Tollywood: ఈ వారం మస్త్ మజా.. థియేటర్‌, ఓటీటీల్లో రానున్న సినిమాలు, వెబ్‌సిరీస్‌లు ఇవే

ఈ వారం థియేటర్‌/ఓటీటీ వేదికగా ప్రేక్షకులను అలరించడానికి సిద్ధమైన సినిమాలు, వెబ్ సిరీస్‌ల లిస్ట్ మీ కోసం....

This Week Releases

Ram Naramaneni |
Updated on: Jan 30, 2023 | 6:39 PM

ఈ ఏడాది పొంగల్‌కి సీనియర్ హీరోలు బాలయ్య, చిరు థియేటర్లకు సంబరాలు తెచ్చారు. అటు విజయ్, అజిత్ కూడా డబ్బింగ్ సినిమాలతో ఓ మోస్తారుగా ఆకట్టుకున్నారు. ఇక ఈవారం వచ్చిన షారుక్ ఖాన్ సినిమా పఠాన్ సైతం బాగానే ఆకట్టుకుంది. ఇక ఫిబ్రవరిలో కొత్త సినిమాలు ప్రేక్షకులను మెప్పించేందుకు సిద్దమయ్యాయి. అటు ఓటీటీలలో సైతం ఈ వీక్ మంచి సినిమాలు, వెబ్ సిరిస్‌లు రిలీజ్ అవుతున్నాయి. అవేంటో తెలుసుకుందాం పదండి…

థియేటర్‌లో విడుదల అవ్వనున్న తెలుగు సినిమాలు:

సందీప్ కిషన్, విజయ్‌ సేతుపతి, వరుణ్‌ సందేశ్‌ గౌతమ్‌ మేనన్‌, దివ్యాంశ కౌశిక్‌, వరలక్ష్మీ శరత్‌కుమార్‌, అనసూయ ప్రధాన పాత్రల్లో నటించిన మైఖేల్‌ మూవీ ఫిబ్రవరి 3న థియేటర్లలో విడుదల అవ్వనుంది.
సుహాస్‌, టినా శిల్ప రాజ్‌, ఆషిశ్‌ విద్యార్థి కీ రోల్స్‌లో నటించిన ‘రైటర్‌ పద్మభూషణ్‌’ కూడా ఫిబ్రవరి 3న సిల్వర్ స్క్రీన్‌పై సందడి చేయనుంది.
పూర్ణ, సాక్షి చౌదరి, జయప్రద ప్రధాన పాత్రల్లో నటించిన చిత్రం.. సువర్ణ సుందరి. ఎన్నో వాయిదాల అనంతరం ఈ సినిమాను ఫిబ్రవరి 3న థియేటర్లలోకి తీసుకువస్తున్నారు.
త్రిగుణ్‌, మేఘా ఆకాశ్‌ , మాయ ప్రీతి, అజయ్‌ కథుర్వార్‌ కీ రోల్స్‌లో నటించిన మూవీ ప్రేమదేశం. ఈ మూవీ కూడా ఫిబ్రవరి 3న ఫేట్ టెస్ట్ చేసుకోనుంది.
అర్జున్‌ దాస్‌, అనికా సురేంద్రన్‌, సూర్య వాశిష్ట నటించిన సినిమా బుట్టబొమ్మ. ఈ మూవీ ఫిబ్రవరి 4న విడుదల అవ్వనుంది.