SR Kalyana Mandapam: ఆకట్టుకొంటున్న ‘ఎస్ఆర్ కళ్యాణమండపం’ మూవీ ట్రైలర్..

SR Kalyana Mandapam: రాజావారు రాణిగారు ఫేం కిరణ్ అబ్బవరం వరుస సినిమాలతో ఫుల్ బిజీగా మారిపోయాడు. ప్రస్తుతం ఎస్ఆర్ కళ్యాణమండపం సినిమా చేస్తున్నాడు కిరణ్. ఇటీవలే షూటింగ్ పూర్తిచేసుకున్న ఈ సినిమా త్వరలో ప్రేక్షకుల ముందుకు రానుంది. శ్రీధర్ గాదే ఈ చిత్రానికి దర్శకత్వం వహించారు. ఎలైట్ ఎంటర్టైన్మెంట్స్ బ్యానర్ పై ప్రమోద్ – రాజు కలసి ఈ చిత్రాన్ని నిర్మిస్తున్నారు. ఈ మూవీలో టాక్నీవాలా ఫేం ప్రియంకా జవాల్కర్ హీరోయిన్‏గా నటిస్తుంది. ఈ సినిమాలో సీనియర్ హీరో సాయికుమార్ హీరో తండ్రిగా నటించారు. తనికెళ్ల భరణి – తులసి – శ్రీకాంత్ అయ్యంగార్ ఇతర ప్రధాన పాత్రల్లో కనిపిస్తున్నారు. ఇప్పటికే విడుదలైన ఈ సినిమా పోస్టర్లు, టీజర్ సినిమా పై ఆసక్తిని పెంచేశాయి. ఈ క్రమంలో తాజాగా ఈ సినిమానుంచి ట్రైలర్‌‌‌‌ను విడుదల చేశారు చిత్రయూనిట్.

ట్రైలర్ చాలా కొత్తగా ఇంట్రస్టింగ్ గా అనిపించింది. ‘పది రూపాయలు సంపాదిస్తే కానీ మన కడుపున పుట్టినవాడు కూడా విలువ ఇవ్వడు’ అని సాయి కుమార్ చెప్పే డైలాగ్‌‌‌‌‌తో ప్రారంభమైన ఈ ట్రైలర్ ఆకట్టుకుంటోంది. ఈ ట్రైలర్‌‌‌‌లో తండ్రీ కొడుకుల మధ్య ఎమోషన్స్ ని చూపించారు. అలాగే హీరోయిన్ ను ప్రేమలో పడేయడానికి హీరో పడే పాట్లను ఈ సినిమాలో చూపించారు. ఈ సినిమాకు హీరో కిరణ్ కథ – స్క్రీన్ ప్లే మరియు డైలాగ్స్ అందించడం విశేషం. ఆగస్టు 6న ఈ సినిమాని థియేటర్లలో రిలీజ్ చేస్తున్నారు.

మరిన్ని ఇక్కడ చదవండి :

Sumanth: అక్కినేని వారి ఇంట పెళ్లిబాజాలు.. రెండో పెళ్ళికి రెడీ అయిన సుమంత్

Krithi Shetty: ఉప్పెన భామ జోరు మాములుగా లేదుగా.. బుల్లి తెర ప్రకటన కోసం భారీ రెమ్యునరేషన్‌ తీసుకున్న కృతి.

Shaakuntalam : అంచనాలను ఆకాశానికి చేర్చిన గుణశేఖర్.. శాకుంతలం వాటిని అందుకునేనా..