Sugarcane Juice Benefits: జుట్టు స్ట్రాంగ్ గా, మెరిసే చర్మం కావాలంటే ఈ జ్యూస్ తప్పనిసరిగా తాగండి!
సాధారణంగా చెరకు రసం వేసవి కాలంలోనే విరివిగా లభిస్తూ ఉంటుంది. ఎండ వేడి నుంచి ఉపశమనం పొందడానికి చాలా మంది చెరకు రసాన్ని తాగుతూ ఉంటారు. చెరకు రసం తాగడం వల్ల ఎన్నో ఆరోగ్య ప్రయోజనాలు ఉన్నాయి. చెరకు రసం తాగగానే ఎనర్జీ లెవల్స్ పెరుగుతాయి. లభ్యమైనప్పుడల్లా చెరకు రసం తాగడం చాలా మంచిది. చెరకు రసంతో కేవలం ఆరోగ్యమే కాకుండా అందాన్ని కూడా రెట్టింపు చేసుకోవచ్చు. చెరకు రసాన్ని చర్మానికి, జుట్టుకు అప్లై చేయడం వల్ల అనేక..
Chinni Enni | Edited By: Ravi Kiran
Updated on: Nov 07, 2023 | 8:50 PM
సాధారణంగా చెరకు రసం వేసవి కాలంలోనే విరివిగా లభిస్తూ ఉంటుంది. ఎండ వేడి నుంచి ఉపశమనం పొందడానికి చాలా మంది చెరకు రసాన్ని తాగుతూ ఉంటారు. చెరకు రసం తాగడం వల్ల ఎన్నో ఆరోగ్య ప్రయోజనాలు ఉన్నాయి. చెరకు రసం తాగగానే ఎనర్జీ లెవల్స్ పెరుగుతాయి. లభ్యమైనప్పుడల్లా చెరకు రసం తాగడం చాలా మంచిది. చెరకు రసంతో కేవలం ఆరోగ్యమే కాకుండా అందాన్ని కూడా రెట్టింపు చేసుకోవచ్చు. చెరకు రసాన్ని చర్మానికి, జుట్టుకు అప్లై చేయడం వల్ల అనేక బెనిఫిట్స్ ఉన్నాయి. అవేంటో ఒక సారి చూద్దాం.
చెరకు రసంలో పోషకాలు:
చెరకు రసంలో కార్బో హైడ్రేట్లు, ప్రోటీన్లు, ఖనిజాలు, ఐరన్, పొటాషియం, జింక్, యాంటీ ఆక్సిడెంట్లు, ఫైబర్ వంటివి పుష్కలంగా ఉంటాయి. ఇవి స్కిన్ ని యంగ్ గా ఉంచేలా చేస్తాయి. అలాగే స్కిన్ కలర్ కూడా మెరిసేలా చేస్తాయి. వీటిల్లో ఉండే యాంటీ ఆక్సిడెంట్లు.. ఫ్రీ రాడికల్స్ డ్యామేజీని నివారిస్తాయి.
చెరకు రసంతో చర్మానికి కలిగే ప్రయోజనాలు:
చెరకు రసాన్ని చర్మానికి అప్లై చేయడం వల్ల నేచురల్ మయిశ్చ రైజర్ గా పని చేస్తుంది. ఇందులో ఉండే గ్లైకోలిక్ యాసిడ్ కంటెంట్.. చర్మం తేమను నిలుపుకోవడానికి, పొడి బార కుండా హైడ్రేట్ గా ఉంచడానికి హెల్ప్ చేస్తుంది. ముడతలు రాకుండా కాపాడుతుంది. చెరకు రసాన్ని క్రమం తప్పకుండా చర్మంపై అప్లై చేయడం వల్ల.. ప్యాచెస్ వంటి సమస్యలు పోతాయి. స్కిన్ పై ఉండే అదనపు నూనె ఉత్పత్తిని కూడా తగ్గిస్తుంది. అలాగే బ్లాక్ హెడ్స్, వైట్ హెడ్స్ రాకుండా నిరోధిస్తుంది. చెరకు రసాన్ని తరచూ ఉపయోగించడం వల్ల పింపుల్స్, స్కార్స్ వంటివి ఏమైనా ఉన్నా తొలగి.. చర్మం కాంతి వంతంగా తయారవుతుంది. చర్మంపై మలినాలు, డెడ్ స్కిన్ సెల్స్ వంటి వాటిని ఈజీగా తొలగిస్తుంది.
చెరకు రసంతో జుట్టుకు కలిగే ప్రయోజనాలు:
అదే విధంగా చెరకు రసాన్ని జుట్టుకు రాయడం వల్ల.. హెయిర్ ని హైడ్రేట్ చేస్తుంది. మంచి కండీషనర్ గా పని చేస్తుంది. చుండ్రు సమస్యతో ఇబ్బంది పడేవారు చెరకు రసాన్ని తలకు రాసుకోవడం వల్ల ఈ సమస్య తగ్గుతుంది. చెరకులో ఉండే పోషకాలు జుట్టును బలంగా, స్ట్రాంగ్ గా చేస్తాయి. షైనీగా స్మూత్ గా ఉండే జుట్టు కావాలనుకునే వారు కూడా తలకు చెరకు రసం రాసుకుంటే మంచి ఫలితాలు కనిపిస్తాయి.
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు.
