డయాబెటిక్ రోగులు పుట్టగొడుగులను తినొచ్చా? ఈ సూపర్ ఫుడ్ ఎంత సురక్షితం.. పూర్తివివరాలు..

మధుమేహ వ్యాధిగ్రస్తులు తమ ఆహారంపై ఖచ్చితమైన శ్రద్ధ వహించాలి.. లేకపోతే.. ప్రమాదంలో పడినట్టే.. ముఖ్యంగా డయాబెటిస్ బాధితులు తినే పండ్లు, కూరగాయలు, ధాన్యాలు, ఇతర ఆహార పదార్థాలను చాలా జాగ్రత్తగా ఎంచుకోవాలి. అయితే.. డయాబెటిస్ బాధితులు తినే ఆహార పదార్థాల గురించి తరచూ కొన్ని ప్రశ్నలు తలెత్తుతుంటాయి.. అలాంటి ఆహార పదార్థాల్లో పుట్టగొడుగులు ఒకటి.. చాలా మంది ప్రజలు పుట్టగొడుగులను ఫంగస్‌గా వర్గీకరించడం వల్ల ఆరోగ్యకరమైన, రుచికరమైన పదార్థాన్ని కోల్పోతున్నట్లు గ్రహించకుండా దూరంగా ఉంటారు. పుట్టగొడుగు చాలా ఖరీదైన ఆహార పదార్ధం.. ఇది ఆరోగ్యానికి మంచిదని భావిస్తారు.. అయితే డయాబెటిక్ రోగులు కూడా తినవచ్చా? లేదా..? అనేది ఎప్పుడూ ప్రశ్నార్థకంగా మారుతుంది. వాస్తవానికి పుట్టగొడుగులు మొత్తం ఆరోగ్యాన్ని మెరుగుపరచడం ద్వారా డయాబెటిక్ రోగులకు ప్రయోజనం చేకూరుస్తాయి.

మధుమేహ వ్యాధిగ్రస్తులు తమ ఆహారంలో పుట్టగొడుగులను ఎందుకు చేర్చుకోవాలో ఇప్పుడు తెలుసుకుందాం..

డయాబెటిక్ రోగులకు పుట్టగొడుగులు ఎలా ఉపయోగపడతాయి?

రక్తంలో చక్కెరను నియంత్రిస్తుంది: పుట్టగొడుగు అనేది తక్కువ గ్లైసెమిక్ ఇండెక్స్, గ్లైసెమిక్ లోడ్ కలిగి ఉన్న ఒక సూపర్ ఫుడ్.. ఇది రక్తంలో చక్కెర స్థాయిని పెంచకుండా నిరోధిస్తుంది.. అంటే దాని ద్వారా మీరు గ్లూకోజ్ స్థాయిని నియంత్రించవచ్చు.

కేలరీలు తీసుకోవడం నిర్వహించవచ్చు: పుట్టగొడుగులలో చక్కెర, కార్బోహైడ్రేట్లు అతితక్కువ మొత్తంలో ఉంటాయి. కొన్ని అధ్యయనాలు తక్కువ కార్బ్ ఆహారం మధుమేహాన్ని నియంత్రించడంలో సహాయపడుతుందని సూచిస్తున్నాయి. అయినప్పటికీ అది తప్పనిసరిగా దానిని నిరోధించకపోవచ్చు.

మధుమేహం నుంచి రక్షణ: పుట్టగొడుగులలో పాలీశాకరైడ్లు ఉంటాయి. ఇవి యాంటీ-డయాబెటిక్ ప్రభావాలను కలిగి ఉంటాయి. ఇది మధుమేహం నుండి రక్షణ కవచాన్ని సృష్టిస్తుంది.. ఇంకా రోగుల ఆరోగ్యానికి చాలా మంచిది.

బరువు తగ్గడం – గుండె ఆరోగ్యం: పుట్టగొడుగులను క్రమం తప్పకుండా తినే వ్యక్తులు వారి బరువును నిర్వహించడం సులభం అవుతుంది. ఊబకాయం మధుమేహానికి మొదటి మెట్టుగా పరిగణిస్తారు. ఇది కాకుండా, అధిక బరువు గుండె జబ్బుల ప్రమాదాన్ని పెంచుతుంది. పుట్టగొడుగులు కొలెస్ట్రాల్‌ను తగ్గించడం ద్వారా గుండె ఆరోగ్యాన్ని మెరుగుపరుస్తాయి.

పుట్టగొడుగులను ఎలా ఉడికించాలి?

పుట్టగొడుగులలో ప్రొటీన్లు, డైటరీ ఫైబర్, మినరల్స్, విటమిన్ బి1, విటమిన్ బి2, విటమిన్ బి12, విటమిన్ సి, విటమిన్ ఇ, టెర్పెనెస్, క్వినోలోన్స్, స్టెరాయిడ్స్, ఫ్లేవనాయిడ్స్, కెరోటినాయిడ్స్ వంటి యాంటీఆక్సిడెంట్లు, బీటా-గ్లూకాన్ వంటి పాలీశాకరైడ్‌లు పుష్కలంగా ఉన్నాయి. ఇన్ని ప్రయోజనాలు కలిగిన పుట్టగొడుగులను.. మీరు సరిగ్గా ఉడికించినప్పుడే ప్రయోజనాలను సరిగ్గా పొందుతారు. పుట్టగొడుగులను కూరగా.. లేదా సలాడ్‌గా కూడా తినవచ్చు.. ఇది కాకుండా, తక్కువ నూనె, తక్కువ మంటలో నెమ్మదిగా ఉడికించి వండాలి. అప్పుడే.. దీని ప్రయోజనాలు శరీరానికి పుష్కలంగా అందుతాయి..

మరిన్ని హెల్త్ వార్తల కోసం ఇక్కడ క్లిక్చేయండి..