Tollywood Movies : కాదేదీ టైటిల్‌కి అనర్హం.. ఈ వారం టైటిల్స్ ఏంటి గురూ.. !!

సరిపోదా శనివారం అంటూ వచ్చేస్తున్నారు నాని. అంటే సుందరానికి తర్వాత మరోసారి డిఫెరెంట్ టైటిల్‌తోనే రాబోతున్నారు వివేక్ ఆత్రేయ. తాజాగా ఈ కాంబినేషన్ షురూ అయింది.. యాక్షన్ థ్రిల్లర్‌గా సరిపోదా శనివారం వచ్చేస్తుంది. వారాలతో సినిమాల టైటిల్స్ రావడం ఈ మధ్య ఫ్యాషన్ అయిపోయింది. తాజాగా పాయల్ రాజ్‌పుత్ హీరోయిన్‌గా అజయ్ భూపతి తెరకెక్కిస్తున్న సినిమాకు మంగళవారం టైటిల్ ఫిక్స్ చేసారు.

Movies

Rajeev Rayala |
Updated on: Oct 24, 2023 | 8:11 AM

అగ్గిపుల్ల, సబ్బుబిల్ల, కుక్కపిల్ల.. కాదేదీ కవితకు అనర్హం అన్నట్లు.. కాదేదీ టైటిల్‌కి అనర్హం అంటున్నారు మన దర్శకులు. టైటిల్ కొత్తగా ఉన్నపుడే ఆసక్తి కూడా డబుల్ అవుతుంది. ఇప్పుడు ఇదే రూట్ ఫాలో అవుతున్నారు. ఈ క్రమంలోనే వారాల పేర్లనే సినిమా టైటిల్స్‌గా పెట్టేస్తున్నారు. తాజాగా శనివారాన్ని నాని తీసుకున్నారు. మరి ఇలా వచ్చిన టైటిల్స్ ఏంటో ఓ లుక్ వేద్దామా..

సరిపోదా శనివారం.. టైటిల్ వినడానికి వినూత్నంగా ఉంది కదా..! ఏదో ఓ రెగ్యులర్ టైటిల్ పెట్టుంటే దీని గురించి అంతగా మాట్లాడుకోడానికి విషయం ఉండేది కాదు. కానీ సరిపోదా శనివారం అంటూ వచ్చేస్తున్నారు నాని. అంటే సుందరానికి తర్వాత మరోసారి డిఫెరెంట్ టైటిల్‌తోనే రాబోతున్నారు వివేక్ ఆత్రేయ. తాజాగా ఈ కాంబినేషన్ షురూ అయింది.. యాక్షన్ థ్రిల్లర్‌గా సరిపోదా శనివారం వచ్చేస్తుంది. వారాలతో సినిమాల టైటిల్స్ రావడం ఈ మధ్య ఫ్యాషన్ అయిపోయింది. తాజాగా పాయల్ రాజ్‌పుత్ హీరోయిన్‌గా అజయ్ భూపతి తెరకెక్కిస్తున్న సినిమాకు మంగళవారం టైటిల్ ఫిక్స్ చేసారు. ఓ ఊర్లో మంగళవారాలు వరసగా మనుషులు చనిపోతుంటారు. దీని వెనక మిస్టరీనే సినిమా కథ. నవంబర్ 17న మంగళవారం విడుదల కానుంది. ఇప్పటికే విడుదలైన ట్రైలర్ ఆసక్తి పెంచేసింది.

రెండేళ్ళ కింద తెల్లవారితే గురువారం పేరుతో ఓ సినిమా చేసారు కీరవాణి కొడుకు సింహా. దానికి ముందు ఆదివారం ఆడవాళ్లకు సెలవు అనే సినిమా వచ్చింది. అంతేకాదు.. ఏ వెన్నెస్ డే పేరుతో వచ్చిన నసీరుద్దీన్ షా సినిమా అప్పట్లో సంచలనం. అదే ఈనాడు పేరుతో తెలుగులో రీమేక్ అయింది. శుక్రవారం, సోమవారం పేరుతోనూ సినిమాలు వచ్చాయి. ఇక నెలలే మిగిలాయి.. వాటిని వాడేస్తారేమో మన దర్శకులు.