Allu Arjun: ఈసారి జాతర మాస్ చూస్తారు.. బాలయ్య షోలో అల్లు అర్జున్ కామెంట్స్..
మూడేళ్ల క్రితం విడుదలై బ్లాక్ బస్టర్ హిట్ గా నిలిచిన చిత్రం పుష్ప. ఇప్పుడు ఈ సినిమాకు సీక్వెల్ రాబోతుంది. పుష్ప 2 ది రూల్ అంటూ రాబోతున్న ఈ ప్రాజెక్ట్ పై ఇప్పటికే భారీ అంచనాలు నెలకొన్నాయి. ఇందులో అల్లు అర్జున్, ఫహద్ ఫాజిల్, రష్మిక మందన్నా, జగపతి బాబు కీలకపాత్రలు పోషిస్తున్నారు.
స్టైలీష్ స్టార్ అల్లు అర్జున్ ఇప్పుడు పుష్ప 2 ప్రమోషన్లలో బిజీగా ఉన్న సంగతి తెలిసిందే. కొన్ని రోజులుగా తన సినిమా ప్రచార కార్యక్రమాల్లో పాల్గొంటున్నాడు బన్నీ. ఇటీవలే పాట్నాలో ట్రైలర్ లాంచ్ ఈవెంట్ జరగ్గా.. అంతకు ముందు నందమూరి బాలకృష్ణ హోస్టింగ్ చేస్తున్న అన్ స్టాపబుల్ టాక్ షోలో పాల్గొన్నాడు. అయితే ఇందులో బన్నీకి సంబంధించిన ఎపిసోడ్ ను రెండు భాగాలుగా తీసుకువస్తుంది ఆహా. ఇప్పటికే ఫస్ట్ పార్ట్ స్ట్రీమింగ్ కాగా..ఈ శుక్రవారం రెండో పార్ట్ స్ట్రీమింగ్ కానుంది. ఈ క్రమంలోనే తాజాగా విడుదలైన సెకండ్ పార్ట్ ప్రోమో ఇప్పడు నెట్టింట వైరలవుతుంది.
సెకండ్ పార్ట్ ప్రోమోలో అల్లు అర్జున్ తనయుడు అయాన్, కూతురు అర్హ సందడి చేశారు. అనంతరం తెలుగులో అటజని కాంచె పద్యం చెప్పి బాలయ్యను ఫిదా చేసింది అర్హ. ఇక ఇదే షోలో పుష్ప 2 గురించి అల్లు అర్జున్ అనేక విషయాలు పంచుకున్నట్లు తెలుస్తోంది. పుష్ప 2 గురించి చెప్పాలని బాలయ్య అడగ్గా.. ‘మాస్ చూశారు.. ఊర మాస్ చూశారు.. ఈసారి జాతర మాస్ చూస్తారు.. తగ్గేదేలే’ అంటూ పుష్పరాజ్ మేనరిజం చూపించాడు బన్నీ. దీంతో పుష్ప 2 సినిమాపై మరిన్ని అంచనాలు పెరిగాయి. అలాగే ఈ సినిమా విడుదలకు ముందే రూ.1000 కోట్ల ప్రీ రిలీజ్ బిజినెస్ అయ్యిందట అని బాలయ్య అడిగారు.
తాజాగా విడుదలైన ప్రోమో చూస్తుంటే.. ఈ ఎపిసోడ్ లో బన్నీ పుష్ప 2 గురించి మాత్రమే కాకుండా తన వ్యక్తిగత జీవితానికి సంబంధించిన అనేక విషయాలను పంచుకున్నట్లు తెలుస్తోంది. ఈ ఎపిసోడ్ నవంబర్ 22 నుంచి స్ట్రీమింగ్ కానుంది. పుష్ప 2 చిత్రం డిసెంబర్ 5న ప్రపంచవ్యాప్తంగా విడుదల కానుంది.
ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..
Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..
Chandamama: దొరికిందోచ్.. టాలీవుడ్కు మరో చందమామ.. ఈ హీరోయిన్ కూతురిని చూశారా.. ?
మరిన్ని సినిమా వార్తల కోసం ఇక్కడ క్లిక్ చేయండి.