Bank Clients : అకౌంట్ నుంచి డబ్బులు కట్ అవుతాయి.. కానీ మనీ మధ్యలోనే ఆగిపోతాయి..! అప్పుడు ఏం చేయాలి..?

Bank Clients : డిజిటల్ ఇండియా కింద యుపిఐ చెల్లింపు విధానం గత కొన్ని సంవత్సరాలుగా దేశవ్యాప్తంగా వేగంగా వృద్ధి

Bank Clients

Updated on: Jun 21, 2021 | 3:31 PM

Bank Clients : డిజిటల్ ఇండియా కింద యుపిఐ చెల్లింపు విధానం గత కొన్ని సంవత్సరాలుగా దేశవ్యాప్తంగా వేగంగా వృద్ధి చెందింది. నేటి కాలంలో చాలా మంది స్మార్ట్‌ఫోన్ వినియోగదారులు చిటికెలో చెల్లింపులు చేయడానికి యుపిఐని ఆశ్రయిస్తున్నారు. మే నెలలో యుపిఐ ప్లాట్‌ఫామ్‌లపై మొత్తం రూ.4,90,638.65 కోట్ల లావాదేవీలు జరిగాయని నేషనల్ పేమెంట్ కార్పొరేషన్ ఆఫ్ ఇండియా (ఎన్‌పిసిఐ) గణాంకాలు చెబుతున్నాయి. మే 2021 నాటికి 224 బ్యాంకులు ఈ వేదిక ద్వారా చెల్లింపు సౌకర్యాన్ని అందిస్తున్నాయి. గత నెలలో యుపిఐ ప్లాట్‌ఫామ్‌లో సుమారు 2,539.57 మిలియన్ లావాదేవీలు జరిగాయి.

ఇంత పెద్ద స్థాయిలో చెల్లింపులు చేస్తున్నప్పుడు మధ్యలో కొన్ని కొన్ని సమస్యలు కూడా వస్తున్నాయి. ఖాతా నుంచి డబ్బులు కట్ అవుతాయి. కానీ ఆ డబ్బులు లబ్ధిదారుడి అకౌంట్లో జమకావు. మధ్యలోనే ఆగిపోతాయి. కొన్నిసార్లు, సాంకేతిక లోపం లేదా నెట్‌వర్క్ కారణంగా చెల్లింపు మళ్లీ మళ్లీ విఫలమవుతుంది. ఇలాంటి పరిస్థితుల్లో ప్రజలు బాధపడాల్సి వస్తుంది. యుపిఐ చెల్లింపులను నిర్వహించే సంస్థ ఎన్‌పిసిఐ కూడా ఎప్పటికప్పుడు దీని గురించి ప్రజలకు అవగాహన కల్పిస్తుంది కొత్త నవీకరణల గురించి సమాచారాన్ని అందిస్తుంది.

ఏప్రిల్ నెలలోనే యుపిఐ చెల్లింపునకు సంబంధించి కొన్ని లోపాలు బయటపడ్డాయి. అయితే ఎన్‌పిసిఐ దీనిపై వివరణ ఇచ్చి ఆర్థిక సంవత్సరంలో వచ్చిన మార్పు వల్ల ఈ సమస్య వచ్చిందని చెప్పారు. అటువంటి పరిస్థితిలో కస్టమర్‌గా మీ యుపిఐ చెల్లింపు విఫలమైతే ఏమి చేయాలి.. మీరు ఎవరికి ఫిర్యాదు చేయాలి.. డబ్బు మీ ఖాతాకు ఎప్పుడు తిరిగి జమ అవుతుంది. ఈ రోజు ఈ విషయాలకు సంబంధించి సమాచారం తెలుసుకుందాం.

ఖాతా నుంచి డబ్బు తీసివేయబడినా లావాదేవీ పూర్తి కాకపోతే? యుపిఐ వ్యవస్థలో చెల్లింపు తిరస్కరించబడిన వెంటనే అది ఖాతాలో రివర్స్ అవుతుంది. కొద్ది నిమిషాల్లోనే అది చెల్లింపుదారుల ఖాతాకు తిరిగి వస్తుంది. కొన్నిసార్లు దీనికి కొంచెం సమయం పడుతుంది. ఒక గంటలో డబ్బు ఖాతాలోకి రాకపోతే మీరు దీని గురించి మీ బ్యాంకును సంప్రదించవచ్చు. ఒక నెలలోపు వారి వైపు నుంచి స్పందన లేకపోతే మీరు ఆర్బిఐ 2019 అంబుడ్స్‌మన్ స్కీమ్ ఆఫ్ డిజిటల్ లావాదేవీల కింద ఫిర్యాదు చేయవచ్చు.

యుపిఐ లావాదేవీల గురించి ఎక్కడ ఫిర్యాదు చేయాలి? యుపిఐ యాప్ ద్వారా మీ లావాదేవీలకు సంబంధించిన ఫిర్యాదులు చేసే అవకాశం కూడా మీకు ఉంటుంది.ఈ యాప్‌లో ఫిర్యాదు చేసిన తర్వాత మీరు దాని స్థితి ఏమిటో కూడా తనిఖీ చేయవచ్చు. చెల్లింపు చేసిన తర్వాత మీరు ‘పెండింగ్’ చూపిస్తుంటే మీ చెల్లింపు విజయవంతమైందని అర్థం. కానీ లబ్ధిదారుడి బ్యాంక్ స్థాయిలో కొంత సమస్య కారణంగా లావాదేవీ పెండింగ్‌లో ఉంటుంది. వారు 48 గంటల్లో ఈ చెల్లింపును పొందుతారు. బ్యాంకు నుంచి రోజువారీ సెటిల్మెంట్ తర్వాత ఇది స్వయంచాలకంగా పూర్తవుతుంది.

మీ ఖాతా గురించి యుపిఐ ప్లాట్‌ఫాం ఏ సమాచారాన్ని పొందుతుంది? యుపిఐ చెల్లింపు వ్యవస్థను ఎన్‌పిసిఐ రూపొందించింది ఆర్‌బిఐ నిబంధనల ప్రకారం నియంత్రించబడుతుంది. యుపిఐ ప్లాట్‌ఫామ్‌లపై ఏదైనా సమాచారం మీ మొబైల్ నంబర్ ఆధారంగా లభిస్తుంది. ఈ సమాచారం గోప్యంగా ఉంటుంది. అనగా యుపిఐ ఖాతా గురించి మొత్తం సమాచారాన్ని సేకరించదు. బ్యాంక్, యుపిఐ ప్లాట్‌ఫాం మధ్య ఈ సమాచార మార్పిడి సురక్షితమైన బ్యాంకింగ్ నెట్‌వర్క్‌ల ద్వారా జరుగుతుంది. NPCI ఈ డేటాను నిల్వ చేయదు, ఉపయోగించదు.