Vijay Deverakonda: ది హాలీవుడ్ రిపోర్టర్ ఇండియా మేగజైన్ కవర్ పేజీపై విజయ్ దేవరకొండ

టాలీవుడ్ యంగ్ హీరో విజయ్ దేవరకొండ ప్రస్తుతం వరుస సినిమాలను లైనప్ చేసి ఫుల్ బిజీగా ఉన్నాడు. ఈ మధ్యకాలంలో సరైన హిట్ లేక సతమతం అవుతున్న విజయ్ దేవరకొండ.. ఈసారి ఎలాగైనా హిట్ కొట్టాలన్న కసితో ఉన్నాడు. ఈ క్రమంలోనే జెర్సీ సినిమాతో మంచి విజయాన్ని అందుకున్న గౌతమ్‌ తిన్ననూరి డైరెక్షన్ లో సినిమా చేస్తున్నాడు.

Vijay Devarakonda

Rajeev Rayala |
Updated on: May 15, 2025 | 12:52 PM

సెన్సేషనల్ హీరో విజయ్ దేవరకొండ క్రేజ్ ను హాలీవుడ్ మేగజైన్స్ సైతం క్యాప్చర్ చేస్తున్నాయి. ‘ది హాలీవుడ్ రిపోర్టర్ ఇండియా’ మేగజైన్ విజయ్ దేవరకొండను తన కవర్ పేజీగా పబ్లిష్ చేసింది. ‘విజయ్ దేవరకొండ ది మ్యాన్ ఆన్ ఎ మిషన్’ అనే టైటిల్ తో వచ్చిన ఈ మేగజైన్ ఆకట్టుకుంటోంది. ‘ఆత్మవిశ్వాసం, ఆకర్షణ ఉట్టిపడే విజయ్ దేవరకొండను మేము క్యాప్షన్ చేశాం. తన కొత్త సినిమా కింగ్డమ్ తో విజయ్ ఒక లక్ష్యంతో సాగుతున్నారు..’ అంటూ ది హాలీవుడ్ రిపోర్టర్ ఇండియా మేగజైన్ సోషల్ మీడియా పోస్ట్ లో పేర్కొంది.

తన కొత్త సినిమా “కింగ్డమ్”తో పాన్ ఇండియా స్థాయిలో ప్రేక్షకుల్ని అలరించేందుకు విజయ్ దేవరకొండ రెడీ అవుతున్నారు. ఈ చిత్రాన్ని శ్రీకర స్టూడియోస్ సమర్పణలో సితార ఎంటర్ టైన్ మెంట్స్, ఫార్చ్యూన్ ఫోర్ సినిమాస్ బ్యానర్స్ పై నాగవంశీ, సాయి సౌజన్య నిర్మిస్తున్నారు. టాలెంటెడ్ డైరెక్టర్ గౌతమ్ తిన్ననూరి స్పై యాక్షన్ థ్రిల్లర్ మూవీగా రూపొందిస్తున్నారు. ఈ సినిమా మీద పాన్ ఇండియా స్థాయిలో ఇప్పటికే భారీ అంచనాలు ఏర్పడుతున్నాయి. కింగ్డమ్ సినిమా నుంచి ఇప్పటికే విడుదలైన పోస్టర్స్, వీడియోలు సాంగ్ సినిమా పై మంచి బజ్ క్రియేట్ చేశాయి.

“కింగ్డమ్” సినిమా జూలై 4వ తేదీన వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది. ఈ సినిమాతో విజయ్ దేవరకొండ భారీ హిట్ కొట్టడం ఖాయం అంటున్నారు ఫ్యాన్స్. ఈ సినిమాతో పాటు మరికొన్ని సినిమాలు కూడా లైనప్ చేశాడు విజయ్. వాటిలో రౌడీ జనార్దన్ సినిమా ఒకటి. అలాగే మరో యాక్షన్ ఎంటర్టైన్ కూడా ఉంది.