మహిళలకు అలర్ట్.. ఈ అలవాట్లు ఉంటే పిల్లలు పుట్టరట.. ఇలా చేస్తే మాత్రం..

దేశంలో వంధ్యత్వ సమస్య గణనీయంగా పెరుగుతోంది. ప్రపంచ ఆరోగ్య సంస్థ ప్రకారం.. గత దశాబ్దంలో భారతదేశంలో వంధ్యత్వ కేసులు 10 శాతం పెరిగాయి. మహిళల్లో వంధ్యత్వం ఎందుకు పెరుగుతోంది..? దానిని ఎలా నివారించాలి. వైద్య నిపుణులు ఏం చెబుతున్నారు..? ఈ విషయాలను తెలుసుకోండి..

Infertility

Shaik Madar Saheb |
Updated on: Feb 27, 2025 | 5:12 PM

ఉరుకులు పరుగుల జీవితం.. కుటుంబ బాధ్యతలు, పని ఒత్తిడి, అనారోగ్యకరమైన జీవనశైలి, ఆహారం.. ఇవన్నీ ఎన్నో అనారోగ్య సమస్యలకు కారణమవుతున్నాయి.. ప్రస్తుత కాలంలో వంధ్యత్వ (Infertility) సమస్య గణనీయంగా పెరుగుతోంది. దీంతో చాలా కుటుంబాలు పిల్లల కోసం తీవ్ర ఆందోళనకు గురవుతున్నాయి.. WHO (ప్రపంచ ఆరోగ్య సంస్థ) ప్రకారం.. భారతదేశంలో వంధ్యత్వ రేటు 3.9 నుంచి 16.8 శాతం వరకు ఉంది. WHO ప్రకారం, ఒక జంట 12 నెలలు లేదా అంతకంటే ఎక్కువ కాలం పాటు క్రమం తప్పకుండా లైంగిక సంబంధం కలిగి ఉన్నప్పటికీ.. మహిళ గర్భం దాల్చకపోతే, దానిని వంధ్యత్వంగా పరిగణిస్తారు.

ఇప్పుడు ఈ సమస్య చిన్న వయసులో కూడా మహిళల్లో కనిపిస్తోంది. AIIMS న్యూఢిల్లీ నుండి లాపరోస్కోపిక్ సర్జన్, ఫెర్టిలిటీ నిపుణురాలు, MD, సీనియర్ గైనకాలజిస్ట్ డాక్టర్ వైశాలి శర్మ వంధ్యత్వం గురించి ఆసక్తికర విషయాలను వెల్లడించారు.. వంధ్యత్వం ఎందుకు వస్తుంది..? దానిని ఎలా నివారించాలి..? మహిళ, పురుషులు తీసుకోవాల్సిన చర్యల గురించి వివరించారు.

నేటి కాలంలో జీవనశైలిలో మార్పులు, కాలుష్యం, వైద్య పరిస్థితుల కారణంగా వంధ్యత్వ కేసులు పెరుగుతున్నాయని డాక్టర్ వైశాలి పేర్కొన్నారు. PCOS, ఎండోమెట్రియోసిస్, థైరాయిడ్ వ్యాధి, మధుమేహం, ఊబకాయం వంటి పరిస్థితులు కూడా వంధ్యత్వానికి కారణమవుతాయి. ఇప్పుడు స్త్రీలలోనే కాదు పురుషులలో కూడా వంధ్యత్వం పెరుగుతోంది. పురుషులలో శుక్రకణాల సంఖ్య తగ్గడం, అంగస్తంభన సమస్య వంటి సమస్యలు కూడా పెరుగుతున్నాయి.

వంధ్యత్వానికి ఎలా చికిత్స చేస్తారు?

ఒక జంట వంధ్యత్వంతో ఉంటే.. మొదట మందులు ఇచ్చి, ఆ తర్వాత సహజ పద్ధతుల ద్వారా గర్భం దాల్చడానికి ప్రయత్నిస్తారని డాక్టర్ వైశాలి చెప్పారు. ఇది సాధ్యం కాకపోతే, గర్భాశయ గర్భధారణ జరుగుతుంది. దీని ద్వారా కూడా గర్భం దాల్చకపోతే ఐవీఎఫ్. ఆశ్రయిస్తారు.. ఇప్పుడు వైద్య శాస్త్రంలో మరింత పురోగతి ఉందని వైశాలి శర్మ తెలిపారు.

ఇప్పుడు ఎగ్ ఫ్రీజింగ్, సరోగసీ ద్వారా గర్భం ధరించవచ్చు. ఎగ్ ఫ్రీజింగ్‌లో, మహిళల గుడ్లు వారి యవ్వనంలోనే స్తంభింపజేయబడతాయి. తరువాత, వారు గర్భం ధరించాలని నిర్ణయించుకున్నప్పుడు, గుడ్లను డీఫ్రోజన్ చేసి IVFలో ఉపయోగించవచ్చు. గత కొన్ని సంవత్సరాలుగా IVF ట్రెండ్ బాగా పెరిగింది. చాలా సందర్భాలలో ఇది గర్భం ధరించడంలో కూడా సహాయపడుతుంది.