గుండెలో అడ్డంకులు ఎందుకు ఏర్పడతాయి..? అలాంటి అలవాట్లు ఉంటే షెడ్డుకేనట..

భారతదేశంలో గుండె జబ్బులు వేగంగా పెరుగుతున్నాయి. ప్రతి సంవత్సరం పెద్ద సంఖ్యలో ప్రజలు ఈ ప్రాణాంతక వ్యాధి బారిన పడుతున్నారు. చెడు ఆహారపు అలవాట్లు, ఒత్తిడి-ఉద్రిక్తత, పేలవమైన జీవనశైలి కారణంగా గుండె సంబంధిత సమస్యలు పెరుగుతున్నాయి. ఇందులో, గుండె మూసుకుపోయే సమస్య సర్వసాధారణంగా మారుతోంది. వృద్ధులలో వచ్చే ఈ వ్యాధి యువతను కూడా వేగంగా ప్రభావితం చేస్తోంది. అన్ని వర్గాల ప్రజలు గుండెలో అడ్డంకులు, గుండె ఆగిపోవడం సమస్యను ఎదుర్కొంటున్నారు. కానీ ఈ అడ్డంకిని తిప్పికొట్టగలరా? అంటే శస్త్రచికిత్స లేకుండానే అడ్డంకి (heart blockage) ని నయం చేయవచ్చా?.. దీనితో పాటు, అడ్డుపడే సందర్భంలో దానిని ఎలా నివారించాలి..? నిపుణులు ఏం చెబుతున్నారు.. ఈ కథనంలో తెలుసుకోండి..

ఎందుకు అడ్డంకులు ఏర్పడతాయి?

మనం ఏది తిన్నా, అది మన ధమనులపై ప్రభావం చూపుతుంది. వేయించిన, కొవ్వు పదార్థాలు, తీపి పదార్థాలు ఎక్కువగా తినడం వల్ల శరీరంలో చెడు కొలెస్ట్రాల్ పెరుగుతుంది. క్రమంగా అది ధమనులలో పేరుకుపోయి వాటిని ఇరుకుగా చేస్తుంది. దీని కారణంగా రక్త ప్రవాహం ఆగిపోతుంది. రక్తం గుండెకు చేరలేనప్పుడు, గుండెపోటు లేదా స్ట్రోక్ ప్రమాదం పెరుగుతుంది.

వైద్యులు ఏమి చెబుతున్నారంటే..?

రాజీవ్ గాంధీ హాస్పిటల్ సీనియర్ కార్డియాలజిస్ట్ అజిత్ కుమార్ మాట్లాడుతూ.. గుండెపోటును మొదట మందుల ద్వారా నియంత్రించవచ్చు.. ఆ తర్వాత దానిని తగ్గించవచ్చు.. కానీ ప్రారంభంలో మందులు అవసరమని వివరించారు. మందులతో పాటు, రోగి తన ఆహారం, పానీయాల పట్ల పూర్తి శ్రద్ధ వహించడం ముఖ్యం. శరీరంలో రక్తం గడ్డకట్టడం, అడ్డంకులను తగ్గించే ఆహారాన్ని తినండి. మీ ఆహారంలో కార్బోహైడ్రేట్లు, కొవ్వు తక్కువగా ఉండేలా చూసుకోండి. బదులుగా, ప్రోటీన్లు, విటమిన్లు అధికంగా ఉండే ఆహారాన్ని తీసుకోండి. సమయానికి నిద్రపోయి.. మేల్కొని మానసిక ఒత్తిడిని నివారించండి.. అంటూ అజిత్ కుమార్ తెలిపారు.

దాన్ని తిరిగి బాగుచేయవచ్చా?

ఈ అడ్డంకులను పూర్తిగా తొలగించడం అంత సులభం కాదు.. కానీ సరైన ఆహారం, వ్యాయామం, మంచి అలవాట్లతో దీనిని చాలా వరకు నియంత్రించవచ్చు. సకాలంలో శ్రద్ధ వహిస్తే, మందులు, జీవనశైలి మార్పులతో ధమనుల ఆరోగ్యాన్ని మెరుగుపరచవచ్చు.

రోజూ వ్యాయామం చేయండి..

ప్రతిరోజూ 30-40 నిమిషాలు వేగంగా నడవడం, యోగా, ప్రాణాయామం చేయడం వల్ల గుండె బలపడుతుంది. సైక్లింగ్, ఈత, తేలికపాటి పరుగు కూడా ప్రయోజనకరంగా ఉంటాయి. ఇది కాకుండా, ధ్యానం, లోతైన శ్వాస వ్యాయామాలు చేయండి. మంచి నిద్ర పొందండి. ఎందుకంటే తక్కువ నిద్ర గుండెపై చెడు ప్రభావం చూపుతుంది.

ధూమపానం – మద్యం మానుకోండి

సిగరెట్లు – మద్యం లాంటి చెడు అలవాట్లు ధమనులు.. ఇరుకుగా మారడానికి కారణమవుతాయి. వీలైనంత త్వరగా ధూమపానం, మద్యం తాగడం మానేయండి. వీటిని మానేయడం ద్వారా, గుండె త్వరగా నయం అవుతుంది.. అడ్డంకులు తగ్గుతాయి.

వైద్యుడిని సంప్రదించండి

ఇప్పటికే అడ్డంకులు ఉంటే, క్రమం తప్పకుండా ఆరోగ్య పరీక్షలు చేయించుకోండి. డాక్టర్ సూచించిన మందులను సకాలంలో తీసుకోండి.. పరీక్షలు చేయించుకుంటూ ఉండండి. అవసరమైతే, యాంజియోప్లాస్టీ లేదా బైపాస్ సర్జరీ ఎంపికను స్వీకరించవచ్చు.

మరిన్ని హెల్త్ వార్తల కోసం ఇక్కడ క్లిక్ చేయండి..