700 సినిమాలు.. ఎస్.వి. రంగారావు తర్వాత అంతటి నటుడు.. కానీ ఆ కారణంతో సినిమాలు మానేశారు

తెలుగులో ఎంతో మంది స్టార్ హీరోలు ఉన్నారు. ఓ దిగ్గజ నటుడి అద్భుతమైన నటనా ప్రస్థానం గురించి తమ్మారెడ్డి భరద్వాజ ఓ ఇంటర్వ్యూలో వివరించారు. 60 ఏళ్ల సినీ జీవితంలో 700కు పైగా చిత్రాల్లో నటించిన ఆ నటుడు హీరోగా, విలన్‌గా, కమెడియన్‌గా, తండ్రిగా అన్ని రకాల పాత్రలను పోషించారు.

Tollywood

Rajeev Rayala |
Updated on: Sep 18, 2026 | 4:06 PM

తెలుగు చిత్రసీమలో తనకంటూ ఒక చెరగని ముద్ర వేసుకున్న మహానటుడు కైకాల సత్యనారాయణ. ఆయన నటనా విశేషాలను, వ్యక్తిత్వాన్ని ప్రముఖ నిర్మాత, దర్శకుడు తమ్మారెడ్డి భరద్వాజ ఓ ఇంటర్వ్యూలో వివరించారు. 1959లో చిత్రరంగ ప్రవేశం చేసి, 2019 వరకు దాదాపు 60 సంవత్సరాల పాటు సినీ ప్రయాణం చేసిన కైకాల, 700లకు పైగా సినిమాలలో నటించారు. ఆయన బహుముఖ ప్రజ్ఞను తమ్మారెడ్డి భరద్వాజ ఎంతగానో ప్రశంసించారు. యముడిగా, విలన్‌గా, తండ్రిగా, కమెడియన్‌గా, హీరోగా ఇలా ఆయన పోషించని పాత్ర లేదు అని ఆయన అన్నారు. మొదట సిపాయి కూతురు చిత్రంతో హీరోగా వెండితెరకు పరిచయమైన కైకాల సత్యనారాయణ, ఆ చిత్రం పరాజయం పాలైన తర్వాత రాముడు భీముడు వంటి సినిమాల్లో ఎన్.టి. రామారావు గారికి డూప్‌గా కూడా పనిచేశారు. పాత్రల కోసం ఆయన పడిన తపన అసాధారణం. అప్పటికే కొంత స్థిరపడినా, మంచి పాత్రలు దొరికినప్పుడు స్వయంగా చిత్ర నిర్మాణ కార్యాలయాలకు వెళ్లి దర్శకులను, నిర్మాతలను కలిసి అవకాశాలు అడిగేవారు. శారద సినిమాలో అన్నయ్య పాత్ర కోసం దర్శకుడు క్రాంతి గారిని ఒప్పించి మరీ నటించారట. ఆ పాత్రలో ఆయన నటన ప్రేక్షకులను ఎంతగానో కదిలించింది.

Aditi Myakal : మేడమ్ సార్ మేడమ్ అంతే..! మెంటలెక్కిస్తున్న అర్జున్ రెడ్డి భామ

కైకాల సత్యనారాయణను నవరస నటనా సార్వభౌముడు అని పిలవడంలో ఎంతమాత్రం అతిశయోక్తి లేదని తమ్మారెడ్డి భరద్వాజ స్పష్టం చేశారు. ఎందుకంటే, ఆయన నిజంగానే నవరసాలను పండించారు. మోసగాళ్ళకు మోసగాడు సినిమాలో క్రూరమైన విలన్‌గా ప్రేక్షకులను భయపెట్టిన ఆయన, సంసారం సాగరం వంటి చిత్రాల్లో రాజబాబు వంటి వారితో కలిసి హాస్యాన్ని పండించారు. పౌరాణిక చిత్రాల్లో దుర్యోధనుడి పాత్రలో (దాన వీర శూర కర్ణ), అలాగే బాలకృష్ణతో సింగీతం శ్రీనివాసరావు గారి చిత్రంలో ఆయన చూపిన హావభావాలు అద్భుతం. ఎన్.టి.ఆర్. సినిమాల్లో ఆయనకు దీటుగా నిలబడే పాత్రల్లో నటించి మెప్పించారు. ఎన్.టి.ఆర్. అన్ని చిత్రాల్లోనూ దాదాపుగా కైకాల సత్యనారాయణ ఉండేవారంటే ఆయన ప్రాముఖ్యత అర్థమవుతుంది.

ఒకే ఒక్క సినిమా.. విపరీతమైన క్రేజ్ తెచ్చిపెట్టింది.. కట్ చేస్తే సోషల్ మీడియాను షేక్ చేస్తుంది

ఎస్.వి. రంగారావు గారి మరణం తర్వాత తెలుగు చిత్రసీమలో ఏర్పడిన ఖాళీని కైకాల సత్యనారాయణ గారు సమర్థవంతంగా భర్తీ చేశారని తమ్మారెడ్డి భరద్వాజ అన్నారు. ఎస్.వి.ఆర్. గారు ఏడిపించినా, నవ్వించినా, భయపెట్టినా ఇలా ఏ భావమైనా పండించగలిగినట్లుగానే కైకాల కూడా అన్ని రకాల పాత్రలను పోషించారు. వందల సినిమాలు చేసినా, ప్రతి డైలాగ్‌ను పది రకాలుగా సాధన చేసి, అందులో ఉత్తమమైన దానిని ఎంచుకుని నటించేవారట. నటుడిగా ఇంత ఎత్తుకు ఎదిగినా, కైకాల సత్యనారాయణ ఎప్పుడూ నిగర్విగానే ఉండేవారు. అందరితోనూ స్నేహపూర్వకంగా ఉండేవారు, ఎవరితోనూ సినిమా రాజకీయాలు చేయలేదని తమ్మారెడ్డి భరద్వాజ గుర్తుచేసుకున్నారు. ఒక పార్లమెంటు సభ్యుడిగా కూడా ఆయన పనిచేశారు. చివరి రోజుల్లో ఆరోగ్య కారణాల వల్ల, ముఖ్యంగా తన గొంతులో వచ్చిన మార్పుల వల్ల నటించడం మానేశారు. ఎందుకంటే, ఒక నటుడికి గొంతు అనేది ప్రధాన బలం. అది సరిగా లేనప్పుడు తాను ప్రేక్షకులను మోసం చేయకూడదని భావించి నటనకు స్వస్తి చెప్పారు.

ఇవి కూడా చదవండి