కుక్కను వెంబడిస్తూ వెళితే.. బయటపడిన 18 వేల ఏళ్ల రహస్య ప్రపంచం
ఫ్రాన్స్లో ఒక కుక్కను వెతుకుతూ వెళ్లిన నలుగురు కుర్రాళ్లు యాదృచ్ఛికంగా 18 వేల ఏళ్ల నాటి లాస్కాక్స్ గుహను కనుగొన్నారు. జంతువుల అద్భుత చిత్రాలతో నిండిన ఈ గుహ ప్రపంచ వారసత్వ సంపదగా గుర్తింపు పొందింది. పర్యాటకుల వల్ల చిత్రాలు దెబ్బతినడంతో అసలు గుహను మూసివేసి, ప్రస్తుతం ప్రతిరూపాల ద్వారా ప్రజలకు ఈ ప్రాచీన కళా వైభవాన్ని చూపిస్తున్నారు.
ఒక కుక్కను అనుసరిస్తూ వెళ్లిన కొందరు కుర్రాళ్లు, యాదృచ్ఛికంగా 18,000 ఏళ్ల నాటి అద్భుత కళా ప్రపంచాన్ని కనుగొన్నారు. ఈ సంఘటన 1940 సెప్టెంబర్ 12న ఫ్రాన్స్లోని మాంటిగ్నాక్ సమీపంలో జరిగింది. నలుగురు స్థానిక కుర్రాళ్లు తమ కుక్కను అనుసరిస్తూ అడవిలోకి వెళ్లారు. అక్కడ చెట్ల మధ్య ఉన్న ఒక చిన్న రంధ్రంలోకి అది పడిపోవడంతో, దాన్ని కాపాడేందుకు వారు ఒక దీపంతో లోపలికి ప్రవేశించారు. 98 అడుగుల పొడవున్న మార్గంలో ప్రయాణించిన తర్వాత, వారికి గోడలపై అద్భుతమైన చిత్రాలు కనిపించాయి. ఎద్దులు, గుర్రాలు, జింకలు వంటి జంతువుల చిత్రాలతో నిండి ఉన్న ఆ గుహను చూసి వారు ఆశ్చర్యపోయారు. ఆ గుహే “లాస్కాక్స్” గా ప్రపంచ ప్రసిద్ధి చెందింది. ఆ గుహలో సుమారు 680 పెయింటింగ్స్, 1,500కి పైగా చెక్కిన శిల్పాలు ఉన్నాయి. రేడియో కార్బన్ డేటింగ్ ద్వారా ఆ చిత్రాలు సుమారు 18,900 సంవత్సరాల క్రితం నాటివని శాస్త్రవేత్తలు తేల్చారు. 1948లో ఆ గుహను పర్యాటకుల కోసం తెరిచారు. అయితే, రోజూ వేల సంఖ్యలో వచ్చే సందర్శకుల శ్వాస, శరీర ఉష్ణోగ్రత వల్ల వెలువడే కార్బన్ డయాక్సైడ్, తేమ కారణంగా గుహ గోడలపై ఫంగస్, నాచు ఏర్పడి చిత్రాలు దెబ్బతినడం ప్రారంభమైంది. దాంతో ఫ్రాన్స్ ప్రభుత్వం 1963లో అసలు గుహను శాశ్వతంగా మూసివేసింది. ప్రస్తుతం ఈ అద్భుత కళను ప్రజలు వీక్షించేందుకు లాస్కాక్స్ II, లాస్కాక్స్ IV వంటి ప్రతిరూపాలను నిర్మించారు. ఈ ప్రపంచ వారసత్వ సంపదను కాపాడేందుకు శాస్త్రవేత్తలు నిరంతరం పర్యవేక్షిస్తున్నారు. ఆదిమానవుల కళాత్మక సృజనకు నిలువుటద్దమైన లాస్కాక్స్ గుహ, ప్రాచీన సంపదను కాపాడుకోవాల్సిన బాధ్యతను గుర్తుచేస్తూనే ఉంది.
మరిన్ని వీడియోల కోసం ఇక్కడ క్లిక్ చేయండి
Also Watch:
MS Dhoni: రిటైర్మెంట్పై ధోనీ.. హింట్ ఇచ్చినట్లేనా?
Jayam Ravi: భార్య VS లవర్! దెబ్బకు పిచ్చోడిలా తయారైన స్టార్ హీరో
20లక్షల కోసం.. హీరోయిన్ను చంపేసిన భర్త?
పాపం! ఆ స్టార్ను చూస్తుంటే బాధేస్తోంది..
Peddi: అమ్మ బుచ్చి.. నీకోమో 30 కోట్లు.. హీరోకేమో 100 కోట్లా..
కుక్కను వెంబడిస్తూ వెళితే.. బయటపడిన 18 వేల ఏళ్ల రహస్య ప్రపంచం
రోడ్డుపై నోట్ల కట్టలు.. కళ్లు చెదిరే ఆ మొత్తాన్ని చూసి..
18 సార్లు లాటరీ కొట్టినా. ‘నా అసలైన జాక్పాట్ నా భార్యే’
పిస్టళ్లతో వచ్చిన దొంగలకు లేడీ షాక్.. చుక్కలు చూపించిన మహిళ
పిల్లల కోసం ప్రాణాలకే తెగించిన తల్లి
10 లక్షలు పెట్టి లీక్ పేపర్ కొన్నా.. నీట్లో 720కి 107 మార్కులే !
అమెరికాలో 5కే ఆఫీస్ ఖాళీ.. ఇండియాలో 10వరకు పని!

