Sumanth: అక్కినేని వారి ఇంట పెళ్లిబాజాలు.. రెండో పెళ్ళికి రెడీ అయిన సుమంత్

అక్కినేని హీరో సుమంత్ పెళ్లి గురించి గత కొంత కాలంగా వార్తలు చక్కర్లు కొడుతున్నాయి. త్వరలోనే సుమంత్ రెండో పెళ్లి చేసుకోబోతున్నాడని...

Rajeev Rayala |
Updated on: Jul 28, 2021 | 12:17 PM

Sumanth: అక్కినేని హీరో సుమంత్ పెళ్లి గురించి గతకొంత కాలంగా వార్తలు చక్కర్లు కొడుతున్నాయి. త్వరలోనే సుమంత్ రెండో పెళ్లి చేసుకోబోతున్నాడని, ఓ బిజినెస్ మ్యాన్ కూతురిని ఆయన వివాహమాడనున్నాడని టాక్ నడిచింది. ఇప్పుడు ఆవార్తలు వాస్తవమని తెలుస్తోంది. సుమంత్ రెండో పెళ్ళికి సిద్దమయ్యారు. ఇప్పటికే పెళ్లి పనులు కూడా మొదలు పెట్టేశారట. ఈ క్రమంలోనే పెళ్ళికార్డ్‌‌‌‌లను కూడా పంచి పెట్టడం జరిగిందని తెలుస్తోంది. వివాహ కార్డులను SP (సుమంత్-పవిత్ర) అనే అక్షరాలను హైలైట్ చేస్తూ తీర్చిదిద్దారు. కరోనా కారణంగా కొద్దిమంది సమక్షంలోనే ఈ వివాహం జరగనుందని తెలుస్తోంది. అక్కినేని నాగేశ్వరరావు మనవడిగా… అక్కినేని నాగార్జున మేనల్లుడిగా సుమంత్ ఇండస్ట్రీకి పరిచయమైన విషయం తెలిసిందే. యువకుడు- ప్రేమ కథ-గోల్కొండ హై స్కూల్- గోదావరి- సత్యం-మళ్ళీరావా-కపటదారి వంటి సినిమాలతో సుమంత్ మంచి గుర్తింపు తెచ్చుకున్నారు.

2004లో సుమంత్ హీరోయిన్ కీర్తిరెడ్డిని వివాహం చేసుకున్నారు. పెళ్ళైన రెండు సంవత్సరాల తరువాత విడాకులు తీసుకున్నారు. ఆ తర్వాత కీర్తి మరో వివాహం చేసుకొని సెటిల్ అయ్యారు. సుమంత్ తన సినిమాలతో బిజీగా మారారు. ప్రస్తుతం సుమంత్ వాల్తేరు శీను అనే సినిమా చేస్తున్నాడు. ఈ సినిమాలో మాస్ గెటప్‌‌‌లో కనిపించనున్నాడు. ఇక సుమంత్ పెళ్లితో అక్కినేని వారి ఇంట సందడి మొదలైంది.

మరిన్ని ఇక్కడ చదవండి :