Women Bone Health: మహిళలూ.! ఎముకల ఆరోగ్యం కోసం ఈ ముఖ్యమైన విషయాలు తెలుసుకోండి…!!
ఎముకలు బలంగా ఉండటం చాలా ముఖ్యం. ఏ పని చేయాలన్నా..ఎముకల అవసరం లేకుండా చేయడం అసాధ్యం. శరీరంలోని ఇతర భాగాల మీద చూపించే శ్రద్ద ఎముకల మీదకూడా చూపించాలి.
ఎముకలు బలంగా ఉండటం చాలా ముఖ్యం. ఏ పని చేయాలన్నా..ఎముకల అవసరం లేకుండా చేయడం అసాధ్యం. శరీరంలోని ఇతర భాగాల మీద చూపించే శ్రద్ద ఎముకల మీదకూడా చూపించాలి. ఎముకలకు కావాల్సిన కాల్షియం అందించాలి. అప్పుడే అవి బలంగా ఉంటాయి. లేదంటే పెళుసుగా మారిపోతాయి. చాలా మంది ఎముకల ఆరోగ్యం గురించి నిర్లక్ష్యం వహిస్తారు. శరీర బరువు అనేది ఎముకల నిర్మాణంపై ఆధారపడి ఉంటుంది. ఎముకలు అరిగిపోయి….దెబ్బ తిన్నా దాని ప్రబావం శరీరం మీద చూపిస్తుంది. వయసు రీత్యా ఎముకల బలహీనంగా మారుతుంటాయి. అందుకే ఆహారంతోపాటు జీవనశైలిలో మార్పులు చేసుకోవాలి. అలా అయితేనే ఎముకల ఆరోగ్యాన్ని కాపాడుకోవచ్చని పోషకాహార నిపుణులు చెబుతున్నారు.
ప్రపంచ ఆరోగ్య సంస్థ గణాంకాల ప్రకారం రుతుక్రమం ఆగిపోయిన స్త్రీలలో దాదాపు 30శాతం మంది బోలు ఎముకల వ్యాదితో బాధపడుతున్నారని పేర్కొంది. భారతదేశంలోనే దాదాపు 61మిలియన్ల మంది బోలు ఎముకల వ్యాధితో బాధపడుతున్నట్లు డబ్ల్యూహెచ్ ఓ తెలిపింది. వారిలో 80శాతం మంది మహిళలే ఉన్నారు. అందుకే మహిళలు ఎముకల ఆరోగ్యానికి సంబంధించి కీలక సమాచారాన్ని తెలుసుకోవల్సిందే.
బలమైన ఎముకల కోసం మహిళలు 7 భయంకరమైన వాస్తవాలు తెలుకోవాలి:
1. వయసుతో పాటు ఎముకల సాంద్రత తగ్గుతుంది:
స్త్రీలు సాధారణంగా మెనోపాజ్ తర్వాత ఎముకల సాంద్రత క్షీణిస్తుంది. ఎముకలు బలండా ఉండేందుకు సహాయపడే ఈస్ట్రోజెన్ హార్మోన్ తగ్గడం దీనికి కారణం. ఫలితంగా, ఎముకలు పగుళ్లు, ఇతర గాయాలకు గురవుతుంటాయి. క్రమం తప్పకుండా వ్యాయామం చేయడం, కాల్షియం, విటమిన్ డి సమృద్ధిగా ఉండే సమతుల్య ఆహారాన్ని తీసుకోవడం ద్వారా ఎముకల ఆరోగ్యాన్ని కాపాడుకోవచ్చు. సముద్రపు ఆల్గే నుంచి తయారు చేసిన సప్లిమెంట్లు తీసుకోవడం ముఖ్యం. ఎందుకంటే ఇందులో కాల్షియం, మెగ్నీషియం, బోరాన్ వంటి పోషకాలు ఉంటాయి.
2. ఎముకల ఆరోగ్యానికి కాల్షియం, విటమిన్ డి చాలా అవసరం:
ఎముకలు దృఢంగా ఉండేందుకు తగినంత కాల్షియం, విటమిన్ డి తీసుకోవడం చాలా ముఖ్యం. ఎముక కణజాలంలో కాల్షియం అనేది ప్రధాన భాగం. విటమిన్ డి శరీరం ఆహారం నుండి కాల్షియంను గ్రహించడంలో సహాయపడుతుంది. ఇవి ఎముకల బలాన్ని, సాంద్రతను పెంచడమే కాకుండా బోలు ఎముకల వ్యాధి ప్రమాదాన్ని తగ్గించడంలో కూడా సహాయపడతాయి. మహిళలు ప్రతిరోజూ కనీసం 1000-1300 mg కాల్షియం 400-800 IU విటమిన్ డి తీసుకోవాలి. దీనిని సప్లిమెంట్ల రూపంలో తమ డైట్ ప్లాన్‌లో చేర్చుకోవచ్చు.
3. బరువు మోసే వ్యాయామం ముఖ్యం:
నడక, పరుగు, జాగింగ్, డ్యాన్స్, హైకింగ్, మెట్లు ఎక్కడం లేదా వెయిట్‌లిఫ్టింగ్ వంటివి ఎముకలపై ఒత్తిడిని కలిగించే వ్యాయామాలు. ఇవన్నీ కూడా ఎముకలు బలంగా ఉంచేందుకు సహాయపడతాయి. ఎముకల ఆరోగ్యాన్ని కాపాడుకునేందుకు మహిళలు కనీసం 30 నిమిషాల పాటు, వారానికి నాలుగు నుండి ఐదు సార్లు బరువు మోసే వ్యాయామాలు చేయాలని నిపుణులు చెబుతున్నారు. ఆహారంలో ఎక్కువగా ఈస్ట్రోజెన్ లాంటి సమ్మేళనాలు అధికంగా ఉండే ఆరోగ్య ఉత్పత్తులను చేర్చుకోవాలని సూచిస్తున్నారు. ఫైటోఈస్ట్రోజెన్‌లను కలిగి ఉన్న లోధ్ బార్క్, అశోకా, బ్లాక్ కోహోష్ సహాయంతో హార్మోన్ల సమతుల్యతను అందించడంలో ఇవి సహాయపడతాయి. ఇలాంటివి ఎముకల నష్టాన్ని నివారించడంతోపాటు శరీరంలో యాంటీఆక్సిడెంట్, యాంటీ ఇన్ఫ్లమేటరీ చర్యను మెరుగుపరచడంలో సహాయపడతాయి.
4. ధూమపానం, అధిక ఆల్కహాల్ తీసుకోవడం ఎముకలకు హాని కలిగిస్తుంది:
ధూమపానం, అధిక మద్యపానం ఎముకలను బలహీనపరుస్తాయి. అంతేకాదు బోలు ఎముకల వ్యాధి ప్రమాదాన్ని పెంచే ఛాన్స్ కూడా ఉంటుంది. ధూమపానం వల్ల శరీరంలో కాల్షియం తగ్గుతుంది. దీంతో ఎముకలు బలహీనంగా మారుతాయి. మరోవైపు అధికంగా ఆల్కాహాల్ తీసుకునే వారిలో కొత్త ఎముకల కణజాలం ఉత్పత్తికి అంతరాయం కలుగుతుంది.
5. కొన్ని మందులు ఎముకల ఆరోగ్యాన్ని ప్రభావితం చేస్తాయి:
కార్టికోస్టెరాయిడ్స్ వంటి కొన్ని మందులు ఎముకలను ఎఫెక్ట్ చూపిస్తాయి. బోలు ఎముకల వ్యాధి ప్రమాదాన్ని పెంచుతాయి. యాంటీ కన్వల్సెంట్స్ ను మూర్ఛలకు చికిత్స చేయడానికి ఉపయోగిస్తారు. ఇవన్నీ కూడా కాల్షియంను గ్రహించే శరీర సామర్థ్యానికి కూడా ఆటంకం కలిగిస్తాయి. ఈ మందులు వాడుతున్న మహిళలు వారి ఎముకల ఆరోగ్యం గురించి వైద్యుని చర్చించాలి.
6. బోలు ఎముకల వ్యాధి ప్రమాదం:
రుతువిరతి సమయంలో హార్మోన్ల మార్పులు, పురుషులతో పోలిస్తే చిన్న ఎముకల ఉనికి, ఎక్కువ ఆయుర్దాయం వంటి అనేక అంశాలకు సంబంధించినది. బోలు ఎముకల వ్యాధి వల్ల కలిగే పగుళ్లు ముఖ్యంగా వయస్సు మీదపడిన మహిళల్లో తీవ్రంగా ఉంటాయి. అలాంటి మహిళలు అశోకా, బ్లాక్ కోహోష్ వంటి ఆయుర్వేద మూలికా పదార్ధాలను కలిగి ఉన్న సప్లిమెంట్లను తీసుకోవచ్చు. ఇది ఈస్ట్రోజెన్ సమతుల్యతను కాపాడుకోవడం ద్వారా బోలు ఎముకల వ్యాధిని నిరోధిస్తాయి.
7. రెగ్యులర్ బోన్ డెన్సిటీ పరీక్షలు ముఖ్యమైనవి:
స్త్రీలు ముఖ్యంగా వయసు పెరిగేకొద్దీ క్రమం తప్పకుండా ఎముక సాంద్రత పరీక్షల అవసరాన్ని వైద్యులతో చర్చించాలి. ఎందుకంటే బోలు ఎముకల వ్యాధి ప్రమాదాన్ని అంచనా వేయడంలో సహాయపడతాయి. అలాగే పీరియడ్స్‌లో ఎముకల ఆరోగ్యాన్ని కూడా పర్యవేక్షిస్తాయి. ఈ పరీక్షల ద్వారా ఎముకల నష్టాన్ని నివారించడంతోపాటు ఎముకల పగుళ్లను తగ్గించడానికి సహాయపడతాయి.
(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలుంటే నిపుణులను సంప్రదించండి.)
మరిన్ని హెల్త్ టిప్స్ కోసం ఇక్కడ క్లిక్ చేయండి
