Weather Report: రైతులకు హెచ్చరిక.. మధ్య బంగాళాఖాతంలో అల్పపీడనం.. ఈ రాష్ట్రాల్లో అక్టోబర్ 31 వరకు భారీ వర్షాలు..

Weather Report: మధ్య బంగాళాఖాతంలో అల్పపీడనం ఏర్పడిందని భారత వాతావరణ శాఖ (ఐఎండీ) వెల్లడించింది. మరో 2, 3 రోజుల్లో తమిళనాడు తీర ప్రాంతాల వైపు వెళ్లే అవకాశం ఉంది.

Weather Report

uppula Raju |

Updated on: Oct 28, 2021 | 1:17 PM

Weather Report: మధ్య బంగాళాఖాతంలో అల్పపీడనం ఏర్పడిందని భారత వాతావరణ శాఖ (ఐఎండీ) వెల్లడించింది. మరో 2, 3 రోజుల్లో తమిళనాడు తీర ప్రాంతాల వైపు వెళ్లే అవకాశం ఉంది. ‘ఆగ్నేయ దానిని ఆనుకుని ఉన్న నైరుతి బంగాళాఖాతంలో తుఫాను ప్రభావంతో దక్షిణ బంగాళాఖాతంలోని మధ్య భాగాలపై అల్పపీడనం ఏర్పడింది. ఇది రానున్న 3 రోజుల్లో పశ్చిమ దిశగా కదలించే అవకాశం ఉంది. తమిళనాడు, కేరళ, కోస్టల్ కర్ణాటక, దక్షిణ ఇంటీరియర్ కర్ణాటక, కోస్తా ఆంధ్ర ప్రదేశ్, రాయలసీమలోని కొన్ని ప్రాంతాల్లో వర్షాలు, ఉరుములతో కూడిన జల్లులు కురుస్తాయని IMD అంచనా వేసింది.

అక్టోబర్ 31 వరకు దక్షిణాది రాష్ట్రాల్లో వర్షాలు అక్టోబర్ 28న తమిళనాడులోని రామనాథపురం, తిరునల్వేలి, కన్యాకుమారి, తూత్తుకుడి, మైలదుత్తురై, నాగపట్నం జిల్లాలు, కారైకాల్, కేరళ, కోస్తాంధ్రలో భారీ నుంచి అతిభారీ వర్షాలు కురిసే అవకాశం ఉందని వాతావరణ శాఖ తెలిపింది.

అక్టోబరు 29న కోస్తాంధ్ర, దక్షిణ తమిళనాడు, పుదుచ్చేరి, కారైకాల్ జిల్లాల్లోని కొన్ని ప్రాంతాల్లో అతి భారీ వర్షాలు కురిసే అవకాశం ఉంది. కోస్తాంధ్రలో కొన్ని చోట్ల భారీ నుంచి అతి భారీ వర్షాలు కురిసే అవకాశం ఉంది. కేరళ, రాయలసీమలోని కొన్ని ప్రాంతాల్లో కూడా భారీ వర్షాలు కురిసే అవకాశం ఉంది.

దక్షిణాది రాష్ట్రాల్లో బలమైన గాలులతో కొన్ని చోట్ల అక్టోబర్ 31 వరకు భారీ వర్షాలు కురిసే అవకాశం ఉందని IMD బులెటిన్ తెలిపింది. కొన్ని ప్రాంతాల్లో తేలికపాటి నుంచి మోస్తరు వర్షాలు కూడా కురిసే అవకాశం ఉంది.