ICMR Study: భారతీయుల్లో సైలెంట్ కీల్లర్.. ప్రతీ 10 మందిలో 9 మందికి అదే సమస్య: ICMR షాకింగ్ రిపోర్ట్!
ICMR Study: దేశంలో చాలా మంది పెద్దవారికి ఈ సమస్య ఉన్నప్పటికీ, వారిలో చాలామందికి 30 ఏళ్ల ప్రారంభంలోనే లక్షణాలు కనిపిస్తాయి. భారతదేశంలోని పెద్దవారిలో అసాధారణ లిపిడ్ స్థాయిలు ఎక్కువగా ఉన్నాయని, ఇవి తరచుగా 30 ఏళ్ల ప్రారంభంలోనే కనిపించడం మొదలవుతాయని..
Updated on: Jul 22, 2026 | 6:00 AM
ICMR Study: దేశంలో ప్రతి పది మందిలో తొమ్మిది మందికి అధిక కొలెస్ట్రాల్ ఉందని ఒక అధ్యయనంలో తేలింది. ఐసీఎంఆర్ దేశవ్యాప్తంగా జరిపిన అధ్యయనంలో ఈ తాజా విషయం వెల్లడైంది. దేశంలో గుండెపోటు కేసులు పెరగడానికి ఇదే కారణమని ఆ నివేదిక పేర్కొంది. వివిధ ప్రాంతాలకు చెందిన 23,665 మంది వయోజనులపై జరిపిన అధ్యయనం నుండి ఈ డేటాను సేకరించారు. రక్తంలో కొలెస్ట్రాల్ లేదా ట్రైగ్లిజరైడ్ల అసమతుల్యత అయిన డిస్లిపిడెమియా చాలా సాధారణమైనదని, అయితే ప్రారంభ దశలో ఎలాంటి లక్షణాలు కనిపించకపోవడంతో చాలా మంది దీనిని తరచుగా నిర్లక్ష్యం చేస్తారని పరిశోధకులు చెబుతున్నారు.
డిస్లిపిడెమియా అంటే ఏమిటి?
డిస్లిపిడెమియా అనేది రక్తంలోని కొలెస్ట్రాల్ లేదా ట్రైగ్లిజరైడ్ స్థాయిలు చాలా ఎక్కువగా లేదా చాలా తక్కువగా ఉండటం వల్ల గుండె జబ్బుల ప్రమాదం పెరిగే ఒక పరిస్థితి.
30 ఏళ్ల ప్రారంభంలో..
దేశంలో చాలా మంది పెద్దవారికి ఈ సమస్య ఉన్నప్పటికీ, వారిలో చాలామందికి 30 ఏళ్ల ప్రారంభంలోనే లక్షణాలు కనిపిస్తాయి. భారతదేశంలోని పెద్దవారిలో అసాధారణ లిపిడ్ స్థాయిలు ఎక్కువగా ఉన్నాయని, ఇవి తరచుగా 30 ఏళ్ల ప్రారంభంలోనే కనిపించడం మొదలవుతాయని పరిశోధకులు తెలిపారు. భవిష్యత్తులో గుండె జబ్బులను నివారించడంలో సహాయపడటానికి, ముఖ్యంగా మధుమేహం, ఊబకాయం లేదా అధిక రక్తపోటు ఉన్నవారికి, క్రమం తప్పకుండా కొలెస్ట్రాల్ పరీక్షలు చేయించుకోవడం ప్రాముఖ్యతను వారు నొక్కి చెప్పారు.
అసాధారణ కొలెస్ట్రాల్:
భయపడాల్సిన అవసరం లేదని వైద్యులు చెబుతున్నారు. అసాధారణ కొలెస్ట్రాల్ స్థాయిలు తక్షణ సమస్యలను కలిగించకపోయినప్పటికీ, ధమనులలో కొవ్వు పేరుకుపోవడం క్రమంగా రక్తనాళాలను దెబ్బతీస్తుంది. కాలక్రమేణా ఇది గుండెపోటు, పక్షవాతం ప్రమాదాన్ని పెంచుతుంది. ఇది మహిళలు, పట్టణవాసులు, మధ్య భారతదేశంలో నివసించేవారిలో ఎక్కువగా కనిపిస్తుంది. “మంచి కొలెస్ట్రాల్” అని పిలిచే HDL చాలా మందిలో తక్కువగా ఉన్నట్లు గుర్తించారు. డిస్లిపిడెమియా ప్రాబల్యం మధ్య భారతదేశంలో 89.1 శాతంతో అత్యల్పంగా, ఈశాన్య రాష్ట్రాలలో 85.3 శాతంగా నమోదైంది.
ఇది కూడా చదవండి: Fish: చేపలు ఆరోగ్యానికి మంచివే.. కానీ వీళ్లు మాత్రం అస్సలు తినకూడదు..!
మరిన్ని హెల్త్ వార్తల కోసం ఇక్కడ క్లిక్ చేయండి
