Vishwambhara: విశ్వంభర సినిమాలో ఊహించని గెస్ట్‌లు.. మెగాస్టార్ సినిమాలో రియల్ బావ, మరదలు

మెగాస్టార్ చిరంజీవి ప్రస్తుతం విశ్వంభర సినిమా షూటింగ్ లో బిజీగా ఉన్నారు. బింబిసార సినిమాతో మంచి విజయాన్ని అందుకున్న దర్శకుడు వశిష్ఠ ఈ సినిమాకు దర్శకత్వం వహిస్తున్నారు. సోషియో ఫాంటసీ కథతో తెరకెక్కుతున్న ఈ సినిమా పై ఇప్పటికే భారీ అంచనాలు క్రియేట్ అయ్యాయి. ఈ సినిమాను భారీ విజువల్ వండర్ గ తెరకెక్కిస్తున్నాడు వశిష్ఠ. ఈ సినిమా నుంచి విడుదలైన పోస్టర్స్ సినిమా పై భారీ అంచనాలను క్రియేట్ చేసింది. అలాగే ఆమధ్య విడుదల చేసిన   గ్లింప్స్ సినిమా పై ఆసక్తిని రెట్టింపు చేసింది. కాగా ఈ సినిమా షూటింగ్ ఎప్పటి నుంచో జరుగుతుంది. ఈ మూవీ నుంచి సాలిడ్ అప్డేట్ కోసం చాలా కాలంగా మెగా అభిమానులు ఎదురుచూస్తున్నారు. పెద్దగా అప్డేట్స్ రాకపోవడంతో ఫ్యాన్స్ కాస్త నిరాశ వ్యక్తం చేస్తున్నారు.

కాగా ఇప్పుడు విశ్వంభ నుంచి ఓ లీక్ సోషల్ మీడియాలో తెగ వైరల్ అవుతుంది. ఈ సినిమాలో మెగా హీరో, మెగా హీరోయిన్ కూడా కనిపించనున్నారని టాక్ వినిపిస్తుంది. విశ్వంభర సినిమాలో మెగా బావ మరదళ్లు సాయి ధరమ్ తేజ్, నిహారిక గెస్ట్ రోల్స్ లో కనిపించనున్నారని సోషల్ మీడియాలో టాక్ వినిపిస్తుంది. నిహారిక గతంలో చిరు సైరా సినిమాలో చిన్న పాత్ర చేసింది. అలాగే తేజ్ ఇప్పటివరకు మెగాస్టార్ తో కలిసి నటించలేదు. ఈ ఇద్దరూ ఇప్పుడు విశ్వంభర సినిమాలో గెస్ట్ రోల్స్ లో కనిపించనున్నారని టాక్ వినిపిస్తుంది. దీని పై క్లారిటీ రావాల్సి ఉంది.

ఇక విశ్వంభర సినిమాను దర్శకుడు జగదేకవీరుడు అతిలోక సుందరి సినిమా రేంజ్ లో తెరకెక్కిస్తున్నాడు. అప్పట్లో ఆ సినిమా చూసి అభిమానులు ఎంత థ్రిల్ అయ్యారో ఇప్పుడు విశ్వంభర సినిమాకు కూడా అదే ఫీలింగ్ కలిగేలా ప్లాన్ చేస్తున్నాడు. ముఖ్యంగా వీఎఫ్ఎక్స్ విషయంలో ప్రత్యేక శ్రద్ధ తీసుకుంటున్నారు. ఇందుకోసం హాలీవుడ్ టెక్నీషన్స్ ను రంగంలోకి దింపారు. త్రిష హీరోయిన్ గా నటిస్తున్న ఈ మూవీలో మరికొంతమంది భామలు కూడా కనిపించనున్నారట. అలాగే ఈ సినిమా ఏప్రిల్ లో విడుదల చేయడానికి సన్నాహాలు చేస్తున్నారు.

ఇవి కూడా చదవండి

25 సినిమాలు చేస్తే అందులో 5 హిట్లు..

తెలుగులో తోపు హీరోయిన్.. పెళ్లైన ముగ్గురితో ఆ యవ్వారం

సీరియల్స్ లో అలా.. సోషల్ మీడియాలో ఇలా..

నన్ను టార్గెట్ చేశారు.. హిట్ కొట్టినా ఆఫర్స్ ఇవ్వడం లేదు..

మరిన్ని సినిమా వార్తల కోసం ఇక్కడ క్లిక్ చేయండి