స్ట్రోక్‌కి ముందు శరీరంలో కనిపించే 3 సంకేతాలివే.. బీకేర్‌ఫుల్.. అస్సలు నెగ్లెట్ చేయకండి..

స్ట్రోక్ అనేది ప్రాణాంతక పరిస్థితి.. ఇది అకస్మాత్తుగా వస్తుంది. సకాలంలో చికిత్స అందకపోతే, ఇది ప్రాణాంతకం కావచ్చు. ఒక్కోసారి ప్రాణాలు కూడా పోతాయి.. అయితే స్ట్రోక్ రాకముందే మన శరీరం కొన్ని సంకేతాలు ఇవ్వడం ప్రారంభిస్తుందని మీకు తెలుసా? అవును.. స్ట్రోక్ కి ముందు శరీరంలో కొన్ని లక్షణాలు కనిపిస్తాయి.. దురదృష్టవశాత్తు, చాలా మంది వ్యక్తులు ఈ సంకేతాలను విస్మరిస్తారు.. ఈ విషయంలో అజాగ్రత్తగా ఉంటే.. ప్రాణాలతో చెలగాటమాడినట్లే.. ఇంకా చాలా సమస్యలను ఎదుర్కోవాల్సి ఉంటుంది.

నిపుణుల అభిప్రాయం ప్రకారం.. ఈ లక్షణాలను సరైన సమయంలో గుర్తించినట్లయితే, స్ట్రోక్ నివారించడం సాధ్యమవుతుంది. కాబట్టి మీకు ప్రమాదకరంగా మారే ఆ 3 హెచ్చరిక సంకేతాలు ఏంటి..? విస్మరిస్తే ఎలాంటి ప్రమాదం కలుగుతుంది.. ? నిపుణులు ఏం చెబుతున్నారు..? వివరాలను తెలుసుకోండి..

ముఖం, చేతులు లేదా కాళ్లలో ఆకస్మిక బలహీనత లేదా తిమ్మిరి..

ఒక వ్యక్తి శరీరం ఒక వైపున.. ముఖ్యంగా ముఖం, చేతులు లేదా కాళ్ళలో అకస్మాత్తుగా బలహీనత లేదా జలదరింపుగా అనిపిస్తే, అది స్ట్రోక్‌కి సంకేతం కావచ్చు. చాలా సార్లు ప్రజలు దీనిని సాధారణ బలహీనత లేదా అలసటగా భావించి విస్మరిస్తారు.. కానీ ఈ లక్షణం ప్రమాదకరమైనదిగా నిరూపించవచ్చు.

మాట్లాడటంలో ఇబ్బంది – గందరగోళం..

ఒక వ్యక్తికి అకస్మాత్తుగా మాట్లాడటంలో ఇబ్బంది లేదా ఎవరైనా చెప్పేది అర్థం చేసుకోవడంలో ఇబ్బంది ఉంటే.. దానిని తేలికగా తీసుకోకండి. ఇది మెదడులో రక్త ప్రసరణకు అంతరాయం కలిగించే సంకేతం కావచ్చు.. ఇది తరువాత స్ట్రోక్‌కు దారితీయవచ్చు. పదాలను సరిగ్గా ఉచ్చరించలేకపోయినా.. ప్రమాదమే.. వెంటనే వైద్యుడిని సంప్రదించండి.

తీవ్రమైన తలనొప్పి – సమతుల్యత కోల్పోవడం..

చాలా మందికి స్ట్రోక్‌కు ముందు అకస్మాత్తుగా తీవ్రమైన తలనొప్పి ఉండవచ్చు.. ముఖ్యంగా వాంతులు లేదా మైకముతో కూడిన సమస్యను ఎదుర్కొవచ్చు. ఇది కాకుండా, అకస్మాత్తుగా నడవడం, కుప్పకూలడం, సమతుల్యత కోల్పోవడం లేదా సమన్వయం చేయడంలో ఇబ్బంది కలిగితే.. అది స్ట్రోక్ ప్రమాదం కావచ్చు.

ఎలా రక్షించుకోవాలి..?

స్ట్రోక్‌ను నివారించడానికి, అధిక రక్తపోటు, మధుమేహాన్ని నియంత్రించడం చాలా ముఖ్యం.. ధూమపానం, మద్యపానం మానుకోవాలి.. క్రమం తప్పకుండా వ్యాయామం చేయండి.. ఆరోగ్యకరమైన ఆహారం తీసుకోండి. అలాగే, శరీరంలోని ఈ మార్పులను ఎప్పుడూ విస్మరించవద్దు.. ఏమైనా సమస్య ఉంటే వెంటనే వైద్యుడిని సంప్రదించండి.

మరిన్ని హెల్త్ వార్తల కోసం ఇక్కడ క్లిక్ చేయండి..