సాయి పల్లవి దెబ్బకు ఆ స్టార్ హీరోయిన్నే తీసేశారు.. మరో బంపర్ ఆఫర్ అందుకున్న నేచురల్ బ్యూటీ

హీరోలే కాదు హీరోయిన్స్ కూడా స్టార్ డమ్‌తోపాటు విపరీతమైన ఫ్యాన్ ఫాలోయింగ్ ఉంటుంది. ఇప్పటికే మనది దగ్గర హీరోలకు సమానంగా రెమ్యునరేషన్ అందుకుంటున్న హీరోయిన్స్ ఉన్నారు. అలాగే స్టార్ డమ్ ట్యాగ్ తెచ్చుకున్న ముద్దుగుమ్మలు ఉన్నారు. వారిలో సాయి పల్లవి ఒకరు. నేచురల్ బ్యూటీగా, లేడీ పవర్ స్టార్ గా అభిమానులు ఈ అమ్మడిని ముద్దుగా పిలుచుకుంటుంటారు. సాయి పల్లవి నేటి తరం సౌందర్య అని చాలా మంచి పోల్చుతూ ఉంటారు. ఎలాంటి ఎక్స్పోజింగ్ లేకుండా సినిమాలు చేస్తూ మంచి క్రేజ్ సొంతం చేసుకుంది. అలాగే ఈ అమ్మడు ఎంచుకునే కథలు కూడా విభిన్నంగా ఉంటాయి. ఇటీవలే తండేల్, అమరన్ సినిమాలతో విజయాలను అందుకుంది. ఇక ఇప్పుడు బాలీవుడ్ లోకి అడుగుపెడుతుంది.

హిందీలో అత్యంత ప్రతిష్టాత్మకంగా తెరకెక్కుతున్న రామాయణం సినిమాలో హీరోయిన్ గా నటిస్తుంది. ఈ సినిమాలో రణబీర్ కపూర్ రాముడిగా నటిస్తుండగా.. సీతగా సాయి పల్లవి నటిస్తుంది. అలాగే రావణుడిగా యష్, మండోదరిగా కాజల్ అగర్వాల్ నటిస్తుంది. ఇదిలా ఉంటే తాజాగా సాయి పల్లవి ఓ స్టార్ హీరో సినిమాలో హీరోయిన్ గా సెలక్ట్ అయ్యిందని టాక్ వినిపిస్తుంది. ఆ హీరో ఎవరో కాదు తమిళ్ లో తనకంటూ క్రేజ్ సొంతం చేసుకున్న శింబు. తమిళ్ స్టార్ డైరెక్టర్ వెట్రిమారన్ దర్శకత్వంలో శింబు ఓ సినిమాలో నటిస్తున్నాడు.