కాటన్ సాక్స్ ధరించడం మంచిది.
4. సహజసిద్ధమైన పోషణ: పగిలిన మడమలకు అలోవెరా జెల్ (కలబంద) అద్భుతంగా పనిచేస్తుంది. దీంతో పాటు తేనె, గ్లిజరిన్ లేదా రోజ్ వాటర్ మిశ్రమాన్ని పాదాలకు రాసి 15 నిమిషాల పాటు ఉంచి ఆపై కడిగేయాలి. ఇది చర్మానికి మంచి పోషణను అందించి, మడమలను సాఫ్ట్ గా మారుస్తుంది.
5. హైడ్రేషన్ చాలా ముఖ్యం: పైపైన చిట్కాలు పాటించడమే కాకుండా శరీరానికి లోపలి నుండి కూడా హైడ్రేషన్ అవసరం. చర్మం పొడిబారకుండా ఉండాలంటే రోజూ తగినంత మొత్తంలో నీరు తాగాలి. అలాగే మీ ఆహారంలో విటమిన్లు సమృద్ధిగా ఉండేలా చూసుకోవాలి.
ఈ చిన్న చిన్న చిట్కాలను క్రమం తప్పకుండా పాటిస్తే, మీ పాదాల పగుళ్లు తగ్గి మడమలు ఎంతో అందంగా, సాఫ్ట్ గా తయారవుతాయి.
గమనిక : ఇది కేవలం సమాచారం మాత్రమే. పైన పేర్కొన్న చిట్కాలు, సమాచారం సాధారణ ఆరోగ్య సూచనల ప్రాతిపదికన అందించబడ్డాయి. ఆరోగ్య సమస్యలు తీవ్రంగా ఉంటే నిపుణులైన వైద్యులను సంప్రదించడం మంచిది. దీనికి సంస్థ ఎలాంటి బాధ్యత వహించదు.
