ప్రధానమంత్రి నరేంద్ర మోదీకి మహేష్ స్పెషల్ విషెస్.. మా అందరికీ స్ఫూర్తినివ్వాలి అంటూ

ప్రధానమంత్రి నరేంద్ర మోదీ సెప్టెంబర్ 17న తన 75వ పుట్టినరోజు జరుపుకుంటున్నారు. ఆయన 1950లో ఈ రోజున గుజరాత్‌లోని వాద్‌నగర్‌లో జన్మించారు. ఈ ప్రత్యేక సందర్భంగా, ఆయనకు దేశం మరియు ప్రపంచం నలుమూలల నుండి అభినందనలు మరియు శుభాకాంక్షలు అందుతున్నాయి. బాలీవుడ్ కూడా ప్రధాని మోదీకి ప్రత్యేక దినోత్సవ శుభాకాంక్షలు తెలియజేయడంలో వెనుకబడలేదు. శంకర్ మహదేవన్, ప్రసూన్ జోషి వంటి ప్రముఖులు ఆయనకు ఒక పాటను కూడా అంకితం చేశారు. దేశవ్యాప్తంగా అలాగే ప్రపంచవ్యాప్తంగా ఉన్న రాజకీయ నాయకులు, బిజెపి కార్యకర్తలు, సామాన్య ప్రజలు,  ప్రముఖ సినీ ప్రముఖులు కూడా ప్రధానమంత్రి నరేంద్ర మోడీకి పుట్టినరోజు శుభాకాంక్షలు తెలుపుతున్నారు. అయితే, ప్రముఖ గాయకుడు శంకర్ మహదేవన్, ప్రఖ్యాత రచయిత ప్రసూన్ జోషి ప్రధానమంత్రి మోడీకి ప్రత్యేక రీతిలో శుభాకాంక్షలు తెలిపారు. వారు ప్రధానమంత్రి పుట్టినరోజున “వందానియా హై దేశ్ మేరా” పాటను విడుదల చేశారు.

అలాగే సూపర్ స్టార్ మహేష్ బాబు కూడా ప్రధానమంత్రి నరేంద్ర మోదీ పుట్టిన రోజు శుభాకాంక్షలు తెలిపారు ఈ మేరకు మహేష్ బాబు ఓ వీడియో షేర్ చేశారు. ఈ వీడియోలో మహేష్ బాబు లుక్ అదిరిపోయింది. రాజమౌళి సినిమా షూటింగ్ లో బిజీగా ఉన్నాడు మహేష్. నరేంద్ర మోదీ బర్త్ డే విషెస్ తెలుపుతూ వీడియో రిలీజ్ చేశారు. మన గౌరవనీయులైన ప్రధానమంత్రి శ్రీ నరేంద్ర మోదీ జీ కి జన్మదిన శుభాకాంక్షలు. మీరు ఎల్లప్పుడూ మంచి ఆరోగ్యం, ఆనందంతో ఉండాలని,  మీ నాయకత్వంతో మా అందరికీ స్ఫూర్తినిస్తూ ఉండాలని కోరుకుంటున్నాను అంటూ విషెస్ తెలిపారు మహేష్ బాబు.