Prabhas : హను రాఘవపుడి మూవీకి ప్రభాస్ ఫస్ట్ ఛాయిస్ కాదా..? ఆ హీరో చేయాల్సిన సినిమానా ఇది..!

ప్రభాస్ మాత్రం వరుసగా సినిమాలు లైనప్ చేసి ప్రేక్షకులను ఆకట్టుకుంటున్నాడు. దాదాపు ఆరేళ్ళ తర్వాత ప్రభాస్ హిట్ అందుకున్నారు. ప్రశాంత్ నీల్ దర్శకత్వం వహించిన సలార్ సినిమాతో సాలిడ్ హిట్ అందుకున్నాడు. రెబల్ స్టార్ ఫ్యాన్స్ కు సలార్ సినిమా విపరీతంగా నచ్చేసింది. డార్లింగ్ యాక్షన్ చూసి ప్రేక్షకులు ఆనందంలో తేలిపోయారు. సలార్ సినిమాతో హిట్ కొట్టిన ప్రభాస్

Prabhas

Rajeev Rayala |
Updated on: Aug 22, 2024 | 5:48 PM

ప్రభాస్ రూటే సపరేటు.. అవును రెబల్ స్టార్ అంటే మినిమమ్ ఉంటుంది మరి.. మిగతా హీరోలంతా ఒక్క సినిమా చేయడానికి కష్టపడుతుంటే.. ప్రభాస్ మాత్రం వరుసగా సినిమాలు లైనప్ చేసి ప్రేక్షకులను ఆకట్టుకుంటున్నాడు. దాదాపు ఆరేళ్ళ తర్వాత ప్రభాస్ హిట్ అందుకున్నారు. ప్రశాంత్ నీల్ దర్శకత్వం వహించిన సలార్ సినిమాతో సాలిడ్ హిట్ అందుకున్నాడు. రెబల్ స్టార్ ఫ్యాన్స్ కు సలార్ సినిమా విపరీతంగా నచ్చేసింది. డార్లింగ్ యాక్షన్ చూసి ప్రేక్షకులు ఆనందంలో తేలిపోయారు. సలార్ సినిమాతో హిట్ కొట్టిన ప్రభాస్. కల్కి సినిమాతో ఏకంగా సంచలన హిట్‌ను సొంతం చేసుకున్నాడు. నాగ్ అశ్విన్ దర్శకత్వం వహించిన ఈ సినిమా నయా రికార్డ్ క్రియేట్ చేసింది. ఇక ఇప్పుడు ప్రభాస్ లైనప్ చేసిన సినిమాలు చూస్తే మెంటలెక్కుతోంది ఫ్యాన్స్‌కి..

ఇది కూడా చదవండి : Prabhas : మా ప్రభాస్‌నే అంటావా.. బాలీవుడ్ నటుడి గాలి తీసేసిన హీరో నాని

మారుతి దర్శకత్వంలో ది రాజాసాబ్ సినిమా చేస్తున్నాడు డార్లింగ్. ఈ సినిమా షూటింగ్ శరవేగంగా జరుగుతోంది. ఈ మూవీ తర్వాత హను రాఘవపుడితో సినిమా చేస్తున్నారు. ఆతర్వాత సలార్ 2 , కల్కి 2లతో పాటు సందీప్ రెడ్డి వంగ దర్శకత్వంలో స్పిరిట్ అనే సినిమా చేస్తున్నాడు. ఇక హను రాఘవపుడి దర్శకత్వంలో ప్రభాస్ హీరోగా చేస్తోన్న సినిమాకు ఫౌజీ అనే టైటిల్ ను పరిశీలిస్తున్నారు. ఇటీవలే ఈ సినిమా పుర్జకార్యక్రమం కూడా జరిగింది. ఈ సినిమా 1940 టైం లో జరిగే యుద్ధ నేపథ్యంలో ఈ సినిమా ఉంటుందని టాక్ వినిపిస్తుంది.

ఇది కూడా చదవండి : Brahmamudi : సీరియల్‌లో పద్దతిగా.. బయట మాత్రం బికినీలో బీభత్సం

ఇదిలా ఉంటే ఈ సినిమాకు ముందుకు ప్రభాస్ ను హీరోగా అనుకోలేదట. హను రాఘవపుడి ముందుగా ఈ సినిమాకు మరో హీరోను అనుకున్నాడట. ఆ హీరో ఎవరో కాదు.. ఈ సినిమా కథను నేచురల్ స్టార్ నాని కోసం ముందుగా హను రాఘవపూడి డిజైన్ చేశారట. ఇప్పుడు ఈ రూమర్ సోషల్ మీడియాలో వైరల్ గా మారింది. సీతారామం సినిమా తర్వాత హను రాఘవపుడి నానితో సినిమా చేయాలనుకున్నారు. అప్పట్లో ఈ వార్త తెగ హల్ చల్ చేసింది. ఆ సినిమా కూడా పిరియాడికల్ డ్రామా నేపథ్యంలో ఉంటుందని కూడా టాక్ వచ్చింది. కానీ ఆ తర్వాత ప్రభాస్ తో సినిమా అనౌన్స్ చేశారు హను. అయితే నాని కోసం డిజైన్ చేసిన కథతోనే ఇప్పుడు ప్రభాస్ సినిమా ఉంటుందని గుసగుసలు వినిపిస్తున్నాయి, మరి ఈ వార్తల్లో వాస్తవమెంత అన్నది తెలియాల్సి ఉంది. సీతారామం సినిమాను కూడా హను రాఘవపుడి పిరియాడికల్ డ్రామాగా తెరకెక్కించిన విషయం తెలిసిందే..