లాక్ డౌన్ లో క్రికెట్..డ్రోన్ చూసి లుంగీలు క‌ప్పుకోని ప‌రుగో పరుగు..

కరోనా మహమ్మారి విస్తోరిస్తోంది.. కరోనా వైరస్‌ సోకినవారు వందల సంఖ్యలో చనిపోతున్నారు. ఇంటిపట్టునే ఉండండి.. క్షేమంగా ఉండండి అంటూ ఎంతగా వేడుకుంటున్నా ఈ మంచి మాటలను పెడచెవిన పెట్టేవాళ్లు ఎక్కువయ్యారు.. లాక్‌డౌన్‌ అంటే సెలవులనుకునే బాపతుగాళ్లు కూడా ఎక్కువగానే ఉన్నారు.. హాలీడేస్‌ను ఎంజాయ్‌ చేసినట్టుగా బ్యాటు, బాల్‌ తీసుకుని గ్రౌండ్‌కు వెళ్లారు కొందరు.. వారిని వినూత్న రీతిలో ఆటకట్టించారు చెన్నై పోలీసులు. ఆట స్థలంపైకి డ్రోన్‌ కెమెరాను పంపించగానే కాలికి బుద్ధి చెప్పారు.. కట్టుకున్న లుంగీలు జారుతున్నా పట్టించుకోలేదు.. పట్టుబడకూడదని పరుగులు పెట్టారు.. చెట్టుకొకరుగా.. పుట్టకొకరిగా దౌడు తీశారు.. ఇలాంటి కామెడీ సీన్లు మనం సినిమాల్లోనే చూసి ఉంటాం కదా..! రియల్‌గా చూపించిన చెన్నై పోలీసులకు హాట్సాఫ్‌… ఇంకెవరూ సాహసించి బయటకు రాకుండా గట్టిగా బుద్ధి చెప్పారు..