Biotin Powder: జుట్టు, చర్మం హెల్దీగా ఉండాలా.. అయితే ఈ ఒక్క పొడిని తీసుకోండి!!

చర్మం క్లియర్ గా ఉండాలని, తెల్లగా, అందంగా కనిపించాలని, జుట్టు రాలకుండా ఒత్తుగా నిగనిగలాడాలని ఎవరికి ఉండదు చెప్పండి. అలా కోరుకునే వారికి ఈ పొడి బాగా హెల్ప్ చేస్తుంది. ఈ ఒక్క పొడిని క్రమం తప్పకుండా తీసుకుంటే చర్మం, జుట్టు ఆరోగ్యంగా ఉంటాయి. అదే బయోటిన్ పౌడర్. బయోటిన్ లో విటమిన్ బీ కాంప్లెక్స్, H, అమైనో యాసిడ్స్, ఫ్యాటీ యాసిడ్స్, వంటివి ఉంటాయి. ఇవి స్కిన్, హెయిర్ ఆరోగ్యంగా ఉంచేందుకు హెల్ప్ చేస్తుంది. బయోటిన్ స్కిన్ గ్లోని పెంచడానికి, జుట్టు రాలడాన్ని తగ్గించి, పెంచేందుకు సహాయ పడుతుందని ఆహార నిపుణులు చెబుతున్నారు. మరి ఈ బయోటిన్ పౌడర్ కు కావాల్సిన పదార్థాలు ఏంటి? ఎలా తయారు చేసుకోవాలో ఇప్పుడు తెలుసుకుందాం.

బయోటిన్ పౌడర్ కు కావాల్సిన పదార్థాలు:

బాదం – కప్పు, వాల్ నట్స్ – కప్పు, గుమ్మడి గింజలు – కప్పు, జీడి పప్పు – అర కప్పు, అవిసె గింజలు – అర కప్పు, పుచ్చ కాయ గింజలు – అర కప్పు, వేరు శనగ – రెండు స్పూన్లు, చియా సీడ్స్ – రెండు స్పూన్లు, నువ్వులు – ఒక స్పూన్.

ఇవి కూడా చదవండి

ప్రతిరోజు రాత్రి వాము నీటిని తాగితే అమేజింగ్ బెనిఫిట్స్!!

కీళ్ల నొప్పులతో బాధ పడుతున్నారా.. ఇలా ట్రై చేస్తే అంతా సెట్!

ఈ హోమ్ రెమిడీస్ తో హెయిర్ ఫాల్ ను నెల రోజుల్లో తగ్గించుకోండి!

మీ పిల్లల్లో జ్ఞాపక శక్తిని పెంచాలనుకుంటున్నారా.. ఇవి పెట్టండి!

తయారీ విధానం:

ఒక పాన్ తీసుకుని మీడియం మంట మీద పైన చెప్పిన నట్స్ ని ఒక్కొక్కటిగా వేస్తూ దోరగా వేయించుకోవాలి. ఆ తర్వాత ఇవన్నీ పూర్తిగా చల్లార నివ్వండి. నెక్ట్స్ ఓ మిక్సీ జార్ లో వీటన్నింటినీ వేసుకుని మెత్తగా మిక్సీ పట్టుకోవాలి. ఇలా తయారైన ఈ పౌడర్ ని ఓ ఎయిర్ టైట్ కంటైనర్ లో వేసుకుని స్టోరో చేసుకోవాలి. ఈ పౌడర్ ని రోజూ ఒక స్పూన్ తింటే.. శరీరానికి అవసరమైన బయోటిన్ ఈజీగా లభిస్తుంది.

చర్మానికి ప్రయోజనాలు:

ఈ పౌడర్ ను క్రమం తప్పకుండా తినడం వల్ల చర్మం కాంతి వంతంగా తయారు అవుతుంది. చర్మాన్ని సాఫ్ట్ గా తయారు చేస్తుంది. సాధారణంగా కొంత మంది శరీరంపై దద్దుర్లు, పొలుసులు ఉండటం, ఎర్రగా మారడం వంటికి కనిపిస్తాయి. ఇవి బయోటిన్ లోపం కారణంగా ఏర్పడతాయి. ఇలాంటి వారు కూడా ఈ పొడిని తీసుకోవచ్చు. ఇందులో ఉండే విటమిన్ హెచ్.. శరీరంపై ప్రతికూల ప్రభావాన్ని చూపిస్తుంది. అంతేకాకుండా నట్స్ వల్ల బాడీలో రోగ నిరోధక శక్తి కూడా పెరుగుతుంది.

జుట్టుకు ప్రయోజనాలు:

రోజూ ఈ పౌడర్ ను తీసుకుంటే జుట్టు రాలడం అనేది ఆగిపోతుంది. జుట్టు బలంగా, దృఢంగా తయారువుతుంది. అలాగే జుట్టు ఒత్తుగా పెరిగేందుకు కూడా ఈ పౌడర్ ఉపయోగ పడుతుందని నిపుణులు చెబుతున్నారు. బయోటిన్ ఎక్కువగా పాలు, గింజలు, కాయగూరలు, సోయా చిక్కుడు, చేపలు, మాంసం వంటి వాటిల్లో విరివిగా ఉంటుంది.

మరిన్ని హెల్త్ వార్తల కోసం ఇక్కడ క్లిక్ చేయండి

గమనిక: ఇది నిపుణుల నుంచి సేకరించిన సమాచారం. దీన్ని ఫాలో అయ్యే ముందు ఒకసారి వైద్యుల్ని సంప్రదించడం మేలు.