Allu Arjun: అల్లు అర్జున్‌కు యాటిట్యూడ్, బలుపు ఉంటే తప్పేంటబ్బా? టాలీవుడ్ హీరోయిన్ సంచలన కామెంట్స్
అల్లు అర్జున్ పుష్ప 2 ప్రీమియర్స్ సందర్భంగా సంధ్య థియేటర్ వద్ద జరిగిన తొక్కిసలాట ఘటన తీవ్ర ప్రకంపనలు రేపింది. ఈ ఘటనలో రేవతి అనే మహిళ ప్రాణాలు కోల్పోగా, ఆమె కుమారుడు శ్రీతేజ్ ఆస్పత్రిలో సికింద్రా బాద్ కిమ్స్ ఆస్పత్రిలో చికిత్స పొందుతున్నాడు.
Updated on: Dec 30, 2024 | 7:30 PM
సంధ్య థియేటర్ తొక్కిసలాట ఘటన తీవ్ర సంచలనం రేపింది. ఈ ఘటనలో రేవతి అనే మహిళ ప్రాణాలు కోల్పోవడం, ఆమె కుమారుడు తీవ్ర గాయాలతో ఆస్పత్రిలో చేరడంతో తెలంగాణ ప్రభుత్వం తీవ్రంగా స్పందించింది. అల్లు అర్జున్ సంధ్య థియేటర్‌కు రావడం వల్లే రేవతి చనిపోయిందని ఆయనపై పోలీసులు కూడా కేసు నమోదు చేసి అరెస్ట్ కూడా చేశారు. అయితే బన్నీ బెయిల్‌పై బయటకు వచ్చాడు. ప్రస్తుతం ఈ కేసు విచారణ కొనసాగుతోంది. ఇదిలా ఉంటే సంధ్య థియేటర్ జరిగినప్పటి నుంచి అల్లు అర్జున్ పై సోషల్ మీడియా వేదికగా బాగా ట్రోలింగ్ నడుస్తోంది. కొందరు నెటిజన్లు బన్నీ ప్రవర్తనా తీరును తప్పుపడుతూ పోస్టులు షేర్ చేస్తున్నారు. వీటికి అల్లు అర్జున్ అభిమానులు కూడా స్ట్రాంగ్ గానే కౌంటర్లు ఇస్తున్నారు. అయితే తాజాగా ఈ విషయంపై టాలీవుడ్ హీరోయిన్ మాధవీ లత ఘాటుగా రియాక్ట్ అయ్యింది. ఈ మేరకు అల్లు అర్జున్ కు మద్దతుగా ఆమె మాట్లాడుతోన్న వీడియో ఒకటి ఇప్పుడు సామాజిక మాధ్యమాల్లో తెగ వైరలవుతోంది.
‘గత కొన్ని రోజులుగా సోషల్ మీడియా ఓపెన్ చేస్తే చాలు అల్లు అర్జున్‌కు ఎంత యాటిట్యూడ్ .. ఎంత పొగరు. పైకి, కిందకు, పక్కకు చూశాడు. ఆ కళ్లల్లో ఎంత యాటిట్యూడ్ ఉంది? ఎంత బలుపు చూపిస్తున్నాడు? అని ఒకటే పోస్టులు, కామెంట్లు పెడుతున్నారు. అల్లు అర్జున్ పుట్టడమే గోల్డెన్ స్పూన్ తో కాదురా డైమండ్ స్పూన్‌తో పుట్టాడు. అతనికి యాటిట్యూడ్, బలుపు ఉంటే తప్పేంటి? ఏమీ లేని మీకే బలుపు ఉంటే.. అతన్ని కామెంట్ చేస్తున్నావ్ నీ దగ్గర ఏముంది? నువ్వంత యాటిట్యూడ్ చూపించడానికి ఎదుటివాళ్ళని జడ్జ్ చేయడానికి నీకేం హక్కు ఉంది? 10 ఏళ్ల క్రితం అనుకుంట రామ్ చరణ్‌ది కూడా ఓ ఇంటర్వ్యూ చూశాను.. మీకెందుకు ఇంత యాటిట్యూడ్ అనడిగితే ఎందుకుండ కూడదని ఆన్సర్ అన్నాడు. నిజమే కదా.. ఎందుకు ఉండకూడదు.’
‘మెగాస్టార్ చిరంజీవి కొడుకు యాటిట్యూడ్ చూపించుకుంటాడు. అలాగే అల్లు అరవింద్ కొడుకు యాటిట్యూడ్ చూపించుకుంటాడు. ఏ మీరు చూపిస్తే యాటిట్యూడ్ కానిది అల్లు అర్జున్ చేస్తే ఎలా తప్పు అవుతుంది. అయినా ఇప్పుడు ప్రతిదీ స్లో మోషన్‌లో పెట్టి మరీ ట్రోల్స్ చేస్తున్నారు. దించుతాం మేము బలుపు దించుతాం అంటూ పోస్టులు పెడుతున్నారు. మీకు ఏం చేతకాదు. అల్లు అర్జున్ యాంటీ ఫ్యాన్స్ ఇలా అంటారు. మళ్లీ మీ ఫేవరెట్ హీరో మాత్రం మీకు దేవుడై పోతాడు.. అదేందో మరి’ అంటూ బన్నీని ట్రోల్ చేస్తున్న వారిని కడిగిపారేసింది మాధవీ లత.
మాధవీలత వీడియో..
Konni kukkalaki Perfect ga ichepadesindhi 👌 My huge Respect to Madhavi Latha garu ❤️❤️ #AlluArjun pic.twitter.com/Pz4nfZ2lxM
— Thaggadhele ™ 🐉 (@SSridattAA_Sam) December 29, 2024
మరిన్ని సినిమా వార్తల కోసం ఇక్కడ క్లిక్ చేయండి.
