Flight Attendants: విమానంలో ప్రయాణీకుల సహాయానికి ఎక్కువగా మహిళా సిబ్బందే ఎందుకు ఉంటారు? ప్రత్యేక కారణం ఉందా?
Flight Attendants: విమానంలో ప్రయాణించే సమయంలో మనకు సహాయం చేయడానికి ఎయిర్ హోస్టెస్ లు ఉంటారు. అదేవిధంగా క్యాబిన్ క్రూలో కూడా ఎక్కువగా మహిళలే కనిపిస్తారు? ఇలా ఎందుకు? మగవారిని ఎందుకు నియమించరు?
Updated on: Jun 03, 2021 | 2:26 PM
Flight Attendants: విమానంలో ప్రయాణించే సమయంలో మనకు సహాయం చేయడానికి ఎయిర్ హోస్టెస్ లు ఉంటారు. అదేవిధంగా క్యాబిన్ క్రూలో కూడా ఎక్కువగా మహిళలే కనిపిస్తారు? ఇలా ఎందుకు? మగవారిని ఎందుకు నియమించరు? ఎపుడైనా ఈ విషయాన్ని ఆలోచించారా? విమానయాన సంస్థలు ఉద్దేశపూర్వకంగా మహిళా విమాన సహాయకులను ఎందుకు చేస్తాయి? ఈ ప్రశ్న మీకు విమాన ప్రయాణ సమయంలో ఎపుడైనా అనిపించిందా? అసలు చాలా విమానయాన సంస్థలు మహిళలను మాత్రమే విమాన సహాయకులుగా నియమించడానికి ఇష్టపడతారు. ఇలా ఎందుకో తెలుసా? ఆ విషయాలను గురించి తెలుసుకుందాం రండి.
విమాన సహాయకులుగా పురుషుల్ని అసలు నియమించరు అని అనుకోవడానికి లేదు. కానీ, ఆ సంఖ్య చాలా తక్కువ. ఎంపిక చేసిన కొన్ని విమానయాన సంస్థలు మాత్రమే దీన్ని చేస్తాయి. ఫ్లైట్ అటెండెంట్లుగా పురుషులను నియమించుకునే కంపెనీలు ఎక్కువ ప్రయత్నం, కృషి అవసరమయ్యే పరిస్థితుల్లో మాత్రమే వారిని ఎన్నుకుంటాయని చెబుతారు. ఒకరకంగా చెప్పాలంటే..ఒక విమానం క్యాబిన్ సిబ్బంది పని గ్లామర్ను జోడించడం ద్వారా కూడా కనిపిస్తుంది. చాలా విమానాలలో పురుష, మహిళా క్యాబిన్ సిబ్బంది సభ్యుల నిష్పత్తి 2/20 అని అంచనా. కొన్ని విదేశీ విమానయాన సంస్థలలో ఈ నిష్పత్తి 4/10 కూడా. ఆతిథ్యానికి సంబంధించిన పనికి మహిళలకు ప్రాధాన్యత ఇస్తారు. దీని వెనుక చాలా కారణాలు చెబుతారు. వాటిలో కొన్ని ఇవీ..
- పురుషులతో పోలిస్తే ప్రజలు స్త్రీలు చెప్పే విషయాలను చాలా జాగ్రత్తగా వింటారని ఒక నమ్మకం. ప్రయాణీకులు మహిళలు విమానంలో అవసరమైన సూచనలను పాటించినప్పుడు జాగ్రత్తగా వింటారు. భద్రతా మార్గదర్శకాల గురించి వారికి సున్నితంగా మహిళలు తెలియచేయగలరు.
- విమాన సేవ, ఇతర నిర్వహణపై ప్రత్యేక శ్రద్ధ వహిస్తారు. పురుషుల కంటే మహిళలకు మంచి నిర్వహణ నైపుణ్యాలు ఉన్నాయని అందరికీ ఒక నమ్మకం. అదే విధంగా మహిళలు ఏదైనా విషయాన్ని చాలా జాగ్రత్తగా వింటారు. అందువల్ల వీరికి శిక్షణ ఇవ్వడం చాలా సులభంగా ఉంటుంది.
- పురుషులతో పోలిస్తే మహిళలు కూడా ఆకర్షణీయంగా కనిపిస్తారు. ప్రయాణీకులను రిసీవ్ చేసుకోవడంలోనూ.. వారికి వీడ్కోలు చెప్పే సమయంలో కూడా మహిళలు పురుషుల కంటే మర్యాదపూర్వకంగా ఉంటారు. ఇది విమానయాన సంస్థలపై ప్రయాణికుల ఇమేజ్ను మెరుగుపరుస్తుంది.
- క్యాబిన్ సిబ్బందికి అవసరమైన నాణ్యతగా పరిగణించే అంశాలలో పురుషులతో పోలిస్తే మహిళలు మరింత హుందాగా మరియు ఆకర్షణీయంగా ఉంటారు.
- పురుషుల కంటే మహిళలు తక్కువ బరువు ఉన్నట్లు సాధారణంగా కనిపిస్తుంది. విమానయాన సంస్థకు తక్కువ బరువు అంటే వారు తక్కువ ఇంధనం ఖర్చు అవుతుందని భావిస్తారు.
ఫ్లైట్ అటెండెంట్ల కోసం మహిళలను ఎన్నుకోవటానికి ఇవే కారణాలని చెబుతారు విమానయాన సంస్థల వారు. కానీ, ఇది లింగ వివక్ష అనీ, విమానయాన సంస్థలు సమానత్వాన్ని పాటించడంలేదనీ కొందరు విమర్శిస్తూ వస్తున్నారు.
