సముద్ర గర్భంలో భారీగా బంగారం, వెండి..వేట మొదలు పెట్టిన చైనా

భూమిపై గనులు తవ్వి ఖనిజాలను వెలికితీయడం సాధారణమే కానీ, చైనా శాస్త్రవేత్తలు మాత్రం ఏకంగా సముద్ర గర్భంలోనే భారీ బంగారు, వెండి నిక్షేపాలను గుర్తించారు. పశ్చిమ పసిఫిక్ మహాసముద్రంలో చేపట్టిన ఈ అన్వేషణ ప్రపంచ దేశాల దృష్టిని ఆకర్షిస్తోంది. చైనాకు చెందిన సింగువా విశ్వవిద్యాలయ శాస్త్రవేత్తల బృందం ఆగస్టులో 18 రోజుల పాటు పశ్చిమ పసిఫిక్‌లో సముద్ర అన్వేషణ చేపట్టింది. స్వదేశీ సాంకేతిక పరిజ్ఞానంతో అభివృద్ధి చేసిన డీప్ సీ విజువల్ శాంప్లర్, అటానమస్ అండర్ వాటర్ వెహికల్ సహాయంతో సముద్ర గర్భాన్ని పరిశీలించారు. సముద్రం అడుగున 700 నుంచి 1500 మీటర్ల లోతులో ఉన్న హైడ్రో థర్మల్ వెంట్స్ ప్రాంతాలను గుర్తించారు. అక్కడ నీటి ఉష్ణోగ్రత 315 డిగ్రీల సెల్సియస్ కంటే ఎక్కువగా నమోదైంది. ఆ ప్రాంతం నుంచి సేకరించిన నమూనాలను పరీక్షించగా, భూభాగంలోని సాధారణ ఖనిజాలకంటే అత్యధిక స్థాయిలో బంగారం, వెండి ఉన్నట్లు తేలింది. ఒక టన్ను ముడి ఖనిజంలో సుమారు 15.4 గ్రాముల బంగారం, అలాగే 1.271 కిలోల వెండి ఉన్నట్లు గుర్తించారు.అంతేకాకుండా, అత్యధిక ఉష్ణోగ్రతలు ఉన్న ప్రాంతంలో రొయ్యలు, పీతలు వంటి అరుదైన జీవరాశులు జీవించడం విశేషం. ఈ జీవుల జన్యు వనరులు బయోటెక్నాలజీ, ఔషధ పరిశోధనలకు ఉపయోగపడే అవకాశం ఉంది. సముద్ర గర్భం నుంచి ఖనిజాలను వెలికితీయడంలో అధునాతన సాంకేతికత అవసరమని, పర్యావరణ ప్రభావాలపై కూడా ఆందోళనలు ఉన్నాయని నిపుణులు అంటున్నారు. ఏదేమైనప్పటికీ, చైనా చేపట్టిన ఈ సరికొత్త సముద్ర అన్వేషణ, భవిష్యత్తులో మైనింగ్ రంగంలో సరికొత్త మార్పులకు శ్రీకారం చుట్టేలా కనిపిస్తోంది.

మరిన్ని వీడియోల కోసం :

బిగ్ బాస్‌ టాస్కులేమో కానీ ఆ కంటెస్టెంట్ నడుము విరిగినంత పనైంది

నేనే త్రిష స్థానంలో ఉంటే..నటి అంబిక షాకింగ్ కామెంట్స్

నా 3 కోట్లు నాకు ఇప్పించండి…కోర్టుకెక్కిన ఐబొమ్మ రవి

హాలీవుడ్‌లోకి మహారాజ్‌ మూవీ…హీరో ఎవరంటే?