ఏం ప్లాన్ చేస్తున్నావ్ జక్కన్న.. ఒక్క మహేష్.. ఐదు పాత్రలు.. ఇది కదా ఫ్యాన్స్ కు కావాల్సింది

సూపర్ స్టార్ మహేష్ బాబు, దర్శక ధీరుడు రాజమౌళి కాంబోలో తెరకెక్కుతున్న సినిమా వారణాసి. ఈ సినిమా పై ప్రేక్షకుల్లో భారీ అంచనాలు క్రియేట్ చేసింది. ఈ సినిమా కోసం మహేష్ బాబు అభిమానులంతా వెయ్యి కళ్లతో ఎదురుచూస్తున్నారు. ఈ సినిమాను భారీ లెవల్ లో ప్లాన్ చేస్తున్నారు. ఈ సినిమా నుంచి ఇప్పటికే విడుదలైన టీజర్ సినిమా పై హైప్ ను తారాస్థాయికి చేర్చాయి. ఇక ఈ సినిమాలో గ్లోబల్ బ్యూటీ ప్రియాంక చోప్రా హీరోయిన్ గా నటిస్తుంది. అలాగే ఈ సినిమాలో పృథ్వీరాజ్ సుకుమార్ గా నటిస్తున్నారు.

2027 మార్చ్ లో వారణాసి సినిమా ప్రేక్షకుల ముందుకురానుంది. ఇటీవలే రామోజీ ఫిలిమ్ సిటీలో మహేష్ బాబు ఫస్ట్ లుక్ తోపాటు, టైటిల్ ను , సినిమా గ్లింప్స్ ను రిలీజ్ చేశారు. ఇది కదా మాకు కావాల్సింది.. బాక్సాఫీస్ బద్దలవ్వడమే లేటు అంటూ ఫ్యాన్స్ పూనకాలతో ఊగిపోయారు. ఈ సినిమాకు వారణాసి అనే టైటిల్ ను ఖరారు చేశారు. ఇక టైలర్ లో మహేష్ బాబు లుక్, వీడియోలో కనిపించిన విజువల్స్ చూస్తుంటే మైండ్ బ్లాక్ అవుతుందని అంటున్నారు ప్రేక్షకులు.

ప్రస్తుతం ఈ సినిమా షూటింగ్ శరవేగంగా జరుగుతుంది. ఇదిలా ఉంటే తాజాగా వారణాసి సినిమా గురించిన ఓ న్యూస్ వైరల్ గా మారింది. ఈ సినిమాలో మహేష్ బాబు రుద్రగా కనిపించనున్నాడని ఇప్పటికే రిలీవ్ అయ్యింది. అలాగే మహేష్ బాబు రాముడిగా కనిపించనున్నాడని రాజమౌళి హింట్ ఇచ్చారు. ఇవి కాకుండా మహేష్ బాబు మరో మూడు పాత్రల్లో నటిస్తున్నాడని. ఇలా మొత్తానికి మహేష్ బాబు మొత్తం 5 పాత్రల్లో కనిపిస్తాడని టాక్ వినిపిస్తుంది. ఈ వార్త వైరల్ అవ్వడంతో మహేష్ అభిమానులు ఖుష్ అవుతున్నారు. మరి ఏ వార్తల్లో వాస్తవమెంత అన్నది తెలియాల్సి ఉంది.

మరిన్ని సినిమా వార్తల కోసం ఇక్కడ క్లిక్ చేయండి