Bro Movie : పవన్ కళ్యాణ్, తేజ్ బ్రో కోసం రంగంలోకి బాలీవుడ్ హాట్ బ్యూటీ..

పవన్ కళ్యాణ్ నటిస్తోన్న లేటెస్ట్ మూవీ బ్రో. తమిళ్ సినిమా అయిన వినోదయ సిత్తం సినిమాకు రీమేక్ గా తెరకెక్కుతోన్న ఈ సినిమా లో సాయి ధరమ్ తేజ్ కూడా నటిస్తున్నారు. ఈ క్రేజీ కాంబో కోసం మెగా అభిమానులంతా ఎంతో ఆసక్తిగా ఎదురుచూస్తున్నారు. విలక్షణ నటుడు సాముద్రఖని దర్శకత్వంలో తెరకెక్కుతోన్న ఈ సినిమా టైటిల్ ను రీసెంట్ గా రివీల్ చేశారు. ఈ సినిమాకు బ్రో అనే టైటిల్ ను ఖరారు చేశారు. ఈ మూవీ మోషన్ పోస్టర్ రికార్డులు సృష్టిస్తోంది. ఇప్పటికే మిలియన్ల కొద్దీ వ్యూస్.. లక్షల్లో లైక్స్ వచ్చాయి ఈ మోషన్ పోస్టర్ కు.. ఇక ఈ సినిమాలో పవన్ దేవుడిగా కనిపించనున్నారు. గతంలో వచ్చిన గోపాల గోపాల ఇనిమలో పవన్ కృష్ణుడిగా కనిపించిన విషయం తెలిసిందే..

సముద్రఖని దర్శకత్వం వహిస్తున్న ఈ సినిమాకు త్రివిక్రమ్ స్క్రీన్ ప్లేఅందిస్తున్నారు . తెలుగు నేటివిటీకి తగ్గట్టుగా ఈ సినిమా కథలో చాలా మార్పులు చేశారు. మన ఆడియన్స్ కు కావాల్సిన ఎలివేషన్స్ తో పాటు చాలా మార్పులు చేశారు ఈ సినిమాలో.. ఇదిలా ఉంటే ఈ సినిమాకి స్టార్ కాస్ట్ ఉండనుందని తెలుస్తోంది.

ఈ క్రమంలోనే..పవన్ కళ్యాణ్ కు సంబంధించిన షూటింగ్ ఎప్పుడో పూర్తయ్యిందట.. ప్రస్తుతం తేజ్ సన్నివేశాలను చిత్రీకరిస్తున్నారు. అలాగే ఓ స్పెషల్ సాంగ్ ను కూడా చిత్రీకరిస్తున్నారని తెలుస్తోంది. ఈ సాంగ్ కోసం బాలీవుడ్ స్టార్ హీరోయిన్ దిశా పటాని రంగంలోకి దించాలని చూస్తున్నారట. మూడు నుంచి నాలుగు కోట్ల పారితోషికం ను ఆమె డిమాండ్ చేసిందని తెలుస్తోంది. మరి ఈ వార్తల్లో వాస్తవమెంత అన్నది తెలియాల్సి ఉంది.