Rajinikanth: సూపర్ స్టార్ రజినీకాంత్‌ను డైరెక్ట్ చేయనున్న టాలీవుడ్ డైరెక్టర్.. ఆయన ఎవరంటే
ధనుష్ వెంకీ అట్లూరి దర్శకత్వంలో సార్ అనే సినిమా చేశాడు. ఈ సినిమా మంచి హిట్ గా నిలిచింది. అలాగే దళపతి విజయ్ వంశీ పైడిపల్లి డైరెక్షన్ లో వారసుడు సినిమా చేసిన విషయం తెలిసిందే.
Updated on: Apr 12, 2023 | 3:45 PM
ఇటీవల తమిళ్ హీరోలు టాలీవుడ్ డైరెక్టర్స్ తో సినిమాలు చేయడానికి ఎక్కువ ఆసక్తి చూపిస్తున్నారు. ఇప్పటికే ధనుష్, విజయ్, శివ కార్తికేయ లాంటి హీరోలు టాలీవుడ్ దర్శకులతో సినిమాలు చేసిన విషయం తెలిసిందే. ధనుష్ వెంకీ అట్లూరి దర్శకత్వంలో సార్ అనే సినిమా చేశాడు. ఈ సినిమా మంచి హిట్ గా నిలిచింది. అలాగే దళపతి విజయ్ వంశీ పైడిపల్లి డైరెక్షన్ లో వారసుడు సినిమా చేసిన విషయం తెలిసిందే. ఈ సినిమా హిట్ టాక్ తో పాటు భారీ వసూళ్లను కూడా రాబట్టింది. అలాగే శివ కార్తికేయన్ అనుదీప్ దర్శకత్వంలో సినిమా చేసిన విషయం తెలిసిందే. ఇక ఇప్పుడు మరో స్టార్ హీరో కూడా తెలుగు దర్శకుడితో సినిమా చేయడానికి రెడీ అవుతున్నారట. ఆ స్టార్ హీరో ఎవరో కాదు సూపర్ స్టార్ రజినీకాంత్.
రజినీకాంత్ ను డైరెక్ట్ చేసే దర్శకుడు మరెవరో కాదు బాబీ. రీసెంట్ గా బాబీ మెగాస్టార్ చిరంజీవితో వాల్తేరు వీరయ్య అనే సినిమా చేసిన విషయం తెలిసిందే. ఈ సినిమా మంచి హిట్ గా నిలిచింది. మెగాస్టార్ ను వింటేజ్ లుక్ లో ప్రజెంట్ చేసి సక్సెస్ అయ్యారు బాబీ.
ఇక ఇప్పుడు రజినీకాంత్ తో సినిమా చేయబోతున్నాడని ఫిల్మ్ సర్కిల్స్ లో వార్తలు చక్కర్లు కొడుతున్నాయి. ఈ సినిమాను దిల్ రాజు నిర్మించనున్నారట. దిల్ రాజు ఇప్పటికే వారసుడు సినిమాను నిర్మించిన విషయం తెలిసిందే. రజినీకాంత్ ప్రస్తుతం నెల్సన్ దిలీప్ డైరెక్షన్ లో జైలర్ అనే సినిమా చేస్తున్నారు. ఈ సినిమాకు సంబంధించిన పోస్టర్స్ ఇప్పటికే ప్రేక్షకులను ఆకట్టుకున్నాయి. మరి బాబీ డైరెక్షన్ లో సూపర్ సినిమా విషయంలో వాస్తవమెంత అన్నది తెలియాల్సి ఉంది.
