Vastu tips: వంటింట్లో ఈ తప్పులు చేస్తున్నారా.? వాస్తు శాస్త్రం ఏం చెబుతోందంటే..

వాస్తు ప్రకారం ఇంటి నిర్మాణం చేపట్టుకోవాలని ప్రతీ ఒక్కరూ భావిస్తుంటారు. వాస్తు శాస్త్రంలో కూడా ఇంటి నిర్మాణానికి సంబంధించి ఎన్నో అంశాలను ప్రస్తావించారు. ఇంట్లోని ఒక్కో గదికి ఒక్కో వాస్తు నియమమం ఉంటుంది. అందుకు అనుగుణంగానే గదులను ఏర్పాటు చేసుకోవాలంటే మంచి జరుగుతుందని వాస్తు పండితులు చెబుతున్నారు. ఇంతకీ వాస్తు ప్రకారం వంటిళ్లు ఏ దిశలో ఉండాలి.? వంటింట్లో ఏర్పాటు చేసుకునే వస్తువులు ఎలా ఉండాలి.? లాంటి పూర్తి వివరాలు ఇప్పుడు తెలుసుకుందాం..

ఇంట్లో కిచన్‌ కచ్చితంగా ఆగ్నేయం దిశలో ఉండేలా చూసుకోవాలని వాస్తు పండితులు చెబుతున్నారు. ఆగ్నేయం అగ్ని దిశగా భావిస్తుంటారు. ఒకవేళ ఆగ్నేయం దిశలో వీలుకాకపోతే వాయువ్యం దిశలో వంట గదిని ఏర్పాటు చేసుకోవాలని పండితులు చెబుతున్నారు. ఇక వాస్తు శాస్త్రం ప్రకారం వంటింటిని శుభ్రంగా ఉంచుకోవాలని, అలా చేస్తే ఇంట్లోకి పాజిటివ్‌ ఎనర్జీ వస్తుందని సూచిస్తున్నారు. ఇక కిచెన్‌లో స్టవ్‌ సరిగ్గా ఉంటేనే ఇంట్లో వాళ్లు సంతోషంగా ఉంటారని వాస్తు పండితులు చెబుతున్నారు. అలాగే స్టవ్‌కు, సింక్‌కు మధ్య సరైన దూరం ఉండాలని చెబుతున్నారు. ఇలా గ్యాప్‌ లేకపోతే ఇంట్లో ఉండే ఆడవారిపై ప్రభావం పడుతుంది. ఆరోగ్యపరంగా దుష్ప్రభావాలు ఎదుర్కోనే అవకాశం ఉంటుందని చెబుతున్నారు.

వంటింట్లో సింక్‌ ఈశాన్యం దిశలో ఉండాలని వాస్తు నిపుణులు చెబుతున్నారు. అలాగే గ్యాస్ స్టవ్‌ను ఆగ్నేయంలో ఏర్పాటు చేసుకోవాలని సూచిస్తున్నారు. ఒకవేళ కిచెన్‌ను దక్షిణ దిశలో నిర్మిస్తే.. సింక్‌ ఉత్తరం వైపు ఉంచాలి. సింక్‌, స్టవ్‌ రెండూ కలిపి ఉంచకూడదని చెబుతున్నారు. స్టవ్‌ అగ్నికి సూచిక, సింక్‌ నీటికి సూచిక.. రెండు విరుద్ధమైనవి ఒకచోట ఉంటే ప్రతికూల ప్రభావం చూపిస్తుందని వాస్తు పండితులు హెచ్చరిస్తున్నారు. ఇక కిచెన్‌ ఎట్టి పరిస్థితుల్లో అపరిశుభ్రంగా ఉండకుండా చూసుకోవాలని చెబుతున్నారు.

ఇక వంటింట్లో ఏర్పాటు చేసుకునే వారు నైరుతి దిశలో ఏర్పాటు చేసుకోవాలని వాస్తు నిపుణులు చెబుతున్నారు. గది మూలకు కనీసం ఒక అడుగు దూరంలో ఉంచడం ఉత్తమమని చెబుతున్నారు. ఈశాన్యం దిశలో ఎట్టి పరిస్థితుల్లో ఫ్రిడ్జ్‌ని పెట్టకూడదు. ఇక వంటింట్లో పెట్టుకునే మైక్రోవేవ్‌, మిక్సర్లతో పాటు పలు విద్యుత్‌ ఉపకరాణాలను ఇంటికి ఆగ్నేయ దిశలో పెట్టుకోవాలని సూచిస్తున్నారు.

మరిన్ని ఇంట్రెస్టింగ్ వార్తల కోసం క్లిక్ చేయండి..