తెలుగు సినీ ఇండస్ట్రీలో మరో విషాదం.. ప్రముఖ కమెడియన్ మృతి!
టాలీవుడ్‌లో మరో విషాదం చోటుచేసుకుంది. ప్రముఖ నటుడు, కమెడియన్ అల్లు రమేశ్ కన్నుమూశారు. గుండెపోటుతో ఆయన మంగళవారం నాడు విశాఖపట్నంలో మరణించారు. అల్లు రమేశ్ మృతి చెందిన విషయాన్ని డైరెక్టర్‌ ఆనంద్‌ రవి సోషల్ మీడియా ద్వారా..
Updated on: Apr 18, 2023 | 2:25 PM
టాలీవుడ్‌లో మరో విషాదం చోటుచేసుకుంది. ప్రముఖ నటుడు, కమెడియన్ అల్లు రమేశ్ కన్నుమూశారు. గుండెపోటుతో ఆయన మంగళవారం నాడు విశాఖపట్నంలో మరణించారు. అల్లు రమేశ్ మృతి చెందిన విషయాన్ని డైరెక్టర్‌ ఆనంద్‌ రవి సోషల్ మీడియా ద్వారా వెల్లడించారు. దీంతో అల్లు రమేష్ ఆకస్మిక మృతి పట్ల పలువురు సినీ ప్రముఖులు, అభిమానులు సంతాపం వ్యక్తం చేశారు. అల్లు రమేశ్ సినిమాలతో పాటు పలు వెబ్ సిరీస్‌ల్లో కూడా కనిపించారు. తాజాగా ‘మా విడాకులు’ సిరీస్‌లో నటి తండ్రిగా కనిపించారు. ఇటీవలే విడుదలైన నెపోలియన్ సినిమాలో ఆయన నటించారు. తోలుబొమ్మలాట, మధుర వైన్స్, రావణ దేశం వంటి మువీలలో కూడా ఆయన నటించారు.
కాగా విశాఖపట్టణానికి చెందిన అల్లు రమేష్ తొలుత నాటకాల్లో నటించేవారు. ఆ తర్వాత ఇండస్ట్రీలోకి అడుగుపెట్టి పలు తెలుగు సినిమాల్లో కమెడియన్ పాత్ర పోషించారు. యూట్యూబ్‌లో ప్రసారమయ్యే ‘మా విడాకులు’ వెబ్ సిరీస్‌లో నటించి మంచి గుర్తింపు తెచ్చుకున్నారు. టాలీవుడ్‌ సినిమాల్లో చిన్న చిన్న పాత్రలు చేసినా తనదైన ప్రత్యేక నటన, యాసతో గుర్తింపు తెచ్చుకున్నాడు.
మరిన్ని సినిమా కథనాల కోసం క్లిక్‌ చేయండి.
