Balagam Movie: అప్పుడే లాభాల బాట పట్టిన బలగం సినిమా.. మొదటి వారంలో ఎన్ని కోట్లు రాబట్టిందో తెలుసా?

ప్రస్తుతం మనందరి జీవితాల్లో మాయమైపోతున్న కుటుంబ బంధాలను, ఆప్యాయతలను, ఎమోషన్స్‌ను కళ్లకు కట్టినట్లు చూపించారు ఈ చిత్రంలో. పలువురు సినీ ప్రముఖులు, విమర్శకులు కూడా ఈ చిన్న సినిమాపై ప్రశంసలు కురిపిస్తున్నారు.

Balagam Movie

Basha Shek |
Updated on: Mar 10, 2023 | 4:50 PM

జబర్దస్త్ కమెడియన్‌ వేణు డైరెక్టర్‌గా మారి అదృష్టం పరీక్షించుకున్న మొదటి చిత్రం బలగం. ప్రియదర్శి, కావ్యా కల్యాణ్‌రామ్‌ కీలక పాత్రలో నటించారు. ప్రముఖ నిర్మాత దిల్‌రాజు స‌మ‌ర్పణలో ఆయ‌న కూతురు హ‌న్షిత‌, హ‌ర్షిత్‌రెడ్డి బ‌ల‌గం సినిమాను నిర్మించారు. తెలంగాణ సంస్కృతి సంప్రదాయాలతో తెరకెక్కిన ఈ సినిమా మార్చి 3న ఎలాంటి అంచనాలు లేకుండా విడుదలైంది. పైగా చిన్న సినిమా అని ట్యాగ్‌ కూడా ఇచ్చారు. అయితే రిలీజైన మొదటి షో నుంచే సూపర్ హిట్‌ టాక్‌ తెచ్చుకుంది బలగం సినిమా. ప్రస్తుతం మనందరి జీవితాల్లో మాయమైపోతున్న కుటుంబ బంధాలను, ఆప్యాయతలను, ఎమోషన్స్‌ను కళ్లకు కట్టినట్లు చూపించారు ఈ చిత్రంలో. పలువురు సినీ ప్రముఖులు, విమర్శకులు కూడా ఈ చిన్న సినిమాపై ప్రశంసలు కురిపిస్తున్నారు. దీంతో రోజురోజుకూ ఈ సినిమా వసూళ్లు పెరుగుతున్నాయి. చాలా తక్కువ బడ్జెట్‌తో తెరకెక్కిన ఈ చిత్రం వారం రోజుల్లోనే లాభాల బాట పట్టింది. మొదటి రోజు రూ.55 లక్షలు, రెండో రోజు రూ.80 లక్షలు రాబట్టగా మూడో రోజు వచ్చేసరికి ఏకంగా రూ.1.75 కోట్లు వసూలు చేసింది. ఇప్పటివరకు మొత్తంగా ఏడు కోట్ల మేర గ్రాస్‌ (రూ. 3.07 కోట్ల షేర్‌) రాబట్టినట్లు తెలుస్తోంది. ఇక నిన్న (మార్చి 9) కూడా అర‌వై ల‌క్షల‌కుపైగా వసూళ్లు రాబ‌ట్టడం విశేషం.

ఇలా ఓవ‌రాల్‌గా కోటిన్నర ప్రీ రిలీజ్ బిజినెస్ టార్గెట్‌తో విడుదలైన బ‌ల‌గం సినిమా ఫ‌స్ట్ వీక్‌లోనే రూ.7 కోట్ల గ్రాస్‌ను, రూ.3 కోట్లకు పైగా షేర్‌ను రాబ‌ట్టింది. కాగా తెలంగాణ నేపథ్య కథాంశంతో రూపొందిన సినిమా కావడంతో నైజాం ఏరియాలో ఈ సినిమాకు భారీగా కలెక్షన్లు వస్తున్నాయి. ఇక ఈ సినిమా విజయాన్ని పురస్కరించుకుని తాజాగా ఓ స్పెషల్‌ పోస్టర్‌ను విడుదల చేసింది చిత్రబృందం. ‘ఇది మన విజయం.. కుటుంబ విజయం..చిన్న సినిమా అందరూ మెచ్చే గొప్ప సినిమా’ అంటూ సినిమాను సక్సెస్‌ చేసిన ప్రేక్షకులకు ధన్యవాదాలు తెలిపింది. కాగా ఈ సినిమాకు భీమ్స్‌ సిసిరోలియో అందించిన స్వరాలు చార్ట్‌ బస్టర్‌గా నిలిచాయి. అలాగే కాసర్ల శ్యాం అందించిన సాహిత్యం, మంగ్లీ ఆలపించిన పాటు బలగం సినిమాకు హైలెట్‌గా నిలిచాయి.

ఇవి కూడా చదవండి

The love for #Balagam is getting stronger with each passing day♥️?

Thank you for your overwhelming appreciation and support!

In Cinemas Now@offlvenu @priyadarshi_i @kavyakalyanram @dopvenu #Bheemsceciroleo @LyricsShyam @DilRajuProdctns pic.twitter.com/4bnNPfe4ze

— Dil Raju Productions (@DilRajuProdctns) March 8, 2023