Menstrual Cramps: పీరియడ్స్ సమయంలో వచ్చే భరించలేని నొప్పి దేనికి సంకేతం..? నిర్లక్ష్యం చేస్తే జీవితాంతం బాధపడాల్సిందే..
పీరియడ్స్ సమయంలో మహిళలకు తరచుగా కడుపు నొప్పి రావడం సహజమే. చాలామంది స్త్రీలకు పొత్తి కడుపుతో పాటు నడుము, కాళ్ళలో నొప్పి ఉంటుంది. దీనిని పీరియడ్స్ క్రాంప్స్ అని కూడా అంటారు.
Madhavi | Edited By: Janardhan Veluru
Updated on: Mar 20, 2023 | 1:18 PM
పీరియడ్స్ సమయంలో మహిళలకు తరచుగా పొత్తి కడుపులో నొప్పి రావడం సహజమే. చాలామంది స్త్రీలకు పొత్తి కడుపుతో పాటు నడుము, కాళ్ళలో నొప్పి ఉంటుంది. దీనిని పీరియడ్స్ క్రాంప్స్ అని కూడా అంటారు. ఈ నొప్పి సాధారణంగా రెండు మూడు రోజుల వరకు ఉంటుంది. ఇది చాలా సాధారణ సమస్య. కానీ కొంత మందికి ఈ నొప్పి భరించలేనంతగా తయారవుతుంది, దీని కారణంగా వారు అనేక పెయిన్ కిల్లర్ మందులను తీసుకోవలసి వస్తుంది. పీరియడ్స్‌లో భరించలేని నొప్పి వెనుక చాలా తీవ్రమైన కారణాలు ఉండవచ్చు. అటువంటి పరిస్థితిలో మీకు కూడా పీరియడ్స్ సమయంలో నొప్పి ఎక్కువగా ఉంటే, దానిని నిర్లక్ష్యం చేయకండి.
పీరియడ్స్ నొప్పి ఎందుకు వస్తుంది:
పీరియడ్స్‌లో నొప్పి ప్రోస్టాగ్లాండిన్స్ అనే రసాయనం ప్రధాన కారణం. రుతుస్రావం సమయంలో, గర్భాశయం ప్రోస్టాగ్లాండిన్లను ఉత్పత్తి చేస్తుంది. ఇది కండరాల బిగువుగా అయ్యేందుకు కారణమవుతుంది. ఇది కడుపు వెన్ను నొప్పికి కారణమవుతుంది. బహిష్టు సమయంలో నొప్పి సాధారణమేనని వైద్యులు చెబుతున్నారు. కానీ భరించలేనంత నొప్పి వస్తే మాత్రం అది మీ సంతానోత్పత్తిలో ఏదో లోపం ఉందని సంకేతం. మీరు ప్రెగ్నెన్సీ కోసం ప్లాన్ చేస్తుంటే, వెంటనే డాక్టర్‌ను కలిసి మీ నొప్పి గురించి వివరించండి.
ఫైబ్రాయిడ్ల వల్ల నొప్పి కలిగే అవకాశం:
గర్భాశయం లోపల అభివృద్ధి చెందే ఒక కణితులను ఫైబ్రాయిడ్స్ అంటారు. వీటి వల్ల నొప్పి ఎక్కువగా ఉంటుంది. ఇవి గర్భస్రావం ప్రమాదాన్ని పెంచుతాయి సంతానోత్పత్తిలో సమస్యలను కూడా కలిగిస్తాయి.
ఎండోమెట్రియోసిస్ వ్యాధి:
ఎండోమెట్రియోసిస్‌లో వ్యాధి ఉన్నప్పుడు కూడా బాగా నొప్పి లేస్తుంది. గర్భాశయం లోపల ఈ వ్యాధి ప్రారంభమై, చుట్టుపక్కల అవయవాలను ప్రభావితం చేయడం ప్రారంభిస్తుంది. ఎండోమెట్రియోసిస్ వ్యాధి గర్భాశయం పనితీరును కూడా ప్రభావితం చేస్తుంది. ఈ వ్యాధిలో తీవ్రమైన నొప్పి ఉంది ఇది మహిళ సంతానోత్పత్తిని కూడా ప్రభావితం చేస్తుంది. చాలా సందర్భాలలో అది కూడా నయం కాదు. ఎండోమెట్రియోసిస్ వ్యాధి కారణంగా మహిళల్లో చాలా మందికి పిల్లలు పుట్టలేకపోతున్నారని పరిశోధకులు భావిస్తున్నారు.
అడెనోమియోసిస్ వ్యాధి:
అడెనోమైయోసిస్‌ అనే వ్యాధి ఉంటే కూడా విపరీతమైన నొప్పి కలుగుతుంది. గర్భాశయం లైనింగ్ గా పిలిచే ఎండోమెట్రియం గర్భాశయం వెలుపల పెరగడం ప్రారంభమవుతుంది. ఇది విపరీతమైన నొప్పి, అసౌకర్యం తరచుగా పీరియడ్స్‌కు కారణమవుతుంది. ఇది సంతానోత్పత్తిని ప్రభావితం చేస్తుందని ఎటువంటి ఆధారాలు లేనప్పటికీ, ఇది ఖచ్చితంగా ప్రమాదాన్ని పెంచుతుంది.
పెల్విక్ ఇన్ ఫ్లమేటరీ వ్యాధి:
పెల్విక్ ఇన్ ఫ్లమేటరీ వ్యాధి రుతు సమస్యలకు అత్యంత సాధారణ కారణం. దీని కారణంగా ఫెలోపియన్ ట్యూబ్‌లలో అడ్డంకులు ఏర్పడతాయి. ఫలితంగాస్త్రీ అండం పురుషుడి స్పెర్మ్ కలవకుండా చేస్తుంది. ఈ వ్యాధిలో గర్భధారణలో సమస్యలు కూడా ఉండవచ్చు.
మరిన్ని హెల్త్ వార్తల కోసం ఈ లింక్ క్లిక్ చేయండి..
