Uppena Director With NTR: యంగ్‌ టైగర్‌తో చేతులు కలపనున్న ‘ఉప్పెన’ డైరెక్టర్‌.. పీరియడ్‌ స్పోర్ట్స్‌ డ్రామగా..

Uppena Director With NTR: సుకుమార్ దగ్గర అసిస్టెంట్‌ డైరెక్టర్‌గా పనిచేసిన బుచ్చి బాబు సానాల దర్శకుడిగా మారి తెరెక్కించిన సినిమా ‘ఉప్పెన’. ఇంటెన్సివ్‌ లవ్‌ స్టోరీగా తెరకెక్కిన ఈ సినిమా బాక్సాఫీస్‌ వద్ద సంచలన విజయం నమోదు చేసుకుంది. లాక్‌డౌన్‌ తర్వాత భారీ విజయాన్ని అందుకున్న చిత్రంగా రికార్డు సృష్టించింది. అంతేకాకుండా మెగా హీరో వైష్ణవ్‌ తేజ్‌కు కూడా ఈ సినిమా మంచి ఆరంభాన్ని అందించింది. ఇక ‘ఉప్పెన’ సక్సెస్‌తో ఒక్కసారిగా ఇండస్ట్రీని తనవైపు తిప్పుకున్నాడు ఈ యంగ్‌ డైరెక్టర్‌. ఈ క్రమంలోనే బుచ్చి బాబుతో పనిచేయడానికి చాలా మంది నిర్మాతలు, హీరోలు ఆసక్తిచూపిస్తున్నారని తెలుస్తోంది. కింగ్‌ నాగార్జున ఏకంగా అఖిల్‌ కోసం ఓ అందమైన ప్రేమ కథను సిద్ధం చేయమని బుచ్చి బాబును అప్రోచ్‌ అయ్యారని కూడా వార్తలు వచ్చాయి. ఇదిలా ఉంటే తాజా సమాచారం ప్రకారం ఈ కొత్త దర్శకుడు యంగ్‌ టైగర్‌ ఎన్టీఆర్‌ను డైరెక్ట్ చేసే చాన్స్‌ను కొట్టేసినట్లు తెలుస్తోంది. గతంలో సుకుమార్‌ దర్శకత్వంలో ఎన్టీఆర్‌ హీరోగా తెరకెక్కిన ‘నాన్నకు ప్రేమతో’ సినిమాకు బుచ్చిబాబు సహాయక దర్శకుడిగా పనిచేశాడు. ఈ సమయంలోనే వీరిద్దరి మధ్య స్నేహం ఏర్పడిందని ఈ కారణంగానే ఎన్టీఆర్‌ బుచ్చిబాబుకు చాన్స్‌ ఇస్తున్నాడని వార్తలు వస్తున్నాయి. ఇక మైత్రీ మూవీ మేకర్స్‌ ఈ సినిమాను ప్లాన్‌ చేస్తోందని. విశాఖపట్నం నేపథ్యంలో పీరియడ్‌ స్పోర్ట్స్‌ డ్రామాగా తెరకెక్కనున్న ఈ సినిమాను అత్యంత భారీ బడ్జెట్‌తో తెరకెక్కించనున్నారని టాక్‌ నడుస్తోంది. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.

Also Read: ‘Pogaru’ Movie Review : మాస్ ఆడియన్స్ ఆకలి తీర్చే యాక్షన్ ఎంటర్టైనర్ గా ‘పొగరు’..