Anti Cancer Diet: క్యాన్సర్‌కు చెక్ పెట్టే 3 సూపర్ ఫుడ్స్.. డాక్టర్లు రోజూ తినమని చెబుతున్న ఆ పదార్థాలివే!

డాక్టర్ సేథి ప్రకారం, మన వంటగదిలో దొరికే మూడు సాధారణ ఆహార పదార్థాలు క్యాన్సర్ కణాల పెరుగుదలను అడ్డుకోవడంలో శక్తివంతంగా పనిచేస్తాయి. వీటిలో ఉండే ప్రత్యేక రసాయనాలు శరీరంలోని విషతుల్యాలను బయటకు పంపి, డీఎన్ఏ (DNA) మరమ్మతులో సహాయపడతాయి. రోజూ వారీ డైట్‌లో వీటిని భాగం చేసుకోవడం వల్ల రొమ్ము, ప్రోస్టేట్ ప్రేగు క్యాన్సర్ల ముప్పును తగ్గించుకోవచ్చు. ఆ మూడు అద్భుత ఆహారాలు వాటిని ఎలా తీసుకోవాలో ఇప్పుడు వివరంగా తెలుసుకుందాం.

క్యాన్సర్‌ను నిరోధించే 3 ఉత్తమ ఆహారాలు:

బ్రోకలీ :

దీనిలో ‘సల్ఫోరాఫేన్’ అనే శక్తివంతమైన అణువు ఉంటుంది. ఇది శరీరంలోని టాక్సిన్లను బయటకు పంపి, క్యాన్సర్ కణాల పెరుగుదలను అడ్డుకుంటుంది. దీనిలోని ‘ఇండోల్-3-కార్బినోల్’ హార్మోన్ల సమతుల్యతను కాపాడుతుంది. బ్రోకలీని మరీ ఎక్కువగా ఉడికించకుండా, తేలికగా ఆవిరిపై ఉడికించి తింటే పూర్తి పోషకాలు అందుతాయి.

వెల్లుల్లి :

వెల్లుల్లిని నలిపినప్పుడు లేదా కోసినప్పుడు దాని నుండి ‘అల్లిసిన్’ వంటి సల్ఫర్ సమ్మేళనాలు విడుదలవుతాయి. ఇవి డీఎన్ఏను బాగు చేయడంలో హానికరమైన కణాలను వేటాడి నిర్మూలించడంలో రోగనిరోధక వ్యవస్థకు సహాయపడతాయి. వెల్లుల్లిని తిన్న 10 నిమిషాల ముందు నలిపి ఉంచడం వల్ల ఎక్కువ ప్రయోజనం ఉంటుంది.

క్యారెట్ :

క్యారెట్లలో ఉండే ‘బీటా-కెరోటిన్’ శరీరంలో విటమిన్-ఎ గా మారి రోగనిరోధక శక్తిని పెంచుతుంది. ఇవి ఊపిరితిత్తులు, కడుపు ప్రోస్టేట్ క్యాన్సర్ ప్రమాదాన్ని తగ్గిస్తాయి. క్యారెట్లను పచ్చిగా సలాడ్లలో తీసుకోవడం లేదా లైట్‌గా ఉడికించి తీసుకోవడం వల్ల యాంటీ ఆక్సిడెంట్లు శరీరానికి బాగా అందుతాయి.

వీటితో పాటు బెర్రీలు, టమోటాలు, పసుపు, గ్రీన్ టీ బాదం వంటి ఆహారాలు కూడా క్యాన్సర్ నిరోధక గుణాలను కలిగి ఉంటాయి. అలాగే, ప్రాసెస్ చేసిన మాంసం, చక్కెర పానీయాలు మద్యపానానికి దూరంగా ఉండటం.. క్రమం తప్పకుండా వ్యాయామం చేయడం వల్ల క్యాన్సర్ ముప్పును గణనీయంగా తగ్గించుకోవచ్చు.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. ఏదైనా కొత్త డైట్‌ను ప్రారంభించే ముందు మీ వైద్యులను సంప్రదించడం మంచిది.