Ravi Teja: శరవేగంగా రావణాసుర మూవీ షూటింగ్.. ఫస్టు డే ఎగ్జైట్మెంట్ అంటూ మాస్ రాజా సెల్ఫీ..

మాస్ మహారాజ రవితేజ ప్రస్తుతం వరుస సినిమాలను లైనప్ చేసి దూసుకుపోతున్నారు. త్వరలోనే ఖిలాడీ సినిమాతో ప్రేక్షకుల ముందుకు రానున్నాడు రవితేజ.

Ravanasura

Rajeev Rayala | Edited By: Phani CH|
Updated on: Feb 03, 2022 | 7:33 AM

Ravi Teja: మాస్ మహారాజ రవితేజ ప్రస్తుతం వరుస సినిమాలను లైనప్ చేసి దూసుకుపోతున్నారు. త్వరలోనే ఖిలాడీ సినిమాతో ప్రేక్షకుల ముందుకు రానున్నాడు రవితేజ. రమేష్ వర్మ దర్శకత్వం వహించిన ఈసినిమా థ్రిల్లర్ నేపథ్యంలో తెరకెక్కింది. గత ఏడాది వచ్చిన క్రాక్ సినిమా రవి తేజకు సాలిడ్ ,హిట్ అందించింది. ఈ సినిమా తర్వాత ఇప్పుడు ఖిలాడీ సినిమాతో ప్రేక్షకుల ముందుకు రానున్నాడు. ఈ సినిమాకు రమేష్ వర్మ దర్శకత్వం వహిస్తున్నాడు.ఈ సినిమాలో మీనాక్షి చౌదరి, డింపుల్ హయతి హీరోయిన్స్ గా అలరించనున్నారు. అలాగే ఈ సినిమా తర్వాత రామారావు ఆన్ డ్యూటీ అనే సినిమా చేస్తున్నాడు మాస్ రాజా. శరత్ మండవ దర్శకత్వం వహిస్తున్న ఈ సినిమాలో కథానాయికగా దివ్యాన్ష కౌశిక్ అలరించనుంది. ప్రస్తుతం ఈ సినిమా షూటింగ్ దశలో ఉంది. ఈ సినిమాలో రవితేజ ప్రభుత్వ అధికకారిగా కనిపించనున్నాడు. ఈ సినిమాతోపాటు త్రినాద్ రావు దర్శకత్వంలో ధమాకా అనే సినిమా చేస్తున్నాడు. అలాగే టైగర్ నాగేశ్వర్ రావు అనే సినిమాను కూడా పట్టాలెక్కించనున్నాడు.

అలాగే రవితేజ హీరోగా ‘రావణాసుర’ అనే సినిమా కూడా రూపొందుతోంది. అభిషేక్ పిక్చర్స్ వారు నిర్మిస్తున్న ఈ సినిమాకి, రవితేజ నిర్మాణ భాగస్వామిగా వ్యవహరిస్తున్నాడు. సంక్రాంతి పండుగ సందర్భంగా జనవరి 14వ తేదీన ఈ సినిమా పూజా కార్యక్రమాలు జరుపుకుంది. ఈ సినిమాలో అక్కినేని హీరో సుశాంత్ కీలక పాత్రలో నటించనున్నాడు. ప్రస్తుతం సుశాంత్ పాల్గొనే సీన్స్ ను చిత్రీకరిస్తున్నారు. తాజాగా ఈ సినిమా షూటింగ్ లో రవితేజ జాయిన్ అయ్యారు. ఈ రోజున ఫస్టు డే ఎగ్జైట్మెంట్ అంటూ రవితేజ ఒక ఫొటో షేర్ చేశాడు. ఈ సినిమాలో ఐదుగురు కథానాయికలు కనువిందు చేయనున్నారు. అనూ ఇమ్మాన్యుయేల్ .. మేఘ ఆకాశ్ .. ఫరియా అబ్దుల్లా .. దక్ష నగార్కర్ .. పూజిత పొన్నాడ ఆ జాబితాలో ఉన్నారు.