Covid 19: ఆకస్మిక మరణాలకు వ్యాక్సినే కారణమా.? ICMR అధ్యయనంలో ఆసక్తికర విషయాలు

కరోనా మహమ్మారి యావత్ ప్రపంచాన్ని ఎంతలా అతలాకుతలం చేసిందో ప్రత్యేకంగా చెప్పాల్సిన పనిలేదు. కంటికి కనిపించని ఓ సూక్ష్మజీవి అగ్ర రాజ్యాలను గడగడలాడించింది. ఆర్థికంగా శక్తివంతమైన దేశాలపై తీవ్ర ప్రభావం పడింది. ప్రతీ రంగంలో కరోనా కారణంగా నష్టాలు వచ్చాయి. ఇక కరోనా కారణంగా ఎంత మంది మరణించారో లెక్కలు కూడా. ప్రపంచవ్యాప్తంగా ప్రజుల పిట్టల్లా రాలిపోయారు.

మార్చురీలు వందలాది శవాలతో నిండిపోయాయి. స్మశాన వాటికల ముందు శవాలను లైన్‌లో పెట్టే దుస్థితి వచ్చింది. చరిత్ర ఎన్నడూ చూడని ఘోరమైన పరిస్థితులకు కారణంగా నిలిచిన కరోనా మహమ్మారి.. ఆరోగ్యాలపై కూడా తీవ్ర దుష్ఫ్రభావాలను చూపింది. ఇక కోవిడ్‌ 19 వ్యాక్సిన్ అందుబాటులోకి వచ్చిన తర్వాత వైరస్‌ వ్యాప్తి క్రమంగా తగ్గుతూ వచ్చింది. ప్రస్తుతం కరోనా కేసులు నమోదు కావడం లేదు కానీ.. ఇటీవల భారత్‌లో జరుగుతోన్న కొన్ని ఆకస్మిక మరణాలు మరోసారి ఆందోళన కలిగించింది.

గత కొన్ని రోజుల నుంచి దేశంలో యువత పెద్ద ఎత్తున మరణిస్తుండడం నిపుణులును సైతం ఆందోళనకు గురి చేసింది. అప్పటి వరకు సంతోషంగా ఉన్న వ్యక్తి ఒక్కసారి కుప్పకూలిన సంఘటనలు వైరల్‌గా మారాయి. యువత గుండెపోటుతో మరణించిన వీడియోలు సైతం నెట్టింట ట్రెండ్‌ అయ్యాయి. ఇదిలా ఉంటే కోవిడ్‌ 19 వ్యాక్సినేషన్‌ వల్లే ఈ ఆకస్మిక మరణాలు సంభవించాయని కొందరు ప్రచారం చేయడం మొదలు పెట్టారు.

“COVID-19 vaccination did not increase the risk of unexplained sudden death among young adults in India. Past COVID-19 hospitalization, family history of sudden death and certain lifestyle behaviours increased the likelihood of unexplained sudden death,” says ICMR Study pic.twitter.com/pmeh0et1On

— ANI (@ANI) November 21, 2023

అయితే ఈ వార్తలో ఎంత వరకు నిజం ఉందన్న విషయంపై ఇండియన్‌ కౌన్సిల్‌ ఆఫ్‌ మెడికల్ రీసెర్చ్‌ (ఐసీఎమ్‌ఆర్‌) ఓ అధ్యయనం నిర్వహించింది. యువకుల్లో ఆకస్మిక మరణాలకు, కోవిడ్‌ 19 వ్యాక్సినేషన్‌కు ఎలాంటి సంబంధం లేదని ఈ అధ్యయంలో ఏతలింది. ఆసుపత్రిలో చేరే స్థాయిలో కరోనా సోకడం, కుటుంబ చరిత్రతో పాటు జీవనశైలిలో మార్పులే యువకుల్లో ఆకస్మిక మరణాలకు కారణమని ఐసీఎమ్‌ఆర్‌ పేర్కొంది. దీంతో ఆకస్మిక మరణాలకు, వ్యాక్సినేషన్‌కు ఎలాంటి సంబంధం లేదని పరిశోధకులు చెబుతున్నారు.

మరిన్ని ఇంట్రెస్టింగ్ వార్తల కోసం క్లిక్ చేయండి..