Dog and Horse Friendship: గుర్రాన్ని వాకింగ్‌కు తీసుకెళ్లిన కుక్కపిల్ల.. నెట్టింట హల్‌చల్ చేస్తున్న వీడియో..

Dog and Horse Friendship: సాధారణంగా ప్రజలు తమ పెంపుడు కుక్కలను, కుక్క పిల్లలను వాకింగ్‌కు తీసుకెళ్లడం అనేక సందర్భాల్లో చూశాం. కానీ.. రివర్స్‌గా కుక్క పిల్లే వాకింగ్‌కు తీసుకెళ్తే!.. అది కూడా మనిషిని కాకుండా, ఓ గుర్రాన్ని వాకింగ్‌కు తీసుకెళ్తే!. ఇక్కడ ఓ కుక్క పిల్ల అదే పని చేసింది. ఓ కుక్క పిల్ల.. గుర్రాన్ని తన వెంట వాకింగ్‌కి తీసుకెళ్లింది. గుర్రానికి ఉన్న కళ్లాన్ని పట్టుకుని నడిపించింది. నెట్టింట హల్‌చల్ చేస్తున్న ఈ కుక్క పిల్ల, గుర్రానికి సంబంధించి పూర్తి వివరాలు ఇప్పుడు తెలుసుకుందాం. ఆస్ట్రేలియాలోని న్యూ సౌత్‌వేల్స్ ప్రాంతానికి చెందిన ఓ వ్యక్తికి గుర్రాల ఫామ్ ఉంది. అతను గుర్రాలకు తోడు ఓ కుక్క పిల్లను కూడా పెంచుకుంటున్నాడు.

సదరు వ్యక్తి రోజూ ఉదయం కుక్క పిల్లను గుర్రాల ఫామ్ వద్దకు తీసుకువెళ్లేవాడు. అయితే, ఆ గుర్రాల ఫామ్‌లో పది నెలల గుర్రం పిల్ల కూడా ఉంది. ఈ క్రమంలో అటు కుక్క పిల్ల, ఇటు గుర్రం పిల్ల మధ్య స్నేహం కుదిరింది. కుక్క పిల్లను గుర్రాల ఫామ్‌ వద్దకు తీసుకెళ్లాగానే.. ఆ గుర్రం పిల్ల, కుక్క పిల్ల రెండూ కలిసి ఆడుకునేవి. ఇలా వీటి స్నేహం రోజు రోజుకు మరింత పెరిగింది. ఈ క్రమంలోనే ఇటీవల కుక్కపిల్ల, గుర్రం పిల్ల రెండు కలిసి సరదాగా నడుచుకుంటూ వెళ్తున్నాయి. గుర్రానికి ఉన్న కళ్లాన్ని కుక్కపిల్ల నోట కరుచుకుని రోడ్డుపై వాకింగ్‌కు తీసుకెళ్లింది. ఈ సీన్‌ను అంతా సదరు యజమాని తన ఫోన్‌లో వీడియో తీసి సోషల్ మీడియాలో పోస్ట్ చేశాడు. దాంతో ఆ వీడియో కాస్తా ఇప్పుడు అంతర్జాలంలో హల్‌చల్ చేస్తోంది. కుక్కపిల్ల, గుర్రం వాకింగ్‌పై నెటిజన్లు తమైన స్టైల్‌లో కామెంట్స్ చేస్తున్నారు.

Viral Video:

Also read:

Bollywood Stars War: రైతు ఉద్యమం ఎఫెక్ట్.. సోషల్ మీడియా వేదికగా బాలీవుడ్ తారల మధ్య మాటల యుద్ధం..

Social Media War: కోహ్లీ ట్వీట్.. తీవ్రంగా మండిపడ్డ నెటిజన్లు.. అసలు విషయం ఏంటంటే..