‘వెంకీ మామ’ ఫస్ట్‌లుక్

రియల్ లైఫ్ మామ అల్లుళ్లు వెంకటేశ్, నాగ చైతన్యలు కలిసి నటిస్తోన్న చిత్రం ‘వెంకీ మామ’. బాబి దర్శకత్వం వహిస్తోన్న ఈ చిత్రంలో పాయల్ రాజ్‌పుత్, రాశిఖన్నాలు హీరోయిన్లుగా నటిస్తున్నారు. ఉగాది సందర్భంగా శుక్రవారం ఈ మూవీ టైటిల్‌ లుక్‌ను విడుదల చేసిన చిత్ర యూనిట్.. తాజాగా ఫస్ట్‌లుక్‌ను రిలీజ్ చేసింది. అందులో వెంకటేశ్, నాగ చైగన్య ఇద్దరు ధాన్యం బస్తాలపై కూర్చొని చిరునవ్వులు చిందిస్తున్నారు. అంతేకాదు పోస్టర్‌లో ఉన్న బైక్‌పై ‘జై జవాన్.. జై కిసాన్’ అనే టైటిల్ కనిపిస్తోంది. కాగా సురేశ్ ప్రొడక్షన్స్, మీడియా ఫ్యాక్టరీ సంయుక్తంగా నిర్మిస్తోన్న ఈ చిత్రంలో వెంకటేశ్ రైతుగా, నాగ చైతన్య జవాన్‌గా కనిపించనున్నారు. దసరా కానుకగా ఈ చిత్రాన్ని ప్రేక్షకుల ముందుకు తీసుకురావాలని భావిస్తున్నారు.